Ooze sebre 7:1-16
7 “Wakat ning fãa mam sẽn mak n na n maag Israyɛll nebã,Efrayim nebã kongrã me pukdame,+tɩ Samari+ nebã wẽnem me puki.
Bala b maanda zãmbo.+Wagda kaooda roto, tɩ fãadb sul yit n na n fã.+
2 La b pa tagsd b sũurẽ wã tɩ mam na n tẽega b wẽnemã fãa yell ye.+
Masã, b tʋʋmã karg n gũbg-b lame.B tʋʋmã bee mam taoore.
3 B noogda rĩmã sũur ne b wẽnemã,la b noogd nanambsã sũy ne b zãmbã.
4 B fãa yaa yoaadba,n dɩt wa wʋng bur-wẽed sẽn yõgne,n bas bugmã tusb a sẽn wat n nagd zomã, n tãag zomã sẽn na n wuki.
5 Tõnd rĩmã naam wakate, nanambsã lʋɩɩ bãaga.B sũyã puuda wʋsg divẽ wã yĩnga.+
Rĩmã yõga zood ne nin-yaandbã.
6 Bala b kolgda ne sũy sẽn wit wa wʋnga.*
Yʋngã tõre, bur-wẽedã gõeeme.Yibeoogo, wʋngã rɩta wa bug-witim.
7 B fãa wɩnga wa wʋnga,n dɩt b taoor dãmbã.*
B nanambsã fãa lʋɩɩme.+B sʋkã ned baa a ye pa boond maam ye.+
8 Efrayim kalma ne bu-zẽmsã.+
Efrayim yaa wa bur-gilg b sẽn bas n pa lebg ye.
9 Sãamb n sɛɛs a pãngã,+ la a pa mi rẽ ye.
A zoobdã pelgame, la a pa bãng ye.
10 Israyɛll nebã wuk-m-mengã ning-b-la taale,+la b pa lebg n wa b Wẽnnaam a Zeova nengẽ,+wall b bao-a baa ne bõn-kãensã fãa ye.
11 Efrayim yaa wa marwall sẽn pa tar minim, n pa tar yam ye.*+
Efrayim nebã kosa Ezɩpt sõngre.+ B kẽnga Asiiri.+
12 Zĩig ning fãa b sẽn na n kẽnge, mam na n tẽega m gãmbrã b zutu.
Mam na n kɩtame tɩ b lʋɩ wa bõn-yɩgdɩ wã sẽn yɩgd yĩngrã.
Mam na n kibl-b-la wa sẽn zems m sẽn keoog b buudã nebã.+
13 Toog bee b zutu, bala b zoeeme n bas maam!
Sãoong bee b zutu, bala b beega maam!
Mam da segl n saame n na n fãag-ba, la b yaga ziri mam wɛɛngẽ.+
14 B pa bool maam ne b sũy fãa n kos sõngre,+baa b sẽn da wõosd b gãasã zut wakat fãa wã.
B ra bogda b yĩnsã, b koodã la b divẽ-paalgã yĩnga.B tõdga maam.
15 Baa mam sẽn kibl-b la m paas b kamsã pãngã,b kɩɩsda maam, n magd n na n maan wẽnga.
16 B toeema b manesmã, la b pa toeem tɩ b manesmã lebg sõma n yɩɩd ye.*B ra yaa neb b sẽn pa tõe n teege, wa tãp sẽn yogse.+
Sʋʋg n na n kʋ b nanambsã, b kɩɩsg goamã yĩnga.
Bõn-kãng yĩnga, nebã na n yaand-b-la Ezɩpt soolmẽ wã.”+
Vẽnegr toor-toore
^ Pa rẽ bɩ, “Bala b sã n wa kolgd ne b sɩlmã, b sũyã yaa wa wʋnga.”
^ Ebre, “bʋ-kaoodbã.”
^ Ebre, “n pa tar sũur ye.”
^ Rat n yeel tɩ b pa toeem n na n tũ tũudum hakɩɩkã sẽn ka to wã ye.
