Ooze sebre 5:1-15
-
Efrayim ne Zida bʋʋd kaoobo (1-15)
5 “Yãmb a maan-kʋʋdbã,+ kelg-y yãoã.Yãmb a Israyɛll buudã neba, kelg-y neere.Rĩmã zak rãmba, kelg-y-yã.Bala yaa yãmb bʋʋd la b na n kao,yãmb sẽn yaa bẽdg Mizpa yĩnga,la gãmbr b sẽn tẽeg Taboor zugã yĩnga.+
2 Sẽn lebg-b tõatbã* kẽe nin-kʋʋrã pʋgẽ wʋsgo,tɩ mam keoogd* b fãa.
3 Mam mii Efrayim,tɩ Israyɛll me pa solg ne maam ye.
Bala yãmb a Efrayim nebã kẽe ne pagb wʋsgo.*Israyɛll nebã rẽgma b mense.+
4 B manesmã pa sõngd-b sẽn na yɩl tɩ b lebg n wa b Wẽnnaamã nengẽ ye.Bala yoob ratem n be b sʋka.+B pa sak n deeg tɩ yaa maam a Zeova n yaa b Wẽnnaam ye.
5 Israyɛll wuk-m-mengã ning-a-la taale.+Israyɛll ne Efrayim fãa lak n lʋɩɩ b kongrã pʋgẽ,tɩ Zida me naag-b n lak n lʋɩ.+
6 B yii ne b rũm-bõonegã la b rũm-bɛdã n na n gẽes a Zeova,la b pa tõog n yã-a ye.
A zãaga a meng ne-ba.+
7 B zãmba a Zeova,+bala b roga bu-zẽms kamba.
B na n sãama bãmb ne b sẽn so wã* kiuug a ye pʋgẽ.*
8 Peeb-y baorg+ Gibeya, la y peeb tãntãoog Rama!+
Kaas-y zabr kaasg Bɛt-avɛnne!+ Yãmb a Bẽnzame neba, tõnd bee yãmb poorẽ!
9 Yãmb a Efrayim neba, sɩbgrã daare, yãmb na n lebga bũmb sẽn kẽesd rabeem.+
Mam kɩtame tɩ b bãng bũmb ning sẽn na n sɩd maan Israyɛll buud toor-toorã sʋka.
10 Zida nanambsã yaa wa neb sẽn sersd todse.+
Mam na n kiiga m sũ-puugrã b zut wa koom.
11 Efrayim nebã paama weoogre, la b sãoongã zemsame.Bala b yãka yam n na n tũ b bɛɛbã.+
12 Rẽ n so tɩ mam da yaa wa mogd* Efrayim nebã yĩnga,la wa bõn-põosg Zida buudã neb yĩnga.
13 Efrayim nebã sẽn yã b bãagã tɩ Zida nebã yã b nod-toaagã,Efrayim nebã kẽnga Asiiri,+ n tʋm koe-taasdb rĩm-kãseng nengẽ.
La a pa tõog n sãoog yãmb ye.A pa tõog n maag yãmb nod-toaagã ye.
14 Bala mam na n yɩɩ wa gɩgem-poll Efrayim yĩnga,la wa gɩgemd sẽn tar pãng Zida buudã neb yĩnga.
Mam mengã n na n tɛ bãmb n tõs la m looge.+Mam na n tall-b lame n looge, tɩ ned kae n fãagd-b ye.+
15 Mam na n loogame n leb m zĩigẽ wã, hal n tãag b taalã biis sẽn na n wa b zutu.Dẽ, b na n baoo mam lohorem.*+
B sã n wa be yel-pakr pʋgẽ, b na n baoo maam.”+
Vẽnegr toor-toore
^ Ebre, “Sẽn lʋɩt-bã.”
^ Bɩ, “mam na n kibl.”
^ Bɩ, “yoome. koosa y mense.”
^ Ebre, “Kiuug n na n dɩ bãmb ne b pʋɩyã.”
^ Bɩ, “b pʋtã.”
^ Ebre wã gom-bilã bilgda bõn-yɩgdg sẽn dɩt futu.
^ Ebre, “nengã.”
