Yel-bũnã sebre 28:1-28
28 Nin-wẽnsã zoetame tɩ ned yaool n pa rigd-ba,la nin-tɩrsã pɛlg kɛgma wa gɩgemde.*+
2 Tẽng neb sã n kɩɩsd tõogã,* a nanambsã na n leta taaba,+la ne ned sẽn tar yam la bãngr sõngre, naab* kaoosdame.+
3 Naong soab sẽn zãmbd nimbãan-neb+yaa wa saag sẽn kãagd rɩɩb zãng n loogdẽ.
4 Sẽn basd-b tõogã tũub pẽgda nin-wẽnga,la sẽn tũud-b tõogã sũy yikda ne-ba.+
5 Nin-wẽnsã pa tõe n wʋm tɩrlem võore,la sẽn baood-b a Zeova wã tõe n wʋma bũmb fãa võore.+
6 Naong soab sẽn kẽnd a burkĩnd pʋgẽn são ned sẽn yaa arzɛk soaba, t’a soayã pid ne zãmbo.+
7 Biig sẽn tar bãngr tũuda tõogã,la sẽn tũud-a yão-be-neb paoogda a ba.+
8 Ned sã n pengd n dogend yõod wʋsg sẽn na yɩl n paas a paoongo,+a tigsda rẽ sẽn zoet-a naong rãmbã nimbãaneg yĩnga.+
9 Sẽn zãgs-a t’a kõn kelg tõogã,Wẽnnaam kisa baa a soabã pʋʋsgo.+
10 Sẽn tudgd-a nin-tɩrs sẽn na yɩl tɩ b rɩk so-wẽng na n wẽneg n lʋɩɩ a meng bokẽ,+la sẽn pa tar-b taal na n paama sẽn yaa sõma tɩ yɩ b pʋɩɩre.+
11 Arzɛk soab tagsdame t’a yaa yam soaba,+la naong soab sẽn tar yam-vẽenem tõe n bãnga sɩdã a zugu.+
12 Nin-tɩrs sã n paam tõogre yaa ziir-kãsenga.La nin-wẽns sã n deeg naam, nebã zoetame n solgdẽ.+
13 Ned ning sẽn solgd a beegr yɛl pa na n yãk neng ye.+La sẽn vẽnegd-a a beegr n togs la a bas rẽ, b na n zoee a nimbãanega.+
14 Sũ-noog soab la ned ning sẽn gũusd a meng wakat fãa,*la ned ning sẽn diglimd a sũur na n lʋɩɩ yel-beed pʋgẽ.+
15 Na-wẽng sẽn dɩt naam neb sẽn pa tar sõangd zutyaa wa gɩgemd sẽn kelemde, la wa urs* sẽn digd rũng n na n yõke.+
16 Taoor soab sẽn pa tar yam-vẽenem maanda neb a taabã pãnga,+la sẽn kis-a paoong b sẽn paam ne zãmb na n wogla a yõore.+
17 Ned sẽn tar zɩɩm taal a sẽn yãk a to yõor yĩng na n kell n lamsame n tãag a kũum.*+
Bɩ ned baa a ye ra sõng-a ye.
18 Sẽn kẽnd-a n pa tar taal na n paama fãagre,+la ned ning soay sẽn yaa golems na n tiig n lʋɩɩme.+
19 Sẽn kood-a a pʋʋg na n paama rɩɩb* wʋsgo,la naong na n wʋma sẽn pʋgd-a bũmb nins sẽn pa tar yõodã.+
20 Sẽn maand-a sɩd na n paama bark wʋsgo,+la sẽn yãgd-a n dat n lebg arzɛk soab pa na n pa n ka tall taal ye.+
21 F sã n bak ned n sõnge, pa sõma ye.+La bur-gɩrg yĩnga, nina tõe n maana wẽnga.
22 Sũ-ki-ned* yãgdame n dat paoongo,n pa mi tɩ naong n na n yõk-a ye.
23 Ned sẽn demsd a to+ na n wa paama lohorem,+n yɩɩd ned sẽn belgd a taab ne a zɩlemde.
24 Sẽn fãad-a a ba ne a ma la a yetẽ tɩ “pa wẽnga,”+
a yaa sẽn wat-a ne sãoongã tʋmd-n-taaga.+
25 Rat tɩ loog soab* wata ne no-koɛɛma,la sẽn teeg-a a Zeova yɛl na n yãka nenga.*+
26 Ned ning sẽn teeg a meng sũur yaa yalma,+la sẽn kẽnd-a ne yam na n põsame.+
27 Bũmb kõn paoog sẽn kõt-a naong rãmba,+la sẽn mumd-a a nin n pa get naong rãmbã na n paama kãab-wẽns wʋsgo.
28 Nin-wẽns sã n deeg naam, nebã solgdame,la b sã n wa sãame, nin-tɩrsã lebgda wʋsgo.+
Vẽnegr toor-toore
^ Bɩ, “gɩgem-polle.”
^ Bɩ, “sã n yaa tõatba.”
^ Ebre, “yẽ.”
^ Bɩ, “ned ning rabeem sẽn zɩ n sa.”
^ Yaa we-rũng sẽn tar nao a naas n yaa bedre, t’a noorã wõnd baag noore.
^ Bɩ, “bokẽ wã.”
^ Ebre, “bur.”
^ Bɩ, “Rat tɩ loog soab.”
^ Pa rẽ bɩ, “Sɩɩg sẽn yaa wuk-m-meng soab.”
^ Ebre, “sẽn teeg-a a Zeova na n nobame.”
