Amos sebre 4:1-13
4 “Yãmb a pagb nins sẽn yaa wa Basan niis n be Samari tãngã zugã,+kelg-y gom-kãngã.Yãmb yaa pagb sẽn wẽgd nimbãan-neba,+ n namsd naong rãmba,la sẽn yet b sɩdb* yaa: ‘Tall-y rãam n wa kõ-d tɩ d yũ!’
2 A Zeova sẽn yaa Zu-soab sẽn ka to wã wẽena ne a sõmblmã n yeele:‘“Kelg-y-yã! Wakat n wat tɩ b na n zẽk yãmb ne koaas bãense,la b zẽk yãmb sʋkã neb nins sẽn ketã ne leoose.
3 Yãmb ned kam fãa na n teesa tɩrg n tɩ tũ lalgã võorẽ n yi.B na n diga yãmb tɩ y tees Harmon.” Yaa a Zeova n yeele.’
4 ‘Wa-y Betɛlle, n maan yel-wẽna.*+Wa-y Gilgalle, n maan yel-wẽn n paase!+
Wa-y ne y maandã+ yibeoogo,la y piig-pʋɩɩrã+ rasem a tãab-n-soabã daare.
5 Yãmb a Israyɛll neba, yõog-y bur sẽn ning rabɩll tɩ yɩ bark pʋʋsg maoongo.+Zẽk-y y koɛɛg n moon n wilg bũmb nins y sẽn kõ ne yamleoogã!
Bala yaa rẽ maaneg n noom yãmba.’ Yaa a Zeova sẽn yaa Zu-soab sẽn ka to wã n yeele.
6 ‘Sã n yaa ne maam, mam kɩtame tɩ y yẽnã lebg yɩlma, rɩɩb sẽn pa be* yãmb tẽnsã fãa pʋsẽ wã yĩnga,la m kɩt tɩ y pa le tar dɩɩb* y rotã fãa pʋsẽ ye.+Baa ne rẽ, yãmb pa lebg n wa mam nengẽ ye.’+ Yaa a Zeova n yeele.
7 ‘Sẽn paase, mam monga yãmb saaga, kẽebgã ket tɩ kiuug a tãabo.+Mam kɩtame tɩ saagã ni tẽng a ye n bas tẽng a to.
Saagã ra niida pʋʋg a ye pʋgẽ,la pʋʋg a to pʋgẽ a ra pa niidi, hal tɩ pʋ-kãng kʋɩtẽ.
8 Tẽns a yiib bɩ a tãab neb ra tuumdame n kẽngd tẽng a ye pʋgẽ n dat n paam koom n yũ,+la b ra pa paamd tɩ sekd-b ye.Baa ne rẽ, yãmb pa lebg n wa mam nengẽ ye.’+ Yaa a Zeova n yeele.
9 ‘Mam sɩbga yãmb ne pems-tʋʋlg la kood bãase.+
Yãmb paasa y zẽedã zĩis la y viyn pʋtã sõore,la sʋyã wa n wãba yãmb kankamsã la y oliiv tɩɩsã.+Baa ne rẽ, yãmb kell n pa lebg n wa mam nengẽ ye.’+ Yaa a Zeova n yeele.
10 ‘Mam kɩtame tɩ Ezɩpt bã-loangdgã buud yõk yãmba.+
Mam kʋʋ yãmb kom-bɩɩsã ne sʋʋse,+ la m yõg y wed-moosã.+
Mam kɩtame tɩ kũ-rãmbã sẽn be yãmb sik-zĩigẽ wã yũug kẽ y yõ-bogdã.+Baa ne rẽ, yãmb pa lebg n wa mam nengẽ ye.’ Yaa a Zeova n yeele.
11 ‘Mam kɩtame tɩ sãoong wa yãmb zutwa maam a Wẽnnaam sẽn sãam Sodom ne Gomoor to-to wã.+
Yãmb da yaa wa raoog b sẽn yiis bugmẽ.Baa ne rẽ, yãmb pa lebg n wa mam nengẽ ye.’+ Yaa a Zeova n yeele.
12 Yãmb a Israyɛll neba, yaa woto la mam na n maan yãmba.
Yãmb a Israyɛll neba, sẽn mik tɩ yaa woto la mam na n maan yãmbã,bɩ y segl y mens n seg y Wẽnnaamã.
13 Bala yẽ n yaa Soab ning sẽn maan tãensã,+ la a naan sobgã.+A togsda ninsaalbã yẽ tagsa sẽn yaa a soaba.A kɩtdame tɩ zĩ-yẽegr lebg lika.+A tabda tẽngã zĩ-zãntsã.+A yʋʋrã yaa tãb-biis Wẽnnaam a Zeova.”
Vẽnegr toor-toore
^ Bɩ, “zu-soben-dãmb.”
^ Bɩ, “n kɩɩse.”
^ Bɩ, “mam sẽn pa kõ yãmb rɩɩb.”
^ Ebre, “bur.”
