Ooze sebre 9:1-17
9 “Israyɛll neba, ra kɩdm-y sũ-noog ye.+Ra maan-y sũ-noog wa buud a taabã neb ye.
Bala yãmb yoome n zãag y mens ne y Wẽnnaamã.+
Yãmb nonga yoob yaood y sẽn deegd zɛɛg buud fãa pʋgẽ.+
2 Zɛɛgã ne vẽ wẽkr bokã pa na n dɩlg-b ye.B pa na n paam divẽ-paalg ye.+
3 B pa na n kell n zĩnd a Zeova soolmẽ wã ye.+Efrayim pʋd n na n leba Ezɩpti.B na n dɩɩ bũmb sẽn yaa rẽgd Asiiri.+
4 B pa na n le pʋdg divẽ kũun a Zeova yĩng ye.+B maandã pa na n yɩ-a noog ye.+
Maan-kãens yaa wa kʋʋr dɩɩbo.*Neb nins fãa sẽn dɩt-bã na n dẽgma b mense.
Bala b rɩɩbã* yaa bãmb bal rẽnda.*B rɩɩbã pa na n kẽ a Zeova roogẽ wã ye.
5 Bõe la yãmb na n maan tigsgã daare,*a Zeova tigrã daare?
6 Bala na n yɩɩ tɩlɛ tɩ b zoe sãoongã yĩnga.+
Ezɩpt nebã na n tigm-b lame,+ tɩ Memfis nebã mum-ba.+
Gõos n na n dɩ b bõn-sõma nins sẽn maan ne wanzuri wã.Gõos tuud n na n yi b fu-rotã pʋsẽ.
7 Sokrã wakat na n taame.+Wakat ning b sẽn na n keo-bã daar na n taame.Israyɛll nebã na n bãnga rẽ.
B no-rɛɛsã na n lebga yalma, tɩ rao ning sẽn paamd vẽnegrã lebg gãeenga.Yãmb kongrã sẽn yaa wʋsgã yĩnga, b na n kisga yãmb wʋsgo.”
8 Efrayim gũudã+ ra bee ne mam Wẽnnaamã.+
La masã, a no-rɛɛsdbã+ manesmã fãa yaa wa liuun-bẽt bẽdse.Kisg-taab n be a Wẽnnaamã roogẽ wã.
9 B sãama zãng wa Gibeya wakatẽ wã.+
Wẽnnaam na n tẽega b kongrã yelle, la a sɩbg-b b yel-wẽnã yĩnga.+
10 “Mam yãa Israyɛll t’a yaa wa viyn biis sẽn be we-raoogẽ.+
Mam yãa yãmb yaab-rãmbã tɩ b yaa wa kankang dẽenem biis pipi soaba.
La b kẽnga Pewoor Baallã nengẽ.+B rɩka b mens n kõ wẽn-faoogã,+n lebg bõn-yood wa bũmb ning b sẽn nongã.
11 Efrayim ziirã yɩka wa liuul n looge.Pag pa le rogde, pag pa le tʋte, pag pa le rɩkd pʋg me ye.+
12 Baa b sã n wubd kamba,mam na n kʋʋ b kambã hal tɩ ned baa a ye pa kell ye.+Mam sã n wa loog n bas-ba, b na n paama toogo!+
13 B sela Efrayim rũms wãbneg zĩigẽ, t’a ra yaa wa Tɩɩr+ mam nifẽ.Masã, Efrayim segd n yiisa a kambã tɩ b kʋ.”
14 Zeova, kõ-y bãmb bũmb ning y sẽn segd n kõ-bã.Bɩ b pagbã pʋs sãamdẽ, tɩ b bĩisã me ra tall bĩisim ye.
15 “Yaa Gilgall+ la b ra maand b wẽnemã fãa, bala yaa be la mam wa n yik n kis-ba.
Mam na n dig-b lame n yiis m doogẽ wã, b tʋʋm-wẽnsã yĩnga.+
Mam pa na n le nong-b ye.+B nanambsã fãa sũy riglmame.
16 B na n kʋʋ Efrayim nebã.+
B yẽgrã na n kʋɩɩme, tɩ b pa wom biis ye.
Baa b sã n doge, mam na n kʋʋ b kambã b sẽn nong wʋsgã.”
17 Mam Wẽnnaamã na n daag-b lame n base,bala b pa kelg-a ye.+B na n lebga neb sẽn lamsd bu-zẽmsã sʋka.+
Vẽnegr toor-toore
^ Ebre, “buri.”
^ Bɩ, “b mens sɩɩsã rẽnda.”
^ Ebre, “burã.”
^ Bɩ, “yãmb tigrã y sẽn yãk daar n maandẽ wã daare.”
