Yɩɩn-sõamyã sebre 99:1-9
99 A Zeova lebga Rĩma.+ Bɩ buud toɛy-toɛyã neb rigi.
A zĩi naam geer zug seribẽ-rãmbã zugẽ.*+ Bɩ tẽngã rigimdi.
2 A Zeova bee Siyõ n yaa kãsenga.A zẽkame n yɩɩd buud toɛy-toɛyã fãa.+
3 Bɩ b pẽg yãmb yʋ-kãsengã,+bala a segda ne zoees la waoogre, n yaa sõngo.
4 A yaa rĩm sẽn tar pãng wʋsgo, la sẽn nong tɩrlem.+
Yãmb lugla noy sẽn yaa tɩrse, tɩ b pa tõe n vigs ye.
Yãmb waa ne zemsg la tɩrlem+ a Zakoob yagensã sʋka.
5 Pẽg-y tõnd Wẽnnaam a Zeova,+ la y wõgemd* a nao-roagendgã+ taoore.A yaa sõngo.+
6 A Moyiiz ne a Aarõ ra naaga a maan-kʋʋdbã.+A Sãmwɛll ra naaga neb nins sẽn pʋʋsd ne a yʋʋrã.+
B ra boonda a Zeova,t’a leokd-ba.+
7 Wẽnnaam ra paada sawadgã pʋgẽ+ n gomd ne-ba.
B tũu Wẽnnaam saglsã la noy nins a sẽn kõ-bã.+
8 Tõnd Wẽnnaam a Zeova, yãmb ra leokd-b lame.+
Yãmb yaa Wẽnnaam sẽn da kõt-b sugri,+la yãmb sɩbg-b-la* b yel-wẽnã yĩnga.+
9 Pẽg-y tõnd Wẽnnaam a Zeova,+la y wõgemd* a tãn-sõngã sɛɛga,+bala tõnd Wẽnnaam a Zeova yaa sõngo.+
Vẽnegr toor-toore
^ Pa rẽ bɩ, “sʋka.”
^ Bɩ, “waoog-a.”
^ Ebre, “roka y sũur ne bãmb.”
^ Bɩ, “waoog-a.”
