Yel-bũnã sebre 9:1-18
9 Yam hakɩɩk mee a roogo.A peesa a ra-lugs a yopoe wã.
2 A rʋga a nemd tɩ bɩ sõma.*A kalma a divẽ,la a maneg a taabl me.
3 A tʋma a tʋm-tʋmd-pogstẽngã zĩ-zãntsẽ wã tɩ b tɩ moon yaa:+
4 “Bɩ sẽn pa tar-b minimã wa ka.”
A yeta sẽn pa tar-b yamã* yaa:
5 “Wa n dɩ-y mam dɩɩbã,*la y naag n yũ divẽ wã mam sẽn kalmã.
6 Bas-y y yalemdã* n kell n vɩɩmde.+Kẽn-y bãngrã sor zug tɩrga.”+
7 Ned ning sẽn demsd nin-yaand baooda paoogre.+Ned ning fãa sẽn demsd nin-wẽng sũur na n sãamame.
8 Ra rems nin-yaand ye. Sã n pa rẽ, a na n kisg-f lame.+
Rems yam soaba, t’a na n nong-f lame.+
9 Zãms yam soab t’a na n paama yam n paase.+
Zãms nin-tɩrg t’a na n paama bãngr n paase.
10 A Zeova zoees n yaa yam sɩngre.+Fo sã n bãng sẽn yaa-a sõng n yɩɩdã,+ rẽ n yaa bãngre.
11 Bala mam maasem yĩnga, fo na n vɩɩmd n kaoosame.+F yõorã woglem na n paasame.
12 Fo sã n lebg yam soaba, yaa fo mengã la yamã na n nafe.La fo sã n yaa nin-yaanda, foom f ye bal n na n kẽeb a biisã.
13 Pʋg-yalem gomda wʋsgo.+
A yaa zɩta, n pa tol n mi baa fʋɩ ye.
14 A zĩi a roogã noore.A zĩi zaoog zug tẽngã zĩ-zãntsẽ wã,+
15 n boond neb nins sẽn pɩʋʋgd be wã,neb nins sẽn dɩk b sor n kẽnd tɩrgã, n yetẽ:
16 “Bɩ sẽn pa tar-b minimã wa ka.”
A yeta sẽn pa tar-b yamã*+ yaa:
17 “Wagdem koom yaa noogo.Rɩɩb b sẽn solgd n dɩtẽ yaa noogo.”+
18 La b pa mi tɩ neb nins sẽn ki n pa le tõe n maan bũmbã bee be,la tɩ neb nins sẽn sig pagã yirã bee Yaoogã* zĩ-zulumsẽ ye.+
Vẽnegr toor-toore
^ Ebre, “A kodga a sẽn kodgd a soabã.”
^ Ebre, “pa tar-b sũurã.”
^ Ebre, “burã.”
^ Bɩ, “sẽn pa tar-b yamã.”
^ Ebre, “pa tar-b sũurã.”
^ Ges-y gom-biis võor bilgrã zĩigẽ.