Amos sebre 6:1-14
6 “Toog bee ne Siyõ neb nins sẽn kɩs b mens sɩdã,*neb nins sẽn be Samari tãngã zug tɩ b yam gãe bãanã,+buud ning sẽn yaa kãseng n yɩɩd buud toɛy-toɛyã fãa sʋkã nin-kãsemsã,Israyɛll buudã neb sẽn kẽnd neb nins nengẽ wã!
2 Kẽng-y Kalne n tɩ gese.
Yi-y be n kẽng Hamat-kãsengẽ wã,+la y sãag n ta Gat sẽn be Filisti nebã soolmẽ wã.
B sãoo rĩun-kãensã* sɩda?B soolmã yalem yɩɩda yãmb soolmã sɩda?
3 Yãmb yiisda yel-beedã daar y yamẽ,+la y kɩtdẽ tɩ nen-kɛglem pit soolmã la?+
4 B gãee wob-yẽn gãas zutu,+ la b yɛɛd n zĩ goeen-bɛd zutu,+n wãbd bãgrã pe-raadã la nag-poal nins sẽn nobã.*+
5 Pɛndgã* sã n wa wẽedẽ, b tiigd n pʋda yɩɩlle.+B maanda yʋʋm-te-paal wa a Davɩɩde.+
6 B pidsda wũmbli wã divẽ n yũuda,+la b zaeed kaam sẽn yaa sõma wʋsgo.
La b maanda b toog kae ne a Zozɛf yagensã yel-beedã.*+
7 Rẽ n so tɩ b na n lʋɩ yembsã taoor tɩ b kẽng yembdo.+Neb nins sẽn da yɛɛd n zĩẽ wã tigã sẽn naagd ne bʋʋrã na n saame.
8 ‘A Zeova sẽn yaa Zu-soab sẽn ka to wã wẽena ne a meng*+ n yeele:‘“Mam kisa a Zakoob yagensã wuk-m-mengã.+Mam kisa b gasd nins sẽn tar pãngã.+Mam na n dɩka galʋ-tẽngã ne bũmb nins sẽn pid-a wã n ning neb a taab nusẽ.’+ Yaa a Zeova sẽn yaa tãb-biis Wẽnnaamã n yeele.
9 “‘“Neb piig sã n kell ro-yɛng pʋga, bãmb me na n kiime.
10 B roagd* n na n wa wʋk-b n tɩ yõog bugum yembr-yembre. A na n talla b kõabã n yi roogẽ wã. Rẽ poore, a na n soka ned ning fãa sẽn be roogã ro-pʋsẽ wã yaa: ‘Ned n ket be ne foo bɩ?’ A na n leokame yaa: ‘Ned a to kae ye!’ Dẽ, a na n yeelame yaa: ‘Kell n sĩndi! Bala pa wakat b sẽn segd n pʋd a Zeova yʋʋrã ye.’”
11 Bala yaa a Zeova n kõt noore.+A na n wãa ro-bɛdã tɩ b lebg raboodo,la a wã ro-bõonegã tɩ b lebg zõm-zõme.+
12 Wed-moos zoeta pĩig zug sɩda?Ned na n koo pĩig zug ne niis sɩda?
Bala yãmb kɩtame tɩ tɩrlem lebg tɩɩg sẽn tar zẽnem,la y kɩt tɩ tɩrlem biis lebg absẽnte.*+
13 Yãmb maanda sũ-noog ne bũmb sẽn ka yõodo,la y yetẽ yaa: “Pa ne tõnd mens tõog la d sẽn lebg pãens rãmbã* sɩda?”+
14 Woto wã, Israyɛll neba, mam na n kɩtame tɩ buud wa zab ne yãmba.+B na n namsa yãmb sẽn sɩng Lebo-hamat*+ n tãag Araba wã kosoogã.’* Yaa a Zeova sẽn yaa tãb-biis Wẽnnaamã n yeele.”
Vẽnegr toor-toore
^ Bɩ, “sẽn sek b mensã.”
^ Vẽenega, yaa Zida ne Israyɛll rĩungã yell la b gomda.
^ Bɩ, “lol-poalã.”
^ Bɩ, “Yʋʋm-teoog sẽn tar rissã.”
^ Ebre, “b pa lʋɩ bãag a Zozɛf yagensã yel-beedã yĩng ye.”
^ Bɩ, “a sɩɩgã.”
^ Ebre, “B ba wã ba-biig.”
^ Absẽnt yaa tɩɩga, t’a sũmã yaa toog liga n le yaa zẽnem.
^ Ebre, “paam yɩɩlã.”
^ Bɩ, “Hamat noor.”
^ Ges-y gom-biis võor bilgrã zĩigẽ.
