Yel-bũnã sebre 21:1-31
21 Rĩm sũur yaa wa kʋɩls koom a Zeova nugẽ.+
A kɩtdame t’a teesd a sẽn datẽ.+
2 Ninsaal soay fãa wõnda tɩrs a nifẽ,+la a Zeova feesda sũyã.*+
3 F sã n maan sẽn yaa sõma la sẽn yaa tɩrga,nooma a Zeova n yɩɩd maoongo.+
4 Tɩtaam la wuk-m-mengyaa fɩtl ning sẽn wilgd nin-wẽnsã sore. B yaa yel-wẽna.+
5 Sãmbg sẽn kae, sẽn tʋmd-a sõma magb kɩtdame t’a yɛl yãkd nenga,*+la sẽn yaa-b yãg-yãgã fãa na n baasa ne naongo.+
6 Arzɛgs b sẽn yag ziri n paamyaa wa wulug sẽn menemde, la wa bẽdg sẽn kʋʋde.*+
7 Nin-wẽnsã nen-kɛglem n na n menes-ba,+bala b zãgsdame tɩ b kõn maan sẽn yaa tɩrg ye.
8 Ned sẽn tar taal sor yaa golengo,la sẽn pa tar-a yell manesem yaa tɩrga.+
9 Fo sã n be roog zugu,sãoo f sẽn na n be ro-yɛng ne pag sẽn nong zaba.*+
10 Nin-wẽng* rata sẽn yaa wẽng bala.+A pa zoet a to nimbãaneg baa bilf ye.+
11 B sã n wa sɩbgd nin-yaanda, sẽn pa tar-a yam lebgda yam soaba,la sẽn tar-a yam sã n zãmsd bũmb wʋsgo, a paamda bãngre.*+
12 Wẽnnaam sẽn yaa tɩrlem soabã mii nin-wẽng zak rãmb sẽn maande.A kẽesda nin-wẽnsã sãoong pʋgẽ.+
13 Ned ning sẽn yẽt a tʋb n pa kelgd nimbãan-ned kɛlenga,yẽ me na n wa boondame tɩ b pa leokd-a ye.+
14 Kũun b sẽn soos n kõ sigsda sũuri.+Noor-madgr b sẽn soos n kõ sigsda sũ-pu-kãsenga.
15 Nin-tɩrg sũur nooma ne sẽn yaa tɩrg maanego,+la rẽ yaa wẽng wʋsg ne tʋʋm-wẽns-maandbã.
16 Ned ning sẽn bʋdgd n basd yam sorãna n tɩ naaga neb nins sẽn ki n pa le tõe n maan bũmbã.+
17 Ned ning sẽn nong yõ-noogr na n lebga naong soaba.+Sẽn nong-a divẽ la kaam pa na n yɩ arzɛk soab ye.
18 B na n dɩka nin-wẽng n kõ n fãag nin-tɩrga.B na n yõka zãmb soab la b bas nin-tɩrga.+
19 F sã n be we-raoogẽ,sãoo f sẽn na n be ne pag sẽn nong zab* la sẽn yaa sũur soaba.+
20 B yãta bũmb toor-toor sẽn yaa sõma wʋsg la kaam yam soab roogẽ,+la yalem na n sãama* bũmb ning a sẽn tarã.+
21 Ned ning sẽn baood tɩrlem la maan-neerna n paama vɩɩm, tɩrlem la ziiri.+
22 Yam soab tõe n kal n kẽe gãndaad tẽngẽ,n sãam b lalsã sẽn tar pãngã b sẽn teegã.+
23 Ned ning sẽn gũusd ne a noor la a zɩlemdginda zu-loeese.+
24 Ned sã n wukd a menga, la a maand a toog kae ne rẽ sẽn tõe n wa ne zu-loees ninsã,b na n boond-a lame tɩ wilg-m-meng soab la pẽg-m-meng soaba.+
25 Kʋɩɩm sẽn dat bũmb ningã na n kʋ-a lame,bala a nusã zãgsa tʋʋmde.+
26 Daarã tõre, a rata bũmb wʋsgo.La nin-tɩrg yẽ kõtame n pa kell baa fʋɩ ye.+
27 Wẽnnaam kisa nin-wẽng maoongo.+
Woto wã, a kõn kisg maoong a sẽn kõ ne yam-wẽng* n yɩɩd sɩda?
28 Kaset soab sẽn yagd ziri na n sãamame,+la ned ning sẽn kelgd na n tõog n kõo kaset sõma.*
29 Nin-wẽng maanda gãndaalem,+la yaa nin-tɩrg sor zug la yell pa be.*+
30 Yam, yam-vẽenem, wall saglg kae n tõe n gɩdg a Zeova raab ye.+
31 B segenda wed-moaag zabr daar yĩnga,+la fãagr yita a Zeova nengẽ.+
Vẽnegr toor-toore
^ Bɩ, “tagsa wã.”
^ Bɩ, “t’a nafdẽ.”
^ Pa rẽ bɩ, “sẽn baood-b kũumã yĩnga.”
^ Bɩ, “yẽgengo.”
^ Bɩ, “Nin-wẽng sɩɩg.”
^ Bɩ, “a mii a sẽn na n manega.”
^ Bɩ, “yẽgeng.”
^ Ebre, “vela.”
^ Bɩ, “n yaool n tʋmd yãn-tʋʋm.”
^ Ebre, “goma wakat fãa yĩnga.”
^ Bɩ, “yaa nin-tɩrg n kɩtd tɩ yell pa be a sor zug ye.”
