Ezayi sebre 64:1-12
64 Yãmb sã n da kẽegẽ saasã n sigi,n kɩt tɩ tãensã rigimdi,
2 wa bugum sẽn dɩt ribltɩ koom kɛɛdã,dẽ, yãmb bɛɛbã ra na n bãnga yãmb yʋʋrã,la buud toɛy-toɛyã ra na n diga yãmb taoore!
3 Yãmb sẽn wa n maan bõn-kãsems sẽn sek rabeem tõnd sẽn da pa tõe n saagã,+yãmb sigame, la tãensã rigimda yãmb taoore.+
4 Hal pĩnd wẽndẽ, ned zɩ n wʋm wall n kelg b sẽn gomd Wẽnnaam a to yelle,pa rẽ bɩ n yã Wẽnnaam a to n zʋʋg yãmba,soab ning sẽn sõngd neb nins sẽn ket n gũud yẽ wã* ye.+
5 Yãmb sega neb nins sẽn maand sẽn yaa tɩrg ne sũ-noogã,+b rãmb nins sẽn tẽegd yãmb yell la b tũud yãmb soayã.
Tõnd sẽn wa n maand yel-wẽn n pa basdẽ wã,+ yãmb sũur yikame.Tõnd maana woto n kaoose.
Masã b segd n fãaga tõnd sɩda?
6 Tõnd fãa lebga wa ned sẽn yaa rẽgdo,la tõnd tɩrlem tʋʋmã fãa lebga wa kʋɩdg pag pekr sẽn dẽgme.+
Tõnd fãa na n zelga wa tɩ-vãoogo,la d kongrã na n kãaga tõnd n loog wa sobgo.
7 Ned sẽn pʋʋsd yãmb yʋʋrã kae,ned sẽn modgd n na n gãd yãmb me kae ye.Bala yãmb solga y neng ne tõndo,+la yãmb kɩtame tɩ tõnd yorg d kongrã yĩnga.
8 La masã, Zeova, yãmb yaa tõnd Ba.+
Tõnd yaa tãndo, tɩ yãmb yaa tõnd Yagdã.*+Tõnd fãa yaa yãmb nus tʋʋmã.
9 Zeova, ra n yik-y y sũur wʋsg ne tõndo,+la ra tẽeg-y tõnd kongrã yell wakat fãa yĩng ye.
D bõos tɩ y ges-do, bala tõnd fãa yaa yãmb nin-buiidu.
10 Yãmb tẽn-sõamyã lebga we-raoogo.
Siyõ lebga we-raoogo,tɩ Zerizalɛm lebg raboogo.+
11 B yõoga+tõnd sõmblem la ziir* doogã,*zĩig ning d yaab-rãmbã sẽn da pẽgd yãmbã.Bũmb nins fãa tõnd sẽn da nong wʋsgã lebga raboogo.
12 Woto fãa yĩnga, Zeova, yãmb na n ket n yõkda y menga?
Yãmb na n kell n sĩndame n bas tõnd tɩ d namsd wʋsg woto?+
Vẽnegr toor-toore
^ Bɩ, “sẽn gũud yẽ ne sũ-marã.”
^ Bɩ, “Soab ning sẽn naan-a tõndã.”
^ Bɩ, “neerem.”
^ Bɩ, “wẽnd-doogã.”
