Ezayi sebre 50:1-11
50 Ad a Zeova sẽn yeele:
“Kãadem kaoob sebr+ ning mam sẽn kõ y ma wã m sẽn digã bɛɛ?
Bɩ yaa ne m sam-soab a bõe la m koos yãmba?
Gese! Yaa yãmb beegrã yĩng+ la b koos yãmba,la yaa yãmb kongrã yĩng la b sẽn dig y ma wã.+
2 Woto wã, bõe yĩng tɩ mam sẽn wa wã, m pa yã neda?
Bõe yĩng tɩ m bool tɩ ned pa leoke?+
Rẽ yĩnga, mam nugã yaa koɛɛg wʋsg n pa tõe n fãag bɩ,bɩ mam ka pãng n tõe n sõnge?+
Gese! Mam tãsgã kɩtdame tɩ mogrã kʋɩ.+Mam kɩtdame tɩ kʋɩlsã lebg we-rasempʋɩɩga.+
Bãmb zĩmã põogda koom sẽn ka be wã yĩnga,b kiida ko-yũud yĩnga.
3 Mam yeelgda saasã ne lika,+la m kɩt tɩ bot yɩ b lutga.”
4 Zu-soab sẽn ka to a Zeova kõo maam neb sẽn paam zãmsg zɩlemde,*+sẽn na yɩl tɩ m bãng n leok ned ning sẽn yɛ wã* ne gomd sẽn zemse.+
Yẽ nekda maam yibeoog fãa.A yokda mam tʋb tɩ m kelgd wa karen-biiga.+
5 Zu-soab sẽn ka to a Zeova yoka mam tʋbre,la mam pa yɩ tõat ye.+
Mam pa wẽnemd n tees zĩig a to ye.+
6 Mam kõo neb nins sẽn pãbd maamã m poore,la m kõ neb nins sẽn gʋsd m toɛɛngã m yɛgdse.
Mam pa solg m neng paoogr wall kolkood tʋbsg yĩng ye.+
7 La Zu-soab sẽn ka to a Zeova na n sõnga maam.+
Rẽ n so tɩ mam pa na n ges tɩ b paooga maam ye.
Rẽ n so me tɩ m na n keng m nengã wa kugr sẽn kɛgme.+La mam miime tɩ m pa na n paam yãnd ye.
8 Soab ning sẽn yet tɩ mam yaa tɩrgã kolgame.
Ãnd soab n tõe n ning maam taale?*+
Bɩ a yik tɩ d yalse.
Ãnd n tar yell ne maam?
Bɩ a kolge.
9 Ade! Zu-soab sẽn ka to a Zeova na n sõnga maam.
Ãnd n na n mong maam bʋʋm?
Gese! Bãmb fãa na n kii wa fuugu.
Mogd* n na n mok bãmb tẽma.
10 Ãnd soab yãmb sʋkã n zoet a Zeova,la a kelgd a tʋm-tʋmdã koɛɛga?+
Ãnd soab n kẽn lik bida pʋgẽ tɩ vẽenem baa bilf ra kaẽ?
Bɩ a teeg a Zeova yʋʋrã la a rell a Wẽnnaamã.
11 “Ade! Yãmb fãa sẽn widgd bugum,n kɩtdẽ tɩ bug-pãrsã yɩgda,kẽn-y y bugmã vẽenemẽ,bug-pãrsã sẽn yɩgdã sʋka.
Ad bũmb ning yãmb sẽn na n paam mam nugẽ:
Yãmb na n gãanda ne toog wʋsgo.
Vẽnegr toor-toore
^ Pa rẽ bɩ, “keng ned ning sẽn yɛ wã raood.”
^ Bɩ, “zɩlemd sẽn paam zãmsg sõma.”
^ Bɩ, “wẽ no-koeemd ne maam?”
^ Ebre wã gom-bilã bilgda bõn-yɩgdg sẽn dɩt futu.
