Ooze sebre 11:1-12
11 “Israyɛll sẽn wa n yaa biiga, mam sɩng n nong-a lame.+Mam boola m bi-riblã t’a yi Ezɩpti.+
2 B* sã n da boond Israyɛll nebã,b manegd n zãagda b mens ne-ba.+
B ra ket n maanda maand n kõt a Baal bõn-naandsã,+la b maand maand n kõt bõn-naands b sẽn peese.+
3 La yaa maam n zãms Efrayim nebã kẽna,+ n da rɩkd-b m nusẽ.+B pa sak n deeg tɩ yaa maam n sãoog-b ye.
4 Mam da tat-b-la wakat fãa ne ninsaalb wĩyã,* ne nonglem wĩyã.+Mam da zẽkda b yubl-balgdgã n yiisd b yubliẽ wã,la m kõt b ned kam fãa rɩɩb ne bʋgsem.
5 B pa na n lebg n leb Ezɩpt soolmẽ wã ye. La yaa Asiiri n na n yɩ b rĩma,+bala bãmb zãgsame tɩ b kõn lebg n wa mam nengẽ ye.+
6 Sʋʋg n na n sãam b galʋ-tẽnsã,+b kʋɩlensã sogdsã la a sãam b mensã, b mag-wẽnsã yĩnga.+
7 Mam nebã yãka yam n pa rat n maan sɩd ne maam ye.+
B boond-b-la yĩngri,* la ned baa a ye pa rat n yik ye.
8 Efrayim, mam na n yɩɩ wãn n daag foom n base?+
Israyɛlle, mam na n yɩɩ wãn n ning foo f bɛɛbã nusẽ?
Mam na n yɩɩ wãn n maan foo wa Adma?
Mam na n yɩɩ wãn n kɩt tɩ fo lebg wa Zeboyimmi?+
Mam toeema yam.Wakat kãnga, fo nimbãaneg yõka maam wʋsgo.+
9 Mam pa na n kiig m sũ-pu-kãsengã ye.
Mam pa na n le sãam Efrayim ye.+Bala mam yaa Wẽnnaam, mam pa ninsaal ye.Mam yaa Sõng soabã n be ne foo.Mam pa na n wa ne sũ-puugr n sɩbg foo ye.
10 Bãmb na n kẽn n pʋga a Zeova, t’a kelem wa gɩgemde.+A sã n wa kelme, a kambã* na n yii nin-taoor n digd n watẽ.+
11 B sã n wa yit Ezɩpti, b na n digda wa liuula.B sã n wa yit Asiiri soolmã, b na n digda wa marwalle.+Mam na n zĩnig-b-la b rotẽ wã.” Yaa a Zeova n yeele.+
12 “Efrayim gũbga maam ne zirẽ-beedo.Israyɛll buudã neb gũbga maam ne zãmbo.+
La Zida nebã ket n tũuda* Wẽnnaam.B ket n maanda sɩd ne Sẽn yaa-a sõng n yɩɩdã.”+
Vẽnegr toor-toore
^ Rat n yeel tɩ no-rɛɛsdbã, la neb a taab b sẽn tʋm tɩ b tɩ zãms Israyɛll nebã.
^ Bɩ, “sõmblem wĩyã,” wa roagd wĩya.
^ Rat n yeel tɩ b boond-b lame tɩ b tũ tũudum hakɩɩkã sẽn ka to wã.
^ Rat n yeel tɩ Wẽnnaam kambã.
^ Bɩ, “kẽnda ne.”
