Ezayi sebre 15:1-9
-
B togsa bʋ-kaoor koɛɛg Mowaab wɛɛngẽ (1-9)
15 Ad bʋ-kaoor koɛɛg b sẽn togs Mowaab wɛɛngẽ:+
B sẽn sãam Mowaab Aarã+ ne yʋngã yĩnga,a lebga sɩddd.
B sẽn sãam Mowaab Kɩɩrã+ ne yʋngã yĩnga,a lebga sɩddd.
2 Nin-buiidã kẽnga pʋʋsg roogẽ wã, la Dibon+ne zĩ-zãntsẽ wã n na n tɩ yãbe.
Mowaab yãbda Nebo+ ne Medeba+ yĩnga,
b fãa zutã põngame,+ la b toeemsã wõrsame.+
3 Nebã yeelga bot a soayã zutu.
B fãa kaasda b rotã zutu, la zãma wã zĩisẽ.Bãmb sigdame la b yãbda.+
4 Hɛsbon ne Eleyale+ kelemdame.B wʋmda b koeesã rãamd hal Zahaaz.+
Rẽ n so tɩ Mowaab tãb-biisã kaasd n pa basdẽ wã.
Nebã rigdame.
5 Mam sũur kelemda Mowaab yĩnga.
A neb nins sẽn zoe n na n põsã taa Zowaar+ ne Eglat-selisiya.+
Bãmb bee Luyit rʋʋdgẽ wã n dʋʋd la b yãbda.Bãmb bee Horonayim sorã zug n kaasd yel-beedã yĩnga.+
6 Bala Nimrim koomã kʋɩɩme.Mo-maasã lebga koeemse.Moodã saame, la yam-maas ka le be ye.
7 Rẽ n so tɩ b wʋkd bũmb nins sẽn kell b teedã b sẽn bĩngã ne b paoongã pʋgẽ wã.Bãmb pɩʋʋgda tɩɩsã* longã.*
8 Bala kɛlengã rãamd saaga Mowaab+ soolmã fãa.
Wiisgã taa hal Eglayim.Wiisgã taa hal Bɛɛr-elim.
9 Bala Dimon koomã pida ne zɩɩm,la mam bĩnga yel-beed sẽn yɩɩd woto Dimon yĩnga:
Gɩgemd n na n kʋ Mowaab neb nins sẽn põsã,la neb nins sẽn na n kell tẽngã pʋgẽ wã.+
Vẽnegr toor-toore
^ Ebre wã gom-bilã bilgda tɩɩs sẽn wae n be kʋɩls noore. Ne Fãrende, yaa pepilye.
^ Bɩ, “kosoogã.”
