Ezayi sebre 51:1-23
51 “Yãmb a neb nins sẽn baood tɩrlmã,la yãmb a neb nins sẽn baood a Zeova wã, kelg-y maam.
Ges-y pĩig ning b sẽn pees n yãk yãmbã,la pĩig bok ning b sẽn tu n yãk yãmbã.
2 Ges-y yãmb ba a Abrahaamla a Saara+ sẽn dog yãmbã.
Bala mam sẽn wa n bool-a wã t’a ra yaa a yembre,+la mam ning-a-la bark n kɩt t’a fɩɩg n lebg kʋʋngo.+
3 Bala a Zeova na n belsa Siyõ.+
A na n lebs n manega* a raboodã,+la a kɩt t’a we-raoogã lebg wa Edɛnne,+t’a we-rasempʋɩɩgã sẽn yaa tẽn-nabrã lebg wa a Zeova zẽed zĩigã.+
B na n wʋma sũ-noog kaasg la kɩdeng rãamd a pʋgẽ,ne bark pʋʋsg la yɩɩn-noogo.+
4 Mam neba, kelg-y maam.Buud m sẽn so,+ kɩll-y y tʋbr n kelg maam.
Bala noor n na n yi mam nengẽ.+Mam na n vigla m tɩrlmã wa vẽenem buud toɛy-toɛyã yĩnga.+
5 Mam tɩrlmã kolgdame.+
Mam fãagrã na n yiime,+la mam na n bʋʋ nebã ne m kamsã pãnga.+
Ko-sʋk tẽnsã na n teega maam,+la bãmb na n gũu mam pãngã.*
6 Nak-y y nens n ges saasã,la y sulg n ges tẽngã.
Bala saasã na n wɩlga wa bug-zõose.Tẽngã na n kii wa fuug sẽn ki,t’a nebã ki wa rũmpigli.
La mam fãagrã na n paa wakat sẽn kõn sa.+Mam tɩrlmã pa na n tol n sa ye.+
7 Yãmb a neb nins sẽn mi tɩrlmã,la sẽn tar mam tõogã* b sũurẽ wã,+ kelg-y maam.
Ra n zoe-y rabeem ninsaalb sẽn yaa kiidb no-baoodem yĩnga,la ra n yɛɛs-y b tʋyã yĩng ye.
8 Bala mogd* n na n mok bãmb wa fuugu.Mogd* n na n dɩ bãmb wa pe-kõbdo.+
La mam tɩrlmã na n paa wakat sẽn kõn sa,tɩ m fãagrã yɩ zãmaan woo zãmaana.”+
9 Zeova kanga,+neke! Neke! Pil f meng ne pãnga.
Nek wa pĩnd wẽndẽ wã, la wa zãmaan nins sẽn loogã sasa.
Pa foom n wã Rahaabã*+ pees sɩda?Pa foom n kõs mogrã bõn-bãndã sɩda?+
10 Pa foom n kʋɩɩs mogrã sẽn yaa zĩ-zulungã koom sɩda?+
Pa foom n kɩt tɩ mogrã zĩ-zulumsã lebg sor tɩ b sẽn fãag* b rãmbã rʋʋg sɩda?+
11 A Zeova sẽn fãag* b rãmbã na n lebg n waame.+
Bãmb na n kẽe Zerizalɛm ne sũ-noog kaasgo,+la sũ-noog sẽn pa sɛt n na n yɩ bãmb zug maanfo.+
Sũ-noog kaasg la kɩdeng n na n yɩ bãmb pʋɩɩre,la sũ-sãang ne sir wẽeb na n menemame.+
12 “Yaa mam mengã n belsd yãmba.+
Dẽ wã, bõe yĩng tɩ fo na n zoe ninsaal sẽn yaa kiidã sẽn na n ki wã rabeem,+la ninsaal sẽn na n zelg wa moogã rabeem?
13 Bõe yĩng tɩ fo yĩm a Zeova sẽn yaa f Naandã yelle,+soab ning sẽn tẽeg saasã+ la a yẽbg dũniyã?
Daarã tõre, fo ra rigda rabeem sẽn namsd-a* foomã sũ-puugrã yĩnga,wa a ra tõe n menes-f lame.
La masã, sẽn namsd-a foomã sũ-puugrã bɛɛ?
14 Ka la bilfu, soab ning b sẽn sẽb ne bãens t’a surẽ wã na n paama a menga.+A pa na n ki n sig bokẽ,rɩɩb me kõn paoog-a ye.
15 Mam yaa a Zeova, fo Wẽnnaamã,soab ning sẽn zẽkd mogrã n dãmbd a ko-pɛmã:+A yʋʋr la tãb-biis naab a Zeova.+
16 Mam na n ninga m goamã fo noorẽ,la m bui foom ne m nugã maasem,+sẽn na yɩl n lugl saasã la m yẽbg dũni wã,+la m yeel Siyõ yaa: ‘Yãmb yaa mam nin-buiidu.’+
17 Zerizalɛm, neke! Nek la f yiki,+foom a soab ning sẽn yũ a Zeova sũ-puugrã bõn-yũudlã.
Fo yũu bõn-yũudlã sẽn be wamdẽ wã.Fo sɛɛsa bõn-yũudl ning sẽn yilimd nengã.+
18 Kamb nins fãa fo sẽn dogã baa a ye pa be n na n wilg-f sor ye.Kamb nins fãa fo sẽn wubã baa a ye pa gãd fo nug ye.
19 Bõn-kãensã a yiibã paama foom:
Sãoong la teed zɛɛbo, kom la sʋʋga!+
Ãnd n na n kʋm foo?
Ãnd n na n bels foom?+
20 Fo kom-dibli wã sobgame.+
Bãmb rʋra soayã fãa kɩremsẽ,wa we-rũms sẽn be yʋk pʋgẽ.
B paama a Zeova sũ-puugrã la f Wẽnnaamã tãsgã tɩ seke.”
21 Rẽ wã, m bõos tɩ f kelge,foom a pag sẽn namsd la sẽn su baa f sẽn pa yũ divẽ wã.
22 Ad fo Zu-soab a Zeova, fo Wẽnnaamã sẽn sõngd a nin-buiidã sẽn yeele:
“Gese! Mam na n deega bõn-yũudlã sẽn yilimd nengã,+wamdã, la m sũ-puugr wũmblã fo nugẽ.Fo pa na n tol le yũ-a ye.+
23 Mam na n ning-a-la neb nins sẽn namsd foomã nugẽ,+b rãmb nins sẽn yet foom tɩ f gãand tɩ b tab-f n loogã.
Woto, fo maana f poorã wa tẽn-nabre,la wa sor tɩ b tabe.”
Vẽnegr toor-toore
^ Ebre, “belsa.”
^ Bɩ, “kangã.”
^ Bɩ, “zãmsgã.”
^ Ebre wã gom-bilã bilgda bõn-yɩgdg sẽn dɩt futu.
^ Pa rẽ bɩ, “Zũnzũy.”
^ Ges-y gom-biis võor bilgrã zĩigẽ.
^ Bɩ, “lebs n da.”
^ Bɩ, “lebs n da.”
^ Bɩ, “rɩdgd-a.”
