Yɩɩn-sõamyã sebre 8:1-9
Yɩɩlã taoor soab yĩnga. Yɩɩnda ne Gititi.* A Davɩɩd yɩɩlle.
8 Tõnd Zu-soab a Zeova, yãmb yʋʋrã sɩd yaa kãseng dũniyã fãa pʋgẽ!Yãmb kɩtame tɩ y ziirã zẽk n yɩɩd saasã menga!*+
2 Ne kamb la kom-bõoneg noy maasem,+ yãmb wilga y pãngãy zabd-n-taasã yĩnga,sẽn na yɩl tɩ bɛ wã ne sẽn dokd-a a sũurã sĩndi.
3 Mam sã n ges saasã sẽn yaa yãmb nug* tʋʋmã,n paas kiuugã ne ãdsã yãmb sẽn naanã,+
4 mam sokda m meng yaa: “Ninsaal sẽn yaa kiidã yaa bõe tɩ y tẽr a yelle,la ãdem-biig yaa bõe tɩ yãmb get a yelle?”+
5 Yãmb naan-a lame tɩ kellẽ bilf t’a zem malɛgsã.*Yãmb kõ-a-la ziir la neerem.
6 Yãmb kɩtame t’a soog yãmb nug tʋʋmã.+Yãmb ninga bũmb fãa a naoã tẽngre:
7 Yaa rũm-bõonegã ne rũm-bɛdã fãa,n paas we-rũmsã,+
8 bõn-yɩgdɩ wã sẽn yɩgd yĩngrã la zĩmã sẽn be mogrẽ wã,ne bũmb ning fãa sẽn kẽnd mogrã pʋgẽ wã.
9 Tõnd Zu-soab a Zeova, yãmb yʋʋrã sɩd yaa kãseng dũniyã fãa pʋgẽ!
Vẽnegr toor-toore
^ Ges-y gom-biis võor bilgrã zĩigẽ.
^ Pa rẽ bɩ, “Yãmb a soab ning b sẽn gomd a ziirã yell hal sẽn zʋʋg saasẽ wã!”
^ Ebre, “nug-biis.”
^ Bɩ, “sẽn wõnd-b Wẽnnaamã.”
