Ezayi sebre 35:1-10
35 We-raoogã ne tẽn-koɛɛngã na n kɩdmame.+We-rasempʋɩɩgã sẽn yaa tẽn-nabrã na n maana sũ-noog la a pid ne tɩ-puudu.*+
2 Hakɩɩka, a na n ninga puudu.+A na n kɩdmame la a kaas ne sũ-noogo.
B na n kõ-a-la Libã ziirã,+la Karmell+ ne Saarõ+ neermã.
Bãmb na n yãa a Zeova ziirã, tõnd Wẽnnaamã neermã.
3 Keng-y nus nins sẽn ka pãngã,la y paas rũm nins sẽn digdã pãnga.+
4 Yeel-y neb nins sẽn maand yɩɩrã* yaa:
“Keng-y y mense. Ra n yɛɛs-y ye.
Ade! Yãmb Wẽnnaamã na n waa ne sũ-dokre.Wẽnnaam watame n na n dol y bɛɛbã.+
A na n wa fãaga yãmba.”+
5 Wakat kãnga, zoens nin na n pukame,+la wʋms tʋb na n yoosame.+
6 Wakat kãnga, põor na n yɩk n tĩimsa wa walga,+la muk zɩlemd na n lakame n kaas ne sũ-noogo.+
Bala koom na n pusga we-raoogẽ wã,la kʋɩls koom na n zoee we-rasempʋɩɩgã sẽn yaa tẽn-nabrẽ wã.
7 Tẽn-koɛɛng na n lebga bãk sẽn tar tãn-wĩisi,la zĩ-wak na n lebga ko-bunds zĩiga.+
Mo-maas ne tãn-wĩis la rudum na n zĩndazĩis nins we-baasã sẽn da gãeyã.+
8 So-kõodr n na n zĩnd be.+N-ye, sor b sẽn na n bool tɩ Sõmblmã sore.
Ned sẽn yaa rẽgd pa na n tũ be ye.+
A yaa ned ning sẽn tũud-a wã rẽnda.Yalem kõn tõog n tũ so-kãng ye.
9 Gɩgemd pa na n zĩnd be,we-rũms sẽn yaa toos me pa na n wa be ye.
B kõn yã rũm-kãens be ye.+Yaa neb nins Wẽnnaam sẽn yiis yembdẽ wã* bal n na n tũ be.+
10 A Zeova sẽn fãag b rãmbã na n lebg n waa+ Siyõ ne sũ-noog kaasgo.+
Sũ-noog sẽn ka sɛt na n yɩɩ b zug maanfo.+
Kɩdeng ne sũ-noog na n yɩɩ bãmb pʋɩɩre,la sũ-sãang ne sir wẽeb na n menemame.+
