Ooze sebre 4:1-19
4 Yãmb a Israyɛll neba, kelg-y-yã a Zeova goamã.Bala a Zeova na n kaoo soolmã neb bʋʋdo,+sɩda, nonglem la Wẽnnaam bãngr sẽn pa be soolmã pʋgẽ wã yĩnga.+
2 Zirẽ-be-wẽenego, ziri,+ nin-kʋʋre,+wagdem la yoob+ piuugame.Nebã raagda b taabã zɩɩm wakat fãa.+
3 Rẽ n so tɩ soolmã na n paam sũ-sãanga,+tɩ ned ning fãa sẽn be a pʋgẽ wagl wʋsgo.We-rũmsã sẽn be weoogẽ wã, bõn-yɩgdɩ wã sẽn yɩgd yĩngrã,la baa zĩmã sẽn be mogrẽ wã na n kiime.
4 “La bɩ ned ra zab yãmb wall a gom-yã,+bala yãmb yaa wa neb sẽn zabd ne maan-kʋʋda.+
5 Yãmb na n laka wĩnto-sʋk n lʋɩ.No-rɛɛsã me na n naaga yãmb n lak n lʋɩ wa yaa yʋngo.
Mam na n kɩtame tɩ yãmb ma wã sĩndi.*
6 Mam na n kɩtame tɩ mam nin-buiidã sĩndi,* bãngr sẽn kae wã yĩnga.
Yãmb sẽn zãgs bãngrã yĩnga,+ma-me na n zãgsame tɩ y kõn le tʋm mam maan-kʋʋrã tʋʋm ye.Yãmb sẽn yĩm y Wẽnnaamã tõogã* yĩnga,+ma-me na n yĩma y kambã yelle.
7 B sõorã sẽn wa n tar paasgã, yel-wẽnã b sẽn maand n beegd maamã me ra tara paasgo.+
Mam na n kɩtame tɩ b ziirã toeem n lebg yãnde.*
8 B* rɩlgda b mens ne mam nin-buiidã yel-wẽnã.B nonga nin-buiidã sẽn na n maand yel-wẽn wʋsgo.
9 Yaa bũmb ning sẽn na n paam nin-buiidã n na n paam maan-kʋʋdã me.Mam na n sok-b-la b manesmã poorẽ,la m kɩt tɩ b tʋʋmã biis wẽneg n wa b zutu.+
10 B na n dɩtame n pa tɩgd ye.+
B na n kẽeda ne pagb wʋsgo,* la b sõorã pa na n paas ye.+Bala b maana b toog kae ne a Zeova.
11 Yoob ne divẽ la divẽ-paalgkɩtdame tɩ ned pa le rat n maan sẽn yaa tɩrg ye.+
12 Mam nin-buiidã sokda b bõn-naandsã sẽn maan ne raadã n dat n bãng b raabo.B maanda b rasaarã* sẽn yet-b bũmb ninga.Bala yoobã ratem kɩtdame tɩ b menemdẽ.B sẽn yoodã, b zãgsame tɩ b kõn sak b Wẽnnaamã ye.
13 B maanda maand b tãensã zutu,+la b yõogd b maandã kunkubã zut tɩ nusdẽ,sɛnn tɩɩsã tẽngre, ɛstirags tɩɩsã la tɩ-bɛdã fãa tẽngre,+b maasmã sẽn noomã yĩnga.
Yaa rẽ yĩng la yãmb kom-pugli wã sẽn yoode,tɩ y bi-pagbã me yoodã.
14 Mam pa na n sok yãmb kom-pugli wã b yoobã poorẽ ye.Mam pa na n sok y bi-pagbã me b yoobã poorẽ ye.
Bala rapã tallda pʋg-yoaadb n yit kɛɛnga,la b naagd pʋg-yoaadb* n maand maando.Nin-buiid a woto sẽn pa tar bãngrã+ na n sãamame.
15 Israyɛll neba, baa yãmb sẽn yoodã,+bɩ Zida ra paam taal ye.+
Ra wa-y Gilgall+ wall Bɛt-avɛn+ ye.Ra wẽen-y n yeel-y yaa: ‘D wẽenda ne a Zeova sẽn vɩ wã!’+ ye.
16 Bala Israyɛll nebã lebga tõatb wa nag-tõtre.+
Rẽ yĩnga, a Zeova na n kɩɩm-b-la wa pe-ra-poll sẽn be rũms wãbneg zĩig sẽn pa gũbg* sɩda?
17 Efrayim nebã waoogda bõn-naandse.+
Bas-y-b sɩɩ!
18 B rãamã* sã n wa sa,b kẽeda ne pagb wʋsgo.*
B nanambsã* nonga yãnd tɩ loog noore.+
19 Sobgã na n pil-a-la* ne a pɩgsã.B na n zoee b maandã yãnde.”
Vẽnegr toor-toore
^ Bɩ, “na n sãama y ma wã.”
^ Bɩ, “zãmsgã.”
^ Bɩ, “sãame.”
^ Pa rẽ bɩ, “B rɩka mam ziirã n tek ne yãnde.”
^ Rat n yeel tɩ maan-kʋʋdbã.
^ Bɩ, “B na n yooda wʋsgo. B na n koosda b mense.”
^ Bɩ, “bag-bʋgd rasaarã.”
^ Ebre, “wẽnd-doog pʋg-yoaadb.”
^ Ebre, “zĩ-yalengẽ.”
^ Bɩ, “bɩle rãamã.”
^ Bɩ, “b yooda wʋsgo. B koosda b mense.”
^ Ebre, “gãndã.”
^ Bɩ, “n kãag-a lame n looge.” Yaa Efrayim yell la b sẽn gomdã.
