Ooze sebre 6:1-11
6 “Wa-y tɩ d lebg n leb a Zeova nengẽ.Bala a tɛɛ tõnd n tõse,+ la a na n sãooga tõndo.
A wẽe tõndo, la a na n vila d noadã.
2 A na n le kõo tõnd pãng rasem a yiib poore.
Rasem a tãab-n-soabã daare, a na n kɩtame tɩ d yiki.Tõnd na n vɩɩmda a taoore.
3 Tõnd na n bãnga a Zeova. Tõnd na n baoo ne d sũur fãa n bãng-a.
A waoongã yaa waazib wa zĩig yẽegre.A na n waa tõnd nengẽ wa saag sẽn niid ne pãnga,la wa yaoolem saag sẽn bʋkd tẽngã wʋsgo.”
4 “Efrayim neba, bõe la m segd n maan yãmba?
Zida neba, bõe la m segd n maan yãmba?
Bala yãmb nonglmã yaa wa yibeoog sawato,la wa meenemã sẽn mesgd tao-tao wã.
5 Rẽ n so tɩ m na n tũnug ne no-rɛɛsdbã+ n kʋ-ba.Mam na n kʋ-b-la ne m noorã goama.+
Mam sẽn na n kao yãmb a nin-buiidã bʋʋd to-to wã na n yãga wa vẽenem.+
6 Bala sẽn noom maam yaa nonglem,* pa maoong ye.Sẽn noom maam yaa Wẽnnaam bãngre, pa maand sẽn yõogd bugum ye.+
7 La bãmb kɩɩsa kaoolã+ wa nin-zaals bala.
B zãmba maam be.
8 Galaad yaa tʋʋm-wẽns-maandb tẽnga,+n pid ne zɩɩm daagre.+
9 Maan-kʋʋdbã sullã yaa wa fãadb sull sẽn solg n gũud neda.
B kʋʋda neb Sikɛm+ sorã zugu,bala b tʋmda yãn-tʋʋma.
10 Mam yãa yel-beed Israyɛll nebã sʋka.
Efrayim nebã yooda be.+Israyɛll nebã rẽgma b mense.+
11 Sã n yaa ne yãmb a Zida neba, mam yãka kẽebg wakat yãmb yĩnga,wakat mam sẽn na n kɩt tɩ m neb nins sẽn yaa yembsã lebg n wa.”+
Vẽnegr toor-toore
^ Bɩ, “nimbãan-zoeere.”
