Ezayi sebre 24:1-23
24 Ade! A Zeova na n kɩtame tɩ soolmã lebg vɩʋʋgo, a na n kɩtame t’a lebg raboogo.+
A na n zũndg-a lame+ la a sãeeg a nebã.+
2 Bõn-yɛngã n na n paam b ned kam fãa:
Nin-zaalg la maan-kʋʋda,tʋm-tʋmd ne a zu-soaba,tʋm-tʋmd-poak ne a zu-soben-poaka,sẽn daad-a ne sẽn koaasd-a,sẽn pɛngd-a ne ned ning a sẽn pengde,sẽn kõt-a samd ne a sam-soaba.+
3 Tẽngã na n lebga vɩʋʋg fasɩ.B na n zɛɛ a teedã zãnga,+bala yaa a Zeova n yeele.
4 Tẽngã bee sũ-sãang pʋgẽ,*+ a sãamdame n dabda.
Tẽngã zelgdame, a pãngã satame.
A nin-kãsemsã pãng satame.
5 Tẽngã nebã wẽneg n rẽgem-a lame,+bala bãmb maana b toor kae ne tõodã,+b toeema noorã,+la b sãam kaoolã sẽn paad wakat fãa wã.+
6 Rẽ n so tɩ kãab-wẽng sãamd soolmã,+t’a nin-buiidã tar taale.
Yaa rẽ yĩng la tẽngã nebã sẽn booge,tɩ yaa neb bilf bal n kellã.+
7 Divẽ-paalgã satame, tɩ viyn tɩɩsã zelgdẽ.+Neb nins fãa sẽn da kɩdemd sũ-noogã wẽeda siri.+
8 B pa le wʋmd bembendã* sẽn wẽed tɩ noomẽ wã rãamd ye.Sẽn da kɩdemd-bã bʋʋr saame.B pa le wʋmd pɛndgã sẽn wẽed tɩ noomẽ wã rãamd me ye.+
9 Bãmb pa le yũud divẽ la b yɩɩndẽ ye.Rãam noor lebga toog ne rã-yũudbã.
10 Tẽngã sẽn yaa vɩʋʋgã sãamame.+Rotã fãa pagame tɩ ned pa le tõe n kẽ ye.
11 Nebã yãbda soayã zut n baood divẽ.
Kɩdengã saa fasɩ.Tẽngã neb sũ-noogã saame.+
12 Tẽngã lebga raboogo.B pãba tẽngã rignoor n wã t’a lebg tãn-dʋre.+
13 Ad yɛlã sẽn na n yɩ to-to soolmã pʋgẽ, buud toɛy-toɛyã sʋka:
Na n yɩɩ wa b sẽn wob oliiv tɩɩg biisi,+la wa b sẽn yiisd viyn biis a wobrã poore.+
14 Bãmb na n zẽka b koeese,b na n kaasa sũ-noogo.
Bãmb na n moona a Zeova ziirã hal nin-taoore.*+
15 Rẽ n so tɩ b na n pẽg a Zeova wĩndg sẽn pukdẽ wã.*+Bãmb na n waooga Israyɛll Wẽnnaam a Zeova yʋʋrã mogrã ko-sʋk tẽnsã pʋsẽ.+
16 Tõnd wʋmda yɩɩl sẽn yit dũniyã kɩrems n yetẽ yaa:
“Bɩ Tɩrlem soabã paam pẽgre!”+
La mam yetame yaa: “Mam pãngã satame, mam pãngã satame!
Toog na paam maam! Zãmb dãmbã maana zãmbo.Ne zãmbo, bãmb maana zãmbo.”+
17 Tẽngã nin-buiidu, pelen-yɩk ne bogd la bẽds n gũud yãmba.+
18 Ned ning sẽn zoet bũmb sẽn yɩkd pɛleng rãamd yĩng na n lʋɩɩ bokã pʋgẽ,la ned ning sẽn yit bokã pʋgẽ, bẽdg n na n yõk-a.+
Bala saasẽ koomã kʋɩlens na n pagsame,la soolmã yẽbgr na n digimdame.
19 Tẽngã pusgame,b rigimda tẽngã,soolmã virsda ne pãnga.+
20 Tẽngã langda wa ned sẽn yũ rãam n su,a miimda wa sobg sẽn lengd sẽoko.
A kongrã lebga zɩsg a zugu.+A na n lʋɩɩme, n pa le yik ye.
21 Baraare, a Zeova na n gesa tãb-biisã sẽn be hal yĩngrã,ne dũniyã rĩm-dãmb sẽn be tẽngã zugã yelle.
22 B na n tigma bãmbwa b sẽn tigimd bi-bees bok pʋgẽ.B na n paga bãmb bi-bees roogẽ.La rasem wʋsg poore, b na n gesa b yelle.*
23 Tãb-biis naab a Zeova lebga Rĩm+ Siyõ tãngã zugu,+ la Zerizalɛm.A na n dɩɩ a naamã ne ziir a nin-buiidã kãsem-dãmbã taoore.+La a naamã ziir yĩnga, baa kiuugã sẽn peelã na n yɩɩ lika,tɩ wĩntoogã sẽn yãgdã lebg libsgu.+
Vẽnegr toor-toore
^ Pa rẽ bɩ, “kʋɩtame.”
^ Yaa bũmb sẽn wõnd gãngaoogo, tɩ b zãad ne nug n pãbda.
^ Bɩ, “mogrẽ wã.”
^ Bɩ, “vẽenemã soolmẽ.”
^ Bɩ, “b na n kɩtame tɩ bãmb kolg n togse.”
