Ezayi sebre 48:1-22
48 A Zakoob roogã rãmba, kelg-y-yã!Yãmb b rãmb nins b sẽn boond ne a Israyɛll yʋʋrã,+la sẽn yi Zida ko-rãmbẽ wã,*n wẽend ne a Zeova yʋʋr+la b pʋʋsd Israyɛll Wẽnnaamãtɩ pa ne sɩd la tɩrlmã,+ kelg-y-yã.
2 Bala bãmb rɩka tẽn-sõngã yʋʋr n pʋd b mense,+la b baood Israyɛll Wẽnnaamã sõngre,+soab ning yʋʋr sẽn yaa tãb-biis naab a Zeova wã.
3 “Hal sẽn kaoose, mam togsa yãmb bũmb nins sẽn zĩnd pĩndã.*
Bõn-kãens yii mam mengã noorẽ,la mam kɩtame tɩ b bãng-ba.+
Zĩig pʋgẽ, mam kɩtame tɩ bũmb yɩ, la pidsame.+
4 Mam sẽn mi fo sũurã sẽn diglim to-to wã,tɩ fo yublã gĩind yaa wa kutu, la tɩ f rĩirã yaa wa zũudã,+
5 mam togsa foom bõn-kãensã hal sẽn kaoose.
Nand tɩ b pidsi, mam kɩtame tɩ f wʋme,sẽn na yɩl tɩ f ra wa yeel tɩ fo bõn-naandgã n maan dẽ,la tɩ f bõn-naandgã b sẽn peesã, la a soab ning b sẽn dõogã n togs rẽ ye.
6 Fo wʋmame la f yã bõn-kãensã fãa.
Fo pa na n gom rẽ yell sɩda?+
Masã tɛka, m togsda foom bõn-paalse,+bũmb toor-toor sẽn da solg sõma tɩ f ra pa miẽ ye.
7 Yaa masã la m naan bõn-kãense, pa hal daar zãr ye.Sã n pa rũndã, fo ra nan zɩ n wʋm bõn-kãens kibar ye.Rẽnd f pa tõe n yeel tɩ f ra zoe n mi-b lame ye.
8 Ayo, fo pa wʋme,+ fo pa bãnge.Pĩndã fo tʋbã ra pa yok ye.
Bala mam miime tɩ f yaa zãmb soab hal wʋsgo,+la tɩ hal f rogmã tɛka, b boola foom tɩ kɩɩsda.+
9 La mam yʋʋrã yĩnga, mam na n tõoga m sũurã.+Mam ziirã yĩnga, mam na n yõka m menga,la m pa na n menes foom ye.+
10 Ade! Mam yɩlga foom, la pa wa b sẽn yɩlgd wanzuri ye.+
Mam maka* foom namsg wʋng pʋgẽ.+
11 Mam yĩnga, mam mengã yĩnga, mam na n maana bũmbu.+Bala mam yɩta wãn n bas tɩ b paoog maam?+
Mam pa na n dɩk m ziirã n kõ ned ye.
12 Zakoobe, la foom a Israyɛll m sẽn bool a soabã, kelge.
Mam ket n yaa m sẽn yaa a soabã.+ Mam yaa pipi soabã la yaoolem soabã.+
13 Mam nug n yẽbg tẽngã,+la mam nug-rɩtg n yɛdg saasã.+
Mam sã n bool-ba b naagda taab n yiki.
14 Bɩ yãmb fãa tigim taab n kelge.
Ãnd bãmb sʋkã n togs bõn-kãensã?
Ned ning maam a Zeova sẽn nongã+
na n pidsa bũmb ning sẽn noom maamã Babilon zugu,+la a nug na n zaba ne Kalde nebã.+
15 Mam meng n gome, la mam boola yẽnda.+
Maam n kɩt t’a wa, la bũmb ning a sẽn na n maanã na n yãka nenga.+
16 Kolg-y maam n kelge.
Hal sɩngrẽ wã mam pa solg n gom ye.+
Hal a maanegã wakat tɩ mam beeme.”
La masã, Zu-soab sẽn ka to a Zeova tʋma maam ne a vʋʋsmã me.
17 Ad a Zeova sẽn yaa fo Fãagdã* la Israyɛll Sõng soabã+ sẽn yeele:
“Mam yaa a Zeova, fo Wẽnnaamã,soab ning sẽn zãmsd foom f meng nafr yĩnga,*+la soab ning sẽn wilgd foo sore, sor ning zug fo sẽn segd n kẽnã.+
18 Fo sã n da tũudẽ mam noyã,+
fo bãanã ra na n yɩẽ-la wa kʋɩlg koom,+la fo tɩrlmã ra na n yɩɩ wa mogrã ko-pɛma.+
19 Fo yagensã ra na n yɩẽ-la wʋsg wa bĩisri,tɩ fo roogã rãmb yɩ wa bĩisrã bɛɛla.+
B ra pa na n tol n yãk wall b menes b yʋʋrã mam taoor ye.”
20 Yi-y Babilonne!+
Zoe-y n põs-y Kalde nebã!
Togs-y rẽ ne sũ-noog kaasgo! Moon-y-yã-a!+
Kɩt tɩ b bãng rẽ dũniyã tɛk fãa.+
Yeel-y yaa: “A Zeova fãaga* a tʋm-tʋmd a Zakoobe.+
21 A sẽn wa n tar bãmb n pɩʋʋgd zĩ-koeemsã, ko-yũud pa yõk-b ye.+
A kɩtame tɩ koom zoe pĩigẽ b yĩnga.A wãaga pĩig n kɩt tɩ koom pusg n yi.”+
22 A Zeova yetame yaa: “Bãan kae nin-wẽnsã yĩng ye.”+
Vẽnegr toor-toore
^ Pa rẽ bɩ, “sẽn yaa a Zida yagensã.”
^ Ebre, “pipi wã.”
^ Bɩ, “feesa.” Pa rẽ bɩ, “yãka.”
^ Bɩ, “Soab ning sẽn lebs n da foomã.”
^ Bɩ, “f meng neer yĩnga.”
^ Bɩ, “lebs n daa.”
