Ooze sebre 12:1-14
12 “Efrayim nebã rɩlgda b mens ne sobgo.
B zoet n pʋgda yaang sobgã daarã tõre.
B paasda b zirẽ-beedã la b nen-kɛglmã.
B maanda kaool ne Asiiri,+ la b talld kaam n kẽnd Ezɩpti.+
2 A Zeova na n kaoo Zida bʋʋdo.+A na n soka a Zakoob a manesmã sẽn yɩ to-to wã yĩnga,la a keo-a wa sẽn zems a tʋʋm-tʋmdɩ wã.+
3 A gãda a ba-biigã nao-kãsenkãar b ma wã pʋgẽ.+A maoo ne Wẽnnaam ne a pãngã.+
4 A maoo ne malɛk hal n wa tõoge.
A yãbame n kos tɩ b ning-a barka.”+
Wẽnnaam yãa-a-la Betɛlle, n gom ne tõnd be.+
5 Yẽ yaa Wẽnnaam a Zeova sẽn yaa tãb-biis naabã.+Nebã segd n tẽegdame t’a yʋʋr la a Zeova.+
6 “Woto wã, lebg-y n wa-y y Wẽnnaamã nengẽ.+Kell-y n tall-y nonglem, la y maand sẽn yaa tɩrga.+Teeg-y y Wẽnnaamã wakat fãa.
7 La zãmb makds n be y lɛɛbdbã* nusẽ.Bãmb nonga zãmbo.+
8 Efrayim nebã yetame yaa: ‘Sɩd-sɩda, tõnd lebga rakãag-rãmba.+Tõnd paama arzɛgse.+
Tõnd tʋʋm-toogã fãa pʋsẽ, b pa na n yã bũmb sẽn yaa wẽng wall yel-wẽnd ye.’
9 Mam yaa yãmb Wẽnnaam a Zeova, hal sẽn sɩng Ezɩpt soolmẽ wã.+
Mam na n le kɩtame tɩ y zĩnd fu-rot pʋsẽ,wa sẽn da yaa to-to wakat nins mam sẽn yãkã.*
10 Mam goma ne no-rɛɛsdbã.+Mam kɩtame tɩ b paam vẽnegr wʋsgo.Mam tũnuga ne no-rɛɛsdbã n wẽ yel-bũna.
11 Zãmb*+ la ziri ra bee Galaade.
B kʋʋ lols n maan maand Gilgalle.+B tẽn-kugã yaa wa kug-rʋy sẽn be pʋʋg b sẽn ko pʋgẽ.+
12 A Zakoob zoe n kẽnga Aram*+ soolmẽ wã.*A Israyɛll+ tʋma be sẽn na yɩl n paam paga.+A gũu piis sẽn na yɩl n paam paga.+
13 A Zeova kɩtame tɩ no-rɛɛs yiis Israyɛll nebã Ezɩpti.+A tũnuga ne no-rɛɛs n kogl-ba.+
14 Efrayim beega wʋsgo.+A zɩɩmã taal bee a meng zugu.A Zu-soabã na n keo-a-la a sẽn paoog yẽ wã yĩnga.”+
Vẽnegr toor-toore
^ Bɩ, “toandbã.”
^ Pa rẽ bɩ, “tigr wakatã.”
^ Bɩ, “Zĩn-dãmb yɛl.”
^ Bɩ, “Siiri.”
^ Ebre, “weoogẽ wã.”
