Ezayi sebre 23:1-18
-
B togsa bʋ-kaoor koɛɛg Tɩɩr wɛɛngẽ (1-18)
23 Ad bʋ-kaoor koɛɛg b sẽn togs Tɩɩr+ wɛɛngẽ:
Tarsiis+ koom-kogendo, wiis-y-yã!
Bala b sãama koom-kogendã yalsg zĩigã. Ned pa le tõe n kẽ be ye.
Yaa Kitim+ soolmẽ wã la b vẽneg bõn-kãng n togs-ba.
2 Mogrã noor soolmã neba, sĩnd-y-yã!
Sɩdõ+ toandbã sẽn dʋʋgd mogrã pidsa foom ne arzɛka.
3 B wʋka Sihoor*+ bõn-buudã,ne Nill kʋɩlgã kood sẽn yaa Tɩɩr paoongã n dʋʋg ko-kãsemse.A paoongã ra nafda buud toɛy-toɛya.+
4 Sɩdõ, fo sẽn yaa tẽng sẽn be Mogrã zug n tar pãng wʋsgã, bɩ f paam yãnde!Bala mogrã yeelame:
“Mam pa paam dogem toogo, la m pa rog kamb ye.M pa wub kom-dibli la kom-pugli me ye.”+
5 Nebã sã n wʋm Tɩɩr kibarã,+b pɛleng na n yɩka wa b sẽn da wa n wʋm Ezɩpt+ kibarã.
6 Yãmb a mogrã noor soolmã neba, wiis-y-yã!
Rʋʋg-y n kẽng-y Tarsiisi!
7 Fo tẽng ning sẽn da kɩdemd sũ-noog hal sẽn kaoose, hal a sɩngr wakatã la woto bɩ?
A naoã ra tar-a lame n dabd zĩ-zãrsẽ t’a na n tɩ tilgi.
8 Ãnd n yãk yam n na n maan Tɩɩr bõn-kãngã?Yẽ ra pʋɩta maanf-rãmba,t’a toandbã ra yaa nanambse,tɩ b ra waoogd a lɛɛbdbã dũniyã fãa zugu.+
9 Yaa tãb-biis naab a Zeova n yãk yam n na n maan woto,n na n kɩt t’a sẽn da wukd a meng a neermã yĩngã sa,la a ning b sẽn da waoogd b rãmb fãa dũniyã gill zugã yãnde.+
10 Tarsiis bi-pugla,* pɩʋʋg f tẽngã wa Nill kʋɩlgã.
Koom-kogend zĩig pa le be ye.+
11 Wẽnnaam tẽega a nug mogrã zugu.A rigimda soolem toɛy-toɛya.
A Zeova kõo noor tɩ b menes Fenisi pãng zĩisã.+
12 La a yeelame yaa: “Sɩdõ pa-kuilã,* b sẽn maan a soab pãngã,fo pa na n le kɩdem sũ-noog ye.+
Yik n pɩʋʋg n kẽng Kitim.+
La baa beenẽ, fo pa na n paam bãan ye.”
13 Ges-y Kalde nebã!+
Yaa nin-kãensã, la pa Asiiri+ nebã ye.Bãmb kɩtame t’a lebg we-rasempʋɩɩgã rũms zĩiga.
B mee gasd n gũbg-a.B sirga a gasdã sẽn tar pãngã,+n kɩt t’a lebg raboogo.
14 Tarsiis koom-kogendo, wiis-y-yã!Bala b sãama yãmb pãng zĩigã.+
15 Baraare, b na n yĩma Tɩɩr yell yʋʋm pis-yopoe,+ wa rĩm yõor woglem. Yʋʋm pis-yopoe wã poore, bũmb ning sẽn paam pʋg-yoodrã tɩ b gom a yell yɩɩll pʋgẽ wã n na n paam Tɩɩre:
16 “Pʋg-yoodr b sẽn yĩm f yelle, rɩk pɛndg n gilg tẽngã.
Wẽ pɛndgã neere,n yɩɩl yɩɩl wʋsgo,sẽn na yɩl tɩ b tẽeg f yelle.”
17 Yʋʋm pis-yopoe wã poore, a Zeova na n gesa Tɩɩr yelle, t’a le paam a yaoodã n koos a meng ne dũniyã soolem toɛy-toɛyã zĩig fãa.
18 La a yõodã ne a yaoodã na n lebga bũmb sẽn yaa sõng a Zeova nifẽ. B pa na n tigs-a, bɩ n bĩng-a ye. Bala a yaoodã na n yɩɩ neb nins sẽn be a Zeova taoorã rẽnda, sẽn na yɩl tɩ b rɩ n tɩge, la b ning fu-neeba.+
Vẽnegr toor-toore
^ Rat n yeel tɩ Nill kʋɩlgã naoore.
^ Bɩ, “Tarsiis tẽngã neba.”
^ Bɩ, “Sɩdõ tẽngã neba.”
