Ezayi sebre 54:1-17
54 Ad a Zeova sẽn yeele: “Foom a pag ning sẽn yaa kir n pa rogã,+ kaas ne sũ-noogo!
Foom a soab ning sẽn zɩ n bãng rogem toogã,+ kɩdem la f kaas ne sũ-noogo.+Bala pag ning b sẽn basã kom-dibli* sõoryɩɩda pag ning sẽn tar sɩdã.”*+
2 “Yalg f fu-roogã zĩiga.+
Tẽes f ro-kãsengã pɛɛla.
Ra bas ye. Paas f fu-roogã wĩyã woglem,la f paas a bayã* pãnga.+
3 Fo na n yalga f todsã goabg la rɩtgo.
Fo yagensã na n sooga soolem toɛy-toɛy neba,la bãmb na n zĩnda tẽns nins sẽn da lebg raboodã pʋsẽ.+
4 Ra yɛɛs ye.+ Bala fo pa na n paam yãnd ye.+Ra ges tɩ b paooga foom, bala fo pa na n paam sũ-sãang ye.
Fo na n yĩma f bi-bɩɩlem wakatẽ yãndã,la fo pa na n le tẽeg paoogr ning fo sẽn paam f pʋg-kõtã wakatã ye.”
5 “Bala fo Naand-kãsengã+ yaa wa fo sɩda.*+A yʋʋr la tãb-biis naab a Zeova.Israyɛll Sõng soabã n yaa fo Fãagdã.*+
B na n bool-a lame tɩ dũniyã fãa Wẽnnaam.+
6 A Zeova boola foom wa fo yaa pag b sẽn daag n base, la sẽn be sũ-sãan-kãseng pʋgẽ,+la wa pag sẽn kẽ kãadem a bi-bɩɩlem wakatẽ tɩ b wa rig-a.” Fo Wẽnnaamã n yeele.
7 “Wakat bilf yĩnga, mam daaga foom n base.La mam nimbãan-zoeerã sẽn yaa kãsengã yĩnga, mam na n talla foom n lebg n wa.+
8 Mam sũurã sẽn da puug wʋsgã, mam solga m neng ne foom wakat bilf yĩnga.+La mam nonglmã sẽn pa satã yĩnga, mam na n zoee fo nimbãanega.”+ Yaa a Zeova sẽn yaa fo Fãagdã*+ n yeele.
9 “Ne maam, yaa wa a Nowe wakatẽ wã.+
Mam da wẽename t’a Nowe wakatẽ koomã pa na n le lim tẽngã ye.+Woto me, m wẽendame tɩ m pa na n le puug m sũur ne foom wall m tãs-f ye.+
10 Bala tãensã tõe n viigame,tɩ kunkubã miimi.La nonglem ning m sẽn tar ne foomã pa na n sa ye.+M laafɩ kaoolã me pa na n viig ye.”+ Yaa a Zeova, soab ning sẽn zoet fo nimbãanegã n yeele.+
11 “Foom a pag sũur sẽn sãam+ la sob-kãseng sẽn tar n lengdẽ tɩ ned pa belsd-a,+mam rɩgenda fo kugã ne tãn-maas sẽn tar pãnga,la fo yẽbgrã ne safɩɩr kuga.+
12 Mam na n maana fo tẽngã lalg kogs ne rubi kuga,fo tẽngã noyã ne kug sẽn pɩnda,la fo todsã fãa ne kug-neeba.
13 Fo kom-dibli wã* fãa na n paama zãmsg a Zeova nengẽ,+la fo kom-dibli wã* bãanã na n yɩɩ wʋsgo.+
14 B na n vigla foom kãn-kãe tɩrlem pʋgẽ.+
Weoogr na n zãaga ne foom.+Fo pa na n yɛɛs bũmb baa fʋɩ ye. Bũmb me kõn kẽes-f rabeem ye.Bala bũmb a woto kõn kolg foom ye.+
15 Ned sã n wa zabd ne foom,pa maam n kõ-a noor ye.
Ned ning fãa sẽn na n zab ne foom na n lʋɩɩ fo yĩnga.”+
16 “Ade! Yaa maam n naan sãeyãsẽn fʋʋsd bug-saalã,n maand zab-teoogã.
Maam n leb n naan sãoong raoã, sẽn na yɩl t’a wa ne sãoongo.+
17 Zab-teoog ning fãa b sẽn na n maan n zab ne foom pa na n tõog ye.+Fo na n gom n luba zɩlemd ning fãa sẽn na n kɩɩs foom bʋʋd zĩigẽ.
Yaa a Zeova tʋm-tʋmdbã pʋɩɩr* la woto,la bãmb tɩrlmã yita mam nengẽ.” Yaa a Zeova n yeele.+
Vẽnegr toor-toore
^ Bɩ, “zu-soabã.”
^ Bɩ, “kamb.”
^ Yaa bũmb sẽn yaa sɩleng tɩ b tar n kaad n sẽbd fu-roto.
^ Bɩ, “Soab ning sẽn lebs n da foomã.”
^ Bɩ, “zu-soaba.”
^ Bɩ, “Soab ning sẽn lebs n da foomã.”
^ Bɩ, “kambã.”
^ Bɩ, “kambã.”
^ Bɩ, “rogem-pʋɩɩr.”
