Ezayi sebre 28:1-29
28 Toog na paam Efrayim+ rã-yũud-kãasã wilg-m-meng maanfã,*n paas a neermã ziir tɩ-puud sẽn zelgde,n be divẽ wã sẽn tõog b rãmbã long sẽn sakd koodã zugẽ wã!
2 Ges-y-yã! A Zeova na n tʋma gãndaoog sẽn tar pãnga.
A na n waa wa sapɩlem sẽn dʋʋgd ne pãnga, wa sob-kẽeng sẽn wat ne sãanga,la wa sa-kẽeng sẽn kiigdi,n leeb-a n lub tẽng ne pãnga.
3 B na n taba Efrayim rã-yũud-kãasãwilg-m-meng maanf-rãmbã ne nao.+
4 A neermã ziir tɩ-puud sẽn zelgde,n be long sẽn sakd koodã zugẽ wãna n lebga wa kankam-dẽemse, kankamã bɩʋʋng wakat sɩngrẽ.
Ned sã n yã-a, a sã n ta a nugẽ bala, a vond-a lame.
5 Baraare, tãb-biis naab a Zeova na n lebga maanf sẽn tar ziiri, la zug nag-teoog sẽn yaa neere, a nin-buiidã sẽn kellã yĩnga.+
6 A na n kɩtame tɩ bʋ-kaoodbã kaood bʋʋd tɩrga, la a na n yɩɩ pãng yẽgr me, neb nins sẽn zabd ne bɛɛbã tẽngã noorã yĩnga.+
7 Nin-kãensã kẽeda moog divẽ wã yĩnga.B rãamã kɩtame tɩ b langdẽ.
Maan-kʋʋdbã la no-rɛɛsdbã kẽeda moog b rãamã yĩnga.Divẽ wã yilimda b nense,tɩ b langd b rãamã yĩnga.Vẽnegr ning b sẽn paamdã kɩtame tɩ b kẽed moogo,la b pa tõe n kao bʋʋd tɩrg me ye.+
8 Bãmb taabl-dãmbã pida ne wʋbdo,tɩ zĩigã fãa yaa wʋbdo.
9 Ãnd dãmb la b na n kõ bãngre,la ãnd dãmb la b na n bilg koɛɛgã võore?
Yaa sẽn nan bas-b bĩismã bɩ?B rãmb nins b sẽn nan yãk bĩisrẽ wã bɩ?
10 Bala yaa “tõog ne tõogo, tõog ne tõogo,noor ne noore, noor ne noore,*+bilf ka, bilf kasẽ.”
11 Woto yĩnga, a na n tũnuga ne neb sẽn gomd n bidimdẽ la ne bu-zẽng goam n gom ne bu-kãngã nebã.+
12 A ra yeel-b lame yaa: “Ad vʋʋsg zĩiga. Bɩ ned ning sẽn yɛ vʋʋse. Zĩ-kãngã yaa yolsg zĩiga.” La bãmb zãgsame tɩ b kõn kelg ye.+
13 Woto yĩnga, ad koɛɛg ning a Zeova sẽn na n taas bãmba:
“Tõog ne tõogo, tõog ne tõogo,noor ne noore, noor ne noore,*+bilf ka, bilf kasẽ,”
sẽn na yɩl tɩ b sã n wa kẽndbɩ b lagsd n lʋɩt b zãmbɛɛla,n kaood n lʋɩt bẽdgẽ tɩ yõkd-ba.+
14 Rẽ wã, pẽg-m-mens rãmbã,yãmb a nin-buiidã nanambs sẽn be Zerizalɛmmã, kelg-y-yã a Zeova koɛɛga.
15 Bala yãmb yetame yaa:
“Tõnd maana kaool ne kũum,+la d yõga zood ne Yaoogã.*
Sa-kẽengã koom sã n wa fõta,a pa na n ta tõnd ye.Bala tõnd dɩka ziri tɩ yaa d solgr zĩiga,la tõnd solga d mens zirẽ-beed pʋgẽ.”+
16 Dẽ wã, ad Zu-soab sẽn ka to a Zeova sẽn yeele:
“Mam dɩgenda kugr b sẽn mak*+ Siyõ tɩ yaa yẽbgre,gõdrã zĩigẽ kugr sẽn tar yõod+ b sẽn tall n maan yẽbgr tɩ yaa kãn-kãe.+
Ned ning fãa sẽn tar tẽeb kõn dig rabeem ye.+
17 Mam na n kɩtame tɩ tɩrlem yɩ a wĩ-makdga,+la m kɩt tɩ zemsg yɩ a makdga.*+
La sapɩlem na n kãaga zirẽ-beed zĩ-soalgdgã n looge.Sa-kẽengã koom na n lima solgr zĩigã.
18 Kaool ning yãmb sẽn maan ne kũumã na n sãamame,la zood ning y sẽn yõg ne Yaoogã* me pa na n yãk neng ye.+
Sa-kẽengã koom sã n wa fõta,a na n sãam-y lame.
19 Sẽn yaa wakat ning fãa la a loogda,a na n kãag-y lame n looge,+bala a na n pɩʋʋgda yibeoog fãa,wĩntoog la yʋngo.
Yaa pelen-yɩk bal n na n kɩt tɩ b bãng koɛɛg ning bãmb sẽn da wʋmã võore.”*
20 Bala gãagã yaa koɛɛg wʋsg tɩ ned pa tõe n tẽeg a meng a zug ye.La fu-goabgã yaa bilf wʋsgo, n pa sekd pilb ye.
21 A Zeova na n maana wa a sẽn maan Perazim tãngẽ wã.A na n yika wa a sẽn da yik to-to long ning sẽn pẽ Gabawõ+ wã pʋgẽ,sẽn na yɩl n maan bũmb sẽn yaa bõn-sãanga,la a tʋm a tʋʋmdã, tʋʋmd sẽn pa wõnd a taaba.+
22 Masã, bɩ y ra la+tɩ b wa maneg n sẽbg-y kãn-kãe ye.Bala mam wʋmame tɩ tãb-biis naab a Zeova sẽn yaa Zu-soab sẽn ka to wãyãka yam n na n sãam soolmã neb zãnga.*+
23 Kɩll-y y tʋbr n kelg m koɛɛgã.Maag-y y mens n kelg m sẽn yetã.
24 Ka-koaad warda zĩigã daarã tõr n pa bʋtẽ la?
A tara zĩigã gudgr n bẽesdẽ n pa basdẽ bɩ?+
25 A sã n maneg n sarem zĩigã,a pa fẽrgd kumẽ-sablga, n bʋd kumẽ,bɩle, kazʋy la orz* b zĩisẽ,la a bʋd bɩle buud a to+ a todsã zug n gilg sɩda?
26 Bala a kibind-a-la* neere.A Wẽnnaamã zãmsd-a lame.+
27 Bala b pa tabd kumẽ-sablg ne zɛɛg ra-vuuds ye.+B pa tabd kumẽ ne bilim-bilim nao ye.
Yaa ne rasaar la b pãbd kumẽ-sablga,la b pãbd kumẽ ne ra-bãande.
28 Rẽ yĩnga, ned sã n pãbd koodo, a bʋkd-a-la wa a na n tall n maana bur sɩda?
Ayo! A pa pãbd-a n pa basdẽ ye.+A sã n tabd-a ne bilim-bilim wed-moos sẽn tɛte,a pa bʋkd-a ye.+
29 Woto fãa yita tãb-biis naab a Zeova nengẽ,soab ning raab* sẽn yaa sõma hal wʋsgo,t’a tʋʋmã yaa kãsemsã.*+
Vẽnegr toor-toore
^ Tog n yaa Samari sẽn yaa na-tẽngã yell la b sẽn gomdã.
^ Ebre, “wĩ-makdg ne wĩ-makdga, wĩ-makdg ne wĩ-makdga.”
^ Ebre, “wĩ-makdg ne wĩ-makdga, wĩ-makdg ne wĩ-makdga.”
^ Ges-y gom-biis võor bilgrã zĩigẽ.
^ Rat n yeel tɩ kugr b sẽn mak n mik tɩ yaa sõma.
^ Yaa wĩir b sẽn sẽbg a noorã ne kutu, kugr wall yagdo, tɩ b tar n makd lalg n na n bãng a sã n yasa tɩrga.
^ Ges-y gom-biis võor bilgrã zĩigẽ.
^ Pa rẽ bɩ, “B sã n wʋm a võore, b põaag na n bendgame.”
^ Bɩ, “tẽngã zãnga.”
^ Orz yaa kood sẽn wõnd bɩle.
^ Bɩ, “zãmsd-a-la, sɩbgd-a-la.”
^ Ebre, “saglg.”
^ Bɩ, “t’a yamã yaa kãsengã.”
