Yel-bũnã sebre 8:1-36
8 Pa yam la sẽn boonda sɩda?
Pa yam-vẽenem la sẽn zẽkd a koɛɛgã sɩda?+
2 A yasa sotiisẽ wã,kunkubã+ sẽn be sorã noorã zutu.
3 A bee rignoy nins sẽn tar n dabd tẽngã pʋgẽ wã sɛɛgẽ.A bee tẽngã rignoyẽ,n zẽkd a koɛɛg n kelemd+ n yetẽ:
4 “Yãmb a ninsaalba, yaa yãmb la m boonda.Yaa ne yãmb* fãa la m gomda.
5 Yãmb a neb nins sẽn pa tar minim, zãms-y gũus-m-menga.+Yãmb a yalemba, bao-y bãngre.*
6 Kelg-y-yã, bala mam sẽn yetã tara yõodo.Mam no-bɩmsã togsda sẽn yaa tɩrga.
7 Bala mam noorã togsda sɩd tẽngr-tẽngre.Mam no-bɩmsã kisa sẽn yaa wẽnga.
8 Mam noorã goam fãa yaa tɩrse.
Baa a ye pa wẽng wall ziri ye.
9 B fãa võor wʋmb yaa nana ne sẽn tar-b yam-vẽenemã,la b yaa tɩrs ne sẽn paam-b bãngrã.
10 Yãk-y mam kiblgã lakae pa wanzuri ye.Bao-y bãngr n yɩɩd sãnem halaale.+
11 Bala yam n são koray-rãmba.*Bũmb nins nebã sẽn datã baa a ye pa tõe n dɩk n mak ne-a ye.
12 Maam a yam ne gũus-m-meng bee ne taaba.Mam paama bãngre, la m tõe n tags sõma.+
13 A Zeova zoees yaa wẽng kisgri.+
Mam kisa pẽg-m-menga, wuk-m-menga,+ manesem-wẽnga, n paas gom-yoodo.+
14 Mam tara sagls sẽn yaa sõma, la yam.+Bãngr+ la pãng+ yaa maam n so.
15 Mam maasem yĩnga, rĩm-dãmb ket n dɩta naam,tɩ nanambs lugund noy sẽn yaa tɩrse.+
16 Mam maasem yĩnga, nanambs ket n dɩta naam,tɩ nin-kãsems kaood bʋʋd ne tɩrlem.
17 Mam nonga sẽn nong-b maamã.Neb nins sẽn baood maamã na n yãa maam.+
18 Arzɛgs la ziir bee ne maam,n paas paoong sẽn pa sate, la tɩrlem.
19 Mam biisã yõod yɩɩda sãnem, baa sãnem b sẽn yɩlge.Mam sẽn womd biis ninsã yõod yɩɩda wanzuri sẽn yaa sõma n yɩɩdã.+
20 Mam kẽnda tɩrlem sor zugu,tɩrlmã soay tẽn-sʋka.
21 Mam kõta sẽn nong-b maamã pʋɩɩr sẽn yaa sõma,la m pidsd b baoã.
22 A Zeova naana maam tɩ m yaa a naanegã sɩngre.+Mam yaa kʋdr n yɩɩd bũmb nins a sẽn naan hal daar zãrã.+
23 Hal pĩnd wẽndẽ, a kõo maam zĩig sẽn tar ziiri.+Yɩɩ hal sɩngrẽ wã, sẽn deng tẽngã naanego.+
24 B roga maam tɩ ko-zulumsã ra pa be,+tɩ ko-bunds zĩis koom sẽn yitã ra pa be ye.
25 B roga maam nand tɩ b lugl tãensã b zĩisẽ,la sẽn deng kunkubã.
26 Yɩɩ nand tɩ Wẽnnaam maan tẽn-gãongã ne a wetã,wall tẽn-gãongã pipi tomã.
27 A sẽn wa n maneg saasã,+ mam da bee be.A sẽn wa n dẽeg toadg sa-gãongã ne mogrã sʋkã,+
28 a sẽn wa n lugl sawatã yĩngrã,a sẽn wa n maan zĩ-zulumsã bulsã,
29 a sẽn wa n yãk tods n kõ mogrãn yeel t’a koomã pa segd n yõsg-bã,+a sẽn wa n lugl tẽngã yẽbgrã,
30 wakat kãng tɩ mam bee a sɛɛgẽ n yaa tʋʋm-mita.+
Daar ne a to fãa, yaa maam la a ra nong n yɩɩda.+Mam da maanda sũ-noog a taoor wakat fãa.+
31 Mam da maanda sũ-noog tẽngã a sẽn maan tɩ bõn-vɩɩs be a zugã yĩnga.Ãdem-biisã* la m da nong n yɩɩda.
32 Masã, m kamba, kelg-y maam.Sũ-noog rãmb la neb nins sẽn tũud mam soayã.
33 Kelg-y kiblg+ n paam yam,la y ra tol n paoog-a ye.
34 Sũ-noog soab la ned ning sẽn kelgd maam,n wat mam rignoyẽ wã pĩnd-pĩnd* daar fãa,la sẽn yas mam kʋɩlensã noy n gũudẽ wã.
35 Bala sẽn yã-a maam na n paama vɩɩm.+A na n taa a Zeova yam.
36 La sẽn maand-a a toog kae ne maam maanda a meng* wẽnga.Sẽn kis-b maamã nonga kũum.”+
Vẽnegr toor-toore
^ Ebre, “ãdem-biisã.”
^ Bɩ, “sũy sẽn pid ne bãngre.”
^ Ges-y gom-biis võor bilgrã zĩigẽ.
^ Bɩ, “Ninsaalbã.”
^ Bɩ, “n yas mam rignoyẽ wã n pa gõe.”
^ Bɩ, “a sɩɩgã.”
