Amos sebre 2:1-16
2 “Ad a Zeova sẽn yeele:‘“Mowaab nebã kɩɩsg* a tãab yĩnga,+ la b kɩɩsg a naas yĩnga, mam pa na n toeem m yam-yãkrã ye.Bala b yõoga Edom rĩmã kõab n maan goore.
2 Rẽ n so tɩ mam na n kɩt tɩ bugum yõk Mowaabe, n dɩ Keriyot+ gasd nins sẽn tar pãngã.
Mowaab nebã na n kii bʋʋr sẽn yaa kãseng pʋgẽ,ne zabr kaasg la bard rãamde.+
3 Mam na n yiisa taoor soabã* b sʋka,n kʋ yẽ ne b nanambsã fãa.”+ Yaa a Zeova n yeele.’
4 Ad a Zeova sẽn yeele:‘Zida nebã kɩɩsg a tãab yĩnga,+ la b kɩɩsg a naas yĩnga, mam pa na n toeem m yam-yãkrã ye.Bala b zãgsa maam a Zeova tõogã.*Sẽn paase, b pa sak mam noyã ye.+B yaab-rãmbã sẽn da tũud zirẽ-beed ninsã kɩtame tɩ b bʋdge.+
5 Rẽ n so tɩ mam na n kɩt tɩ bugum yõk Zida,n dɩ Zerizalɛm gasd nins sẽn tar pãngã.’+
6 Ad a Zeova sẽn yeele:‘Israyɛll nebã kɩɩsg a tãab yĩnga,+ la b kɩɩsg a naas yĩnga, mam pa na n toeem m yam-yãkrã ye.Bala b koosda nin-tɩrsã sẽn na yɩl n paam wanzuri,la b koosd naong rãmbã sẽn na yɩl n paam neooda.+
7 B tabda nimbãan-nebã zut tẽngã tomẽ,+la b gɩdgd sik-m-mens rãmbã sore.+
Rao ne a biig kẽeda ne pʋg-sad-yɛnga,n sãamd mam yʋʋrã sẽn yaa sõngã.
8 Tẽn-kugr fãa sɛɛgẽ,+ b tẽegda fut nins neb a taabã sẽn gãneg b nengẽ n deeg samã+ n gãe.B raada divẽ wã ne ligd ning b sẽn deesd neb nins b sẽn dogl yaoodã nengẽ, n yũud b wẽnnaam-dãmbã roogẽ.’
9 ‘Yaool n yaa maam n sãam Amoor nebã b taoore.+B ra yaa nin-wogd wa sɛɛdr tɩɩse, la b tar pãng wa sɛnn tɩɩse.Mam sãama b fãa wa b sẽn sãamd tɩɩg ne a biis la a yẽg to-to wã.+
10 Mam yiisa yãmb Ezɩpt soolmẽ wã,+n kɩt tɩ y pasg we-raoogã yʋʋm pis-naas pʋgẽ,+sẽn na yɩl tɩ y tɩ soog Amoor nebã soolem.
11 Mam yãka yãmb kambã kẽer tɩ b yɩ no-rɛɛsdba,+la m yãk yãmb kom-bɩɩsã sãnda tɩ b yɩ Nazireyẽ-rãmba.*+
Yãmb a Israyɛll neba, pa yɩ woto sɩda?’ Yaa a Zeova n yeele.
12 ‘La yãmb da kõta Nazireyẽ-rãmbã divẽ tɩ b yũuda,+la y yet no-rɛɛsdbã yaa: “Yãmb pa segd n togs bãngr-goam ye.”+
13 Woto yĩnga, mam na n bedsa yãmb y zĩigẽ wã,wa sarɛt sẽn pid ne kood b sẽn kɛ sẽn bedsd bũmb ning fãa sẽn be a tẽngrã.
14 Sẽn zoet-a wʋsg pa na n yã zĩig n zoe n kẽng ye.+Sẽn tar-a pãng pa na n kell n tall a pãngã ye.Zabr gãndaoog baa a ye pa na n fãag a yõor ye.*
15 Tãb-tãood pa na n yals a zĩigẽ ye.Ned ning nao sẽn tʋʋl pa na n põs ye.Wed-rʋʋd pa na n fãag a yõor ye.*
16 Baa sẽn tar-a raood* n yɩɩd zabr gãndaadã sʋkãna n zoee beell daar-n-kãnga.’+ Yaa a Zeova n yeele.”
Vẽnegr toor-toore
^ Bɩ, “nin-kʋʋr.”
^ Ebre, “bʋ-kaoodã.”
^ Bɩ, “zãmsgã.”
^ Ges-y gom-biis võor bilgrã zĩigẽ.
^ Bɩ, “sɩɩg ye.”
^ Bɩ, “sɩɩg ye.”
^ Bɩ, “sẽn tar-b sũy sẽn kɛgem.”
