Sofoni sebre 1:1-18
1 A Zeova goma ne a Kuusi biig a Sofoni* a Amo+ biig a Zoziyas+ sẽn yaa Zida rĩmã wakatẽ. A Kuusi yaa a Gedaliya biiga, t’a Gedaliya yaa a Amariya biiga, t’a Amariya yaa a Ezekɩyaas biiga. A yeel-a lame:
2 “Mam na n menesa bũmb fãa tẽn-gãongã zugu.”+ Yaa a Zeova n yeele.
3 “Mam na n menesa ninsaalbã ne rũmsã.
Mam na n menesa bõn-yɩgdɩ wã sẽn yɩgd yĩngrã, zĩmã sẽn be mogrã pʋgẽ wã,+bũmb nins sẽn kɩtd tɩ ned lak n lʋɩ wã,*+ n paas nin-wẽnsã.Mam na n yiisa ninsaalbã tẽn-gãongã zugu.” Yaa a Zeova n yeele.
4 “Mam na n tẽega m nug n zab ne Zida,la m zab ne Zerizalɛm nebã fãa.Mam na n menesa a Baal bũmb nins sẽn ket zĩ-kãnga wã zãnga.+Mam na n menesa wẽn-sãamsã maan-kʋʋdbã yʋy ne maan-kʋʋdbã mense,+
5 n paas neb nins sẽn wõgemded rot zut n waoogd bũmb nins sẽn be saasẽ wã,*+ne neb nins sẽn wõgemded n pʋlemd a Zeova tɩ b na n maana sɩd ne-a,+n yaool n pʋlemd a Malkam me tɩ b na n maana sɩd ne-a wã.+
6 Mam na n menesa neb nins sẽn basd a Zeova tũubu,+la sẽn pa baood a Zeova wall b pa sokd-a n na n bãng a raabã.”+
7 Pa-y sɩɩ a Zeova sẽn yaa Zu-soab sẽn ka to wã taoore, bala a Zeova daarã kolgame.+
A Zeova segla maoongo. A welga a sẽn bool b rãmbã toore.*
8 “Maam a Zeova maoongã daare, mam na n soka nanambsã,rĩmã kambã,+ ne neb nins fãa sẽn yer bu-zẽms futã.
9 Daar-n-kãnga, mam na n soka neb nins fãa sẽn dʋʋd zĩ-zãntlgã,*neb nins fãa sẽn kɩt tɩ b zu-soben-dãmbã zags pid ne nen-kɛglem la zãmbã.”
10 A Zeova yeelame: “Baraare,kɛleng rãamd n na n yi Zĩmã rignoorẽ.+Wiisg rãamd n na n yi tẽngã sak a yiib-n-soabã pʋgẽ,+tɩ lʋɩɩs rãamd sẽn tar pãng yi kunkubẽ wã.
11 Yãmb a Maktɛs* neba, wiis-y-yã,bala b menesa lɛɛbdbã* fãa.*B sãama neb nins fãa sẽn magd wanzuri wã.
12 Wakat kãnga, mam na n maaga m yĩng n vaees Zerizalɛm ne fɩtl-dãmba.Mam na n soka sek-m-mens rãmbã sẽn yet b sũyẽ wã yaa:‘A Zeova pa na n maan sẽn sõmbe, a pa na n maan sẽn yaa wẽng me ye.’+
13 Neb n na n zɛ b paoongã, la b sãam b rotã.+
B na n mee roto, la b kõn zĩnd b pʋsẽ ye.B na n sela viyn tɩɩse, la b kõn yũ b divẽ wã ye.+
14 A Zeova ra-kãsengã kolgame!+
A kolgame, n wat ne tʋʋlem wʋsgo!*+
A Zeova daarã na n yɩɩ rabeem daare.+
Daar-n-kãnga, zabr gãndaad na n kelmame.+
15 Daar-n-kãng yaa sũ-puugr daare,+toog la sũ-sãang daare,+sob-kãseng la sãoong daare,lik la libsg daare,+la sawat la lik bida daare.+
16 Baraare, nebã na n peeba baorg la b kaas zabr kaasgo,+n zab ne tẽns nins sẽn gũbg lalsã, la ne gasd nins sẽn lugi, n be gõad zĩisẽ wã.+
17 Mam na n kɩtame tɩ toog paam ninsaalbã,tɩ b kẽnd wa zoense,+bala b maana yel-wẽn n beeg a Zeova.+
B zɩɩmã na n daagame n be zĩig fãa wa tom,tɩ b yĩn-nemsã* rʋr wa bĩndu.+
18 B wanzuri wã ne b sãnemã pa na n tõog n fãag-b a Zeova sũ-puugrã daar ye.+Mam yẽesmã sẽn dɩt wa bugmã yĩnga, tẽngã tõr na n dɩɩ bugum.+Bala mam na n sãama tẽngã nebã fãa. Na n sɩd yɩɩ sãoong meng-menga.”+
Vẽnegr toor-toore
^ Rat n yeel t’a “Zeova n solge, (n bĩngi.)”
^ Tog n yaa teed nins b sẽn maan bõn-naandsã pʋʋsg yĩnga, la bũmb nins b sẽn maand bõn-naandsã pʋʋsg wɛɛngẽ wã.
^ Ebre, “saasẽ tãb-biisã.” Vẽenega, yaa wĩndgã, kiuugã la ãdsã yell la b sẽn gomdã.
^ Bɩ, “A yɩlga a sẽn bool b rãmbã.”
^ Tõe tɩ yaa zĩig b sẽn maneg tɩ zẽk rĩmã geer yĩnga.
^ Ebre, “b kɩtame tɩ lɛɛbdbã fãa sĩndi.”
^ Bɩ, “toandbã.”
^ Wõnda yaa Zerizalɛm sak sẽn pẽ Zĩmã rignoore.
^ Bɩ, “tao-tao ne tʋʋlem!”
^ Ebre, “yãadã.”
