Yɩɩn-sõamyã sebre 96:1-13
96 Yɩɩl-y yɩɩn-paall a Zeova yĩnga.+
Bɩ dũniyã fãa yɩɩl a Zeova yĩnga!+
2 Yɩɩl-y-yã a Zeova yĩnga. Pẽg-y-yã a yʋʋrã.
Moon-y-yã a fãagrã koe-noog daar ne a to fãa.+
3 Moon-y-yã a ziirã bu-zẽmsã sʋka,la a tʋʋm-kãsemsã buud toɛy-toɛyã fãa sʋka.+
4 A Zeova yaa kãsenga, n segd ne pẽgr wʋsgo.
Yaa yẽ la b segd n zoe la b waoog n yɩɩd wẽnnaam-dãmb a taabã fãa.
5 Bu-zẽmsã wẽnnaam-dãmbã fãa yaa wẽn-faado,+la a Zeova n yaa soab ning sẽn naan saasã.+
6 Ziir la neerem bee a sẽn beẽ wã.+Pãng la neerem bee a roogẽ wã.+
7 Yãmb a buud toɛy-toɛyã rot rãmba, kõ-y-yã a Zeova bũmb ning a sẽn segd ne wã.Kõ-y-yã a Zeova a sẽn segd ne bũmb ningã, a ziirã la a pãngã yĩnga.+
8 Kõ-y-yã a Zeova ziir ning a yʋʋrã sẽn segd ne wã.+Tall-y kũun n wa, la y kẽ a samanẽ wã.
9 Wõgemd-y-yã a Zeova taoor* ne fut sẽn yaa sõamyã.*Bɩ dũniyã fãa rig a taoore!
10 Moon-y buud toɛy-toɛyã sʋk n yeel yaa: “A Zeova lebga Rĩma!+
Tẽngã* lugla kãn-kãe, tɩ bũmb pa tõe n yẽrg-a ye.*
A na n kaoo buud toɛy-toɛyã bʋʋd tɩrga.”+
11 Bɩ saasã kɩdme, la bɩ tẽngã maan sũ-noogo.Bɩ mogrã ne bũmb ning fãa sẽn be a pʋgẽ wã tãse.+
12 Bɩ wetã ne bũmb ning fãa sẽn be b pʋsẽ wã kɩdme.+
Bɩ tɩɩsã sẽn be kãgrẽ wã fãa naag taab n kaas ne sũ-noog+
13 a Zeova taoore, bala a watame.*A watame n na n kao dũniyã bʋʋdo.
A na n kaoo tẽngã* nebã bʋʋd ne tɩrlem,+la a kao buud toɛy-toɛyã bʋʋd ne a kɩs-sɩdã.+
Vẽnegr toor-toore
^ Pa rẽ bɩ, “a sõmblmã sẽn tar ziirã yĩnga.”
^ Bɩ, “Waoog-y-yã a Zeova.”
^ Bɩ, “Tẽn-gãongã.”
^ Bɩ, “pa tõe n miim-a ye.”
^ Bɩ, “waame.”
^ Bɩ, “tẽn-gãongã.”
