Yɩɩn-sõamyã sebre 73:1-28
A Azaf yɩɩlle.+
73 Wẽnnaam sɩd yaa sõma Israyɛll yĩnga, neb nins sũy sẽn yaa yɩlmã yĩnga.+
2 Sã n yaa ne maam, ra kella bilf tɩ m naoã bʋdge.Mam naoã naan n salgame.+
3 Bala mam wa n maanda sũ-kiir ne wuk-m-mens rãmbã,*mam sẽn da ne nin-wẽnsã sẽn zĩ ne laafɩ wã.+
4 Bala b pa namsd n yaool n ki ye.B yĩnsã tara laafɩ.+
5 B pa tar zu-loees wa neb a taabã ye.+B pa namsd wa neb a taabã me ye.+
6 Rẽ kɩtame tɩ tɩtaam yaa b loorẽ nag-teoogo.+B yera nen-kɛglem wa fuugu.
7 B arzɛgsã* kɩtame tɩ b ninã noode.B arzɛgsã yɩɩda sũur sẽn tõe n mage.
8 B gomda yaalg goam la gom-wẽnse.+
B wukda b mens n yetẽ tɩ b na n weooga b taabã.+
9 B gomda wa b woglmã taa saasã.B zɩlma wã wukda b mens tẽngã zugu.
10 Rẽ n so tɩ Wẽnnaam nebã wẽnemd n tees b nengẽ.
B yũuda b koomã sẽn yaa wʋsgã.
11 Nin-wẽnsã sokdame yaa: “Wẽnnaam yɩɩ wãn n bãnge?+
Sẽn ka-a to wã sɩd tara bãngr sɩda?”
12 Nin-wẽnsã yaa woto. B pa tol n paamd zu-loees ye.+
B paasda b paoongã wakat fãa.+
13 Sɩd-sɩda, yaa zaalem yĩng la mam sẽn mao tɩ m sũurã yaa yɩlemde,la m pek m nus n wilg tɩ m pa tar yellã.+
14 Daarã tõre, mam da maanda yɩɩre.+Yibeoog fãa, b ra remsda maam.+
15 La mam sã n da gom bõn-kãens yelle,mam da na n zãmba yãmb nebã.*
16 Mam sẽn wa n baood n na n wʋm rẽ võorã,ra namsda maam,
17 n tãag mam sẽn wa n kẽ Wẽnnaam do-kãsengã pʋgẽ,n bãng nin-kãens baasg sẽn na n yɩ to-to wã.
18 Sãmbg sẽn kae, yãmb ning-b-la zĩig sẽn yaa salse.+
Yãmb tar-b lame n dabd b sãoong zĩigẽ.+
19 Ad b sãoongã na n yɩɩ zĩig pʋgẽ!+
Ad b baasgã na n yɩɩ zĩig pʋgẽ, la wẽng wʋsgo!
20 Zeova, yãmb sã n wa yiki, yãmb na n yĩma b yell*wa zãmsd ned sẽn zãms n neke.
21 La mam sũurã ra sãama wʋsgo.+Toog sẽn yaa kãseng n da be mam pʋgẽ.*
22 Mam da yaa yalma, n pa wʋmd bũmb võor ye.Mam da yaa wa rũng sẽn pa tar yam n be yãmb taoore.
23 La masã, mam bee ne yãmb wakat fãa.Yãmb gãda mam nug-rɩtgo.+
24 Yãmb wilgda maam sor ne y saglsã maasem,+la y na n kɩt tɩ m paam ziiri.+
25 Ãnda la mam tar saasẽ?
Sã n zʋʋg yãmba, mam pa rat baa fʋɩ tẽngã zug ye.+
26 Mam yĩngã ne m sũurã tõe n yaame,la Wẽnnaam yaa mam sũurã pĩiga, la m pʋɩɩr wakat fãa yĩnga.+
27 Sɩd-sɩda, neb nins sẽn zãagd ne yãmbã na n sãamame.
Yãmb na n menesa ned ning fãa sẽn pa maand sɩd ne* yãmba.+
28 La sã n yaa ne maam, Wẽnnaam kolgr n nafd maam.+
Mam kɩtame t’a Zeova sẽn yaa Zu-soab sẽn ka to wã lebg mam soondg zĩiga,sẽn na yɩl n moon a tʋʋmã fãa.+
Vẽnegr toor-toore
^ Bɩ, “pẽg-m-mens rãmbã.”
^ Ebre, “B sẽn nobã.”
^ Ebre, “yãmb kom-dibli wã zãmaanã.”
^ Ebre, “paoog-b-la.”
^ Ebre, “mam yiimẽ wã.”
^ Bɩ, “sẽn maand wa yoaad n basd.”
