Yɩɩn-sõamyã sebre 75:1-10
-
Wẽnnaam kaooda bʋʋd ne tɩrlem
-
Nin-wẽnsã na n yũu a Zeova bõn-yũudlã (8)
-
Yɩɩlã taoor soab yĩnga. Segd n yɩɩlame tɩ zems “Ra sãam ye.” A Azaf yɩɩlle.+
75 Tõnd pʋʋsda yãmb barka, mam Wẽnnaam. Tõnd pʋʋsda yãmb barka.Yãmb yʋʋrã pẽe tõndo.*+Nebã moonda yãmb tʋʋm-kãsemsã.
2 Yãmb yeelame: “Mam sã n yãk wakat n na n kao bʋʋdo,mam kaooda bʋʋdã ne tɩrlem.
3 Dũniyã ne a nebã fãa sẽn wa n yẽnegdẽ wã,yɩɩ maam n kɩt t’a ra-lugsã yals kãn-kãe.” (Sela)
4 Mam yeta neb nins sẽn pẽgd b mensã yaa: “Ra pẽg-y y mens ye.”
Mam yeta nin-wẽnsã yaa: “Ra zẽk-y y pãngã* ye.
5 Ra zẽk-y y pãngã* yĩngri,wall y gom ne wuk-m-meng ye.
6 Bala ninsaal waoogr pa yityaanga, nin-taoor wall goabg ye.
7 Wẽnnaam yaa bʋ-kaooda.+
A sikda ned a yembre, la a zẽkd ned a to.+
8 Bala bũmb b sẽn tar n yũud n be a Zeova nugẽ.+Divẽ wã wukda puudu, n yaa divẽ sẽn yaa toose.
Sãmbg sẽn kae, a na n kiig-a lame,la nin-wẽnsã sẽn be tẽngã zugã fãa na n yũ-a lame n tãag bɩllã.”+
9 La sã n yaa ne maam, mam na n moona rẽ wakat fãa yĩnga.Mam na n yɩɩl n pẽga a Zakoob Wẽnnaamã.
10 Bala a yetame yaa: “Mam na n sãama nin-wẽnsã pãng* fãa.La nin-tɩrsã pãng* na n paasame.”
Vẽnegr toor-toore
^ Ebre, “Yãmb yʋʋrã pẽeme.”
^ Ebre, “yɩɩllã.”
^ Ebre, “yɩɩllã.”
^ Ebre, “yɩɩl.”
^ Ebre, “yɩɩl.”
