Ooze sebre 8:1-14
8 “Peeb baorgo!+
Ned n wat wa sɩlg n na n zab ne a Zeova nin-buiidã,*+bala b sãama mam kaoolã,+ la b kɩɩs mam tõogã.+
2 B kelemd n boonda maam n yetẽ: ‘Tõnd Wẽnnaam, tõnd a Israyɛll nebã mii yãmba!’+
3 Israyɛll nebã zãgsa sẽn yaa neer maanego.+
Bɩ bɛɛb rig-ba.
4 B yãka rĩm-dãmba, la pa tũ ne mam daab ye.
B yãka nanambse, la mam pa sak-b ye.
B rɩka b wanzuri wã ne b sãnemã n maan bõn-naands+b mensã sãoong yĩnga.+
5 Yãmb a Samari neba, mam zãgsa y nag-bilã.+
Mam sũurã puuda ne yãmba.+
Na n kaoosa wakat a wãn tɩ yãmb le lebg yɩlma?
6 Bala nag-bilã yita Israyɛll nebã nengẽ.
Yaa tʋʋm-mit n maan-a. Bõn-kãng pa Wẽnnaam ye.B na n wãa Samari nag-bilã t’a lebg zõm-zõme.
7 Bala b bʋta sobgo,n na n kẽeb sob-kãsenga.+
Kaaf kae n womd biis sẽn bɩ* ye.+Bũmb ning fãa sẽn na n bul n yi pa na n wom n lebg rɩɩb ye.
Baa bũmb sã n wome, yaa sãamb n na n dɩ-a.+
8 B na n sãama Israyɛll buudã.+
Masã, Israyɛll buudã neb na n zĩnda bu-zẽmsã sʋka,+wa laok b sẽn pa le rate.
9 Bala b kẽnga Asiiri+ wa we-bõang sẽn yaa a yembre.
Efrayim raa rolsen-dãmba.+
10 Baa b sẽn da rolsen-dãmb bu-zẽmsã sʋkã,mam na n tigma bãmb masã.B na n sɩnga namsgo,+ zɩɩb ning rĩmã ne nanambsã sẽn kɩt tɩ b tʋkã yĩnga.
11 Bala Efrayim nebã maana tẽn-kug wʋsg n paase,+ tɩ kɩt tɩ b maan yel-wẽna.
B tẽn-kugã lebga bũmb sẽn kɩtd tɩ b maand yel-wẽna.+
12 Mam gʋlsa tõod wʋsg n kõ-ba,la b ges-b-la wa bõn-sãanga.+
13 B kʋʋda rũms n kõt maam a Zeova, la b wãbd nemdã.La b maandã pa noom maam baa bilf ye.+
Masã, mam na n tẽega b kongrã yelle, n sɩbg-b b yel-wẽnã yĩnga.+
B wẽnemd n teesa* Ezɩpti.+
14 Israyɛll nebã yĩma b Naandã*+ yelle, n me wẽnd-doto.+Zida nebã me mee tẽns wʋsg sẽn gũbg lalse.+
La mam na n kɩtame tɩ bugum yõk b tẽnsã,n dɩ tẽng fãa gasdo.”+