Amos sebre 3:1-15
3 “Yãmb a Israyɛll neba, kelg-y goam nins a Zeova sẽn togs yãmb wɛɛngẽ, yãmb a buud ning tõr a sẽn yiis Ezɩpt soolmẽ wã wɛɛngẽ:
2 ‘Tẽngã buud toɛy-toɛyã fãa sʋka, yaa yãmb bal la mam yãk-yã.*+
Rẽ n so tɩ mam na n sok yãmb y kongrã fãa yĩnga.+
3 Neb a yiib na n tũu taab n kẽn tɩ b pa reng n kõ taab sɛk sɩda?*
4 Gɩgemd na n kelma kãgrẽ tɩ rũng kae a sẽn na n yõk sɩda?
Gɩgem-poll na n bee a zĩigẽ n wũundẽ tɩ sã n pa a paama bũmb n yõk sɩda?
5 Liuul na n lʋɩɩ bẽdg pʋgẽ tɩ pa ned n bẽd-a sɩda?*
Bẽdg na n pagame tɩ pa a yõka bũmb sɩda?
6 B sã n peeb baorg tẽng pʋgẽ, nebã pa rigd sɩda?
Yel-beed sã n maan tẽng pʋgẽ, pa a Zeova n maan bũmb sɩda?
7 Bala a Zeova sẽn yaa Zu-soab sẽn ka to wã pa na n maan bũmbu,t’a pa reng n vẽneg no-rɛɛsdbã sẽn yaa a tʋm-tʋmdbã a yel-soalgdgã ye.+
8 Gɩgemdã kelmame!+ Ãnda n pa na n yɛɛse?
A Zeova sẽn yaa Zu-soab sẽn ka to wã gomame! Ãnda n pa na n togs bãngr-gomde?’+
9 ‘Moon-y Asdood gasd nins sẽn tar pãngã zutu,la Ezɩpt soolmã gasd nins sẽn tar pãngã zutu,
n yeele: “Tigm-y taab Samari tãensã zutu.+Ges-y zũnd-zãnd ning sẽn be a pʋgẽ wã,la zãmb ning sẽn be be wã.+
10 Bala neb nins sẽn tʋmd nen-kɛglem tʋʋma, la b wat ne sãoong n paamd paoongo, n pidsd b gasdã sẽn tar pãngãpa mi sẽn yaa tɩrg sẽn maand to-to ye.” Yaa a Zeova n yeele.’
11 Woto wã, ad a Zeova sẽn yaa Zu-soab sẽn ka to wã sẽn yeele:‘Bɛɛb n na n gũbg soolmã.+Bãmb na n kɩtame tɩ y pãngã sa,la b zɛ y gasd nins sẽn tar pãngã.’+
12 Ad a Zeova sẽn yeele:‘Pe-kɩɩm sẽn yiisd pesg kars a yiib wall a tʋb-gɩrg bal gɩgemd noorẽ to-to wã,yaa woto la b na n fãsg ‘Israyɛll nebã,sẽn be-b Samari n zĩ goeen-bɛd sẽn yaa neeb zutu, la b gãe gãas sẽn bʋgs* zutã.’+
13 Tãb-biis Wẽnnaam a Zeova sẽn yaa Zu-soab sẽn ka to wã yeelame: ‘Kelg-y-yã, la y keoog a Zakoob yagensã.*
14 Bala daar ning mam sẽn na n sok Israyɛll nebã b kɩɩsgã* yĩngã,+mam na n sok-b-la Betɛll tẽn-kugã yĩng me.+B na n kɛɛ tẽn-kugrã yɩɩlã n lub tẽnga.+
15 Mam na n luba waood wakat roogã ne tʋʋlg wakat roogã me.’
‘Wob-yẽnã rot na n sãamame.+Ro-bɛdã* me na n siigame.’+ Yaa a Zeova n yeele.”
Vẽnegr toor-toore
^ Ebre, “bãng-yã.”
^ Bɩ, “zems taab n seg taab sɩda?”
^ Pa rẽ bɩ, “tɩ rɩɩb pa be a pʋgẽ sɩda?”
^ Bɩ, “gãas sẽn maan Damaas.”
^ Bɩ, “kõ kaset n ning a Zakoob yagensã taale.”
^ Bɩ, “nin-kʋʋrã.”
^ Pa rẽ bɩ, “Rot wʋsg.”
