Yel-bũnã sebre 10:1-32
10 A Salomo yel-bũnã.+
Biig sẽn tar yam noogda a ba sũuri,+la biig sẽn yaa yalem kɩtdame t’a ma paam sũ-sãanga.
2 Paoong f sẽn paam ne wẽnem pa na n tall yõod ye.La yaa tɩrlem n fãagd ned ne kũum.+
3 A Zeova pa na n bas tɩ kom yõk nin-tɩrg* ye.+La a na n zãgsame n pa kõ nin-wẽnsã b sẽn datã ye.
4 Kʋɩɩm na n lebga naong soaba,+la ned sẽn tʋmd sõma na n lebga arzɛk soaba.+
5 Biig sẽn tʋmd ne yam tigsda kood sɩpaolgo,*la biig sẽn tʋmd yãn-tʋʋm gõee tamm kẽebg wakate.+
6 Bark bee nin-tɩrg zugu,+la nin-wẽnsã noy solgda nen-kɛglem tʋʋm b sẽn magd n na n tʋme.
7 B na n tẽegda nin-tɩrg yell* n pẽgd-a,+la nin-wẽng yʋʋr na n menemame.+
8 Yam soab na n saka zãmsgo,*+la b na n taba sẽn gomd-a yalem-goama.+
9 Sẽn kẽnd-a ne burkĩnd na n kẽna ne bãane,+la sẽn golemd-a a soay yɛl na n vẽnegame.+
10 Sẽn wẽgsd-a a nin ne sɩlem wata ne sũ-sãanga.+B na n taba sẽn gomd-a yalem-goama.+
11 Vɩɩm yita nin-tɩrg noorẽ,+la nin-wẽnsã noy solgda nen-kɛglem tʋʋm b sẽn magd n na n tʋme.+
12 Yaa kisgr n wat ne no-koɛɛma,la nonglem luta beegr fãa.+
13 Yam bee yam-vẽenem soab no-bɩmsẽ,+la rasaar yaa sẽn pa tar-a yamã* poor yĩnga.+
14 Sẽn tar-b yamã bĩngda bãngr sõma,+la yalem noor wata ne sãoongo.+
15 Arzɛk soab paoong* yaa a tẽng sẽn gũbg lalse,
la naong rãmbã lʋɩɩs yaa b naongã.+
16 Nin-tɩrg tʋʋm wata ne vɩɩm,la nin-wẽng tʋʋm wata ne yel-wẽnde.+
17 Ned ning sẽn sakd kiblg yaa vɩɩm sore,*la ned ning sẽn maand a toog kae ne remsg menesda a taaba.
18 Ned ning sẽn solgd a kisgr yagda ziri.+Ned ning sẽn yelgd kibay sẽn yaa ziri* yaa yalma.
19 Ned sã n gomd wʋsgo, a pa tõe n pa wa beeg ye.+La ned ning sẽn gũusd ne a goam* tʋmda ne yam.+
20 Nin-tɩrg zɩlemd yaa wa wanzuri sẽn yaa sõma n yɩɩda,+la nin-wẽng tagsa* yõod pa waoog ye.
21 Nin-tɩrg no-bɩms rɩlgda neb wʋsgo,*+la yalembã kiida b sẽn pa tar yamã yĩnga.+
22 Yaa a Zeova barkã n kɩtd tɩ ned yɩ arzɛk soaba,+la a pa kõt rẽ n paas toog* ye.
23 Sã n yaa ne yalma, yãn-tʋʋm yaa wa reem,la yam yaa yam-vẽenem soab yĩnga.+
24 Nin-wẽng sẽn zoet bũmb ningã n na n wa a zugu,la b na n kõo nin-tɩrg a sẽn date.+
25 Sa-kẽengã sã n wa looge, nin-wẽng pa na n le zĩnd ye.+La nin-tɩrg yaa wa yẽbgr sẽn kaoosd wakat fãa yĩnga.+
26 Divẽ-miisg sẽn maand yẽn bũmb ningã, la bug-zõos sẽn maand nin bũmb ningã,kʋɩɩm me maanda ned ning sẽn tʋm-a wã* woto.
27 A Zeova zoees wogenda yõore,+la b na n kʋʋga nin-wẽnsã yõya.+
28 Nin-tɩrsã sẽn gũud bũmb ningã* kõta sũ-noogo,+la nin-wẽnsã saagr pa na n tol n pids ye.+
29 A Zeova sorã yaa soondg zĩig ned sẽn pa tar taal yĩnga,+la a yaa sãoong tʋʋm-wẽns-maandbã yĩnga.+
30 B pa na n tol n maan tɩ nin-tɩrg lʋɩ,+la nin-wẽnsã pa na n le zĩnd tẽngã zug ye.+
31 Nin-tɩrg noor gomda yam goama,la b na n fiuuga zɩlemd sẽn gomd gom-yoodo.
32 Nin-tɩrg no-bɩms mii goam sẽn noome,la nin-wẽng noor gomda gom-yoodo.
Vẽnegr toor-toore
^ Bɩ, “nin-tɩrg sɩɩg.”
^ Bɩ, “tʋʋlg wakate.”
^ Bɩ, “yʋʋr.”
^ Ebre, “noya.”
^ Ebre, “pa tar-a sũurã.”
^ Bɩ, “bũmb sẽn tar yõod.”
^ Pa re bɩ, “bee vɩɩm sorã zugu.”
^ Bɩ, “wɩdg.”
^ Ebre, “no-bɩms.”
^ Ebre, “sũur.”
^ Bɩ, “wilgda neb wʋsg sore.”
^ Bɩ, “sũ-sãanga, zu-loees.”
^ Bɩ, “a tʋʋmã taoor soab.”
^ Bɩ, “saagrã.”
