Ezayi sebre 26:1-21
26 Baraare, b na n yɩɩla yɩɩn-kãngã+ Zida soolmã pʋgẽ:+
“Tõnd tara tẽng sẽn tar pãnga.+
A* kɩtame t’a fãagrã yaa wa lalsã la bũmb nins sẽn kogend-a wã.+
2 Pak-y-yã a rignoyã+ tɩ buud ning sẽn yaa tɩrgã,buud ning sẽn maand sɩdã kẽ.
3 Yãmb na n kogla neb nins sẽn dell yãmb zãng-zãngã.Yãmb na n kɩtame tɩ b paam bãan wakat fãa,+bala yaa yãmb la bãmb teeg-yã.+
4 Teeg-y-yã a Zeova wakat fãa,+Bala a Zah,* a Zeova yaa Pĩig kugr sẽn be wakat fãa.+
5 Bala a sika neb nins sẽn da be zĩ-zãntgẽ wã, tẽng ning sẽn zẽkã.
A fabg-a tẽng ning sẽn zẽkã.A fabg-a-la tẽnga.A kɩtame t’a ta tomẽ.
6 B na n tab-a-la ne nao.Nimbãan-nebã na n tab-a-la ne b nao, naong rãmbã na n tab-a lame.”
7 Nin-tɩrg sor yaa tɩrga.*
Yãmb sẽn yaa tɩrlem soabã yĩnga,y na n kõoga nin-tɩrg sore.
8 Zeova tõnd teega yãmba,n tũud y tɩrlem sorã.
Tõnd nanda yãmb yʋʋrã, n dat ne d sũur fãa tɩ b tẽeg a yelle.
9 Yʋngo, mam baooda yãmb ne m sũur fãa.*N-ye, mam sũurã pʋgẽ, m data yãmb wakat fãa.+Yãmb sã n kaood dũniyã neb bʋʋdo,tẽngã neb bãngda tɩrlem sẽn yaa a soaba.+
10 Baa b sã n maan nin-wẽng lohorem,a pa na n zãms tɩrlem ye.+
Baa tɩrlem tẽngã pʋgẽ, a na n tʋma wẽnem,+la a pa na n tol n yã a Zeova ziirã ye.+
11 Zeova, yãmb nugã zẽkame la b pa ne ye.+
Bãmb na n yãa yẽesem ning y sẽn tar y nin-buiidã yĩngã hal tɩ yãnd yõk-ba.
N-ye! Yãmb bugmã na n dɩɩ y bɛɛbã.
12 Zeova, yãmb na n kɩtame tɩ d paam bãane.+Bala bũmb nins fãa tõnd sẽn tõog n maanãyaa yãmb n maan n kõ-do.
13 Zeova tõnd Wẽnnaam, yãmb sẽn yãk y toogo, zu-soben-dãmb a taab n soog tõndo,+la yaa yãmb yʋʋrã bal la tõnd pʋta.+
14 Bãmb kiime. B pa na n le vɩɩmd ye.
Bãmb kiime n pa le tõe n maan bũmb ye. B pa na n le yik ye.+
Bala yãmb sɩbg-b lame, y sãam-b lame,tɩ nebã pa na n le tẽeg b yell ye.
15 Zeova, yãmb yalga buudã,yãmb yalga buudã.Yãmb waooga y menga,+
yãmb yalga soolmã todsã fãa hal wʋsgo.+
16 Zeova, bãmb toogã wakate, b baoo yãmb sõngre.Yãmb sẽn kibl-bã, b pʋʋsa yãmb tẽngr-tẽngr ne b sũur fãa.+
17 Zeova, yãmb kɩtame tɩ tõnd lebgwa pʋg-tʋtr sẽn kʋmd rogem,n yãbd n kaasd a toogã yĩnga.
18 Tõnd dɩka pʋga, tõnd da kʋmda rogem.La yaa wa tõnd doga sobgo.
Tõnd pa kɩt tɩ soolmã paam fãagr ye.Ned sẽn na n zĩnd soolmã pʋgẽ pa rog ye.
19 “Fo neb nins sẽn ki wã na n vɩɩmdame.
Mam kũ-rãmbã na n yikame.+
Yãmb a neb nins sẽn be tomẽ wã,+nek-y n kaas-y sũ-noogo!
Bala fo meenemã yaa wa yibeoog meenem,*la tẽngã na n basa neb nins sẽn ki n pa le tõe n maan bũmbã tɩ b le vɩɩmde.
20 Mam neba, kẽng-y-yã! Kẽ-y y ro-pʋsẽ wã,n pag kʋɩlensã.+
Solg-y wakat bilfu,hal tɩ sũ-puugrã looge.+
21 Ade! A Zeova yii a zĩigẽ wã n watẽ,n na n sok tẽngã neb b beegrã yĩnga.Tẽngã na n puka zɩɩm ning b sẽn daag a pʋgẽ wã,la a pa na n le solg neb nins b sẽn kʋ wã ye.”
Vẽnegr toor-toore
^ Vẽenega, “A” wã ka wã yaa Wẽnnaam.
^ “Zah” wã yaa a Zeova yʋʋrã bool-koɛɛga.
^ Bɩ, “saalga.”
^ Bɩ, “ne m sɩɩgã.”
^ Pa rẽ bɩ, “moog meenem.”
