Zakari sebre 13:1-9
13 “Baraare, b na n tuka bulg n kõ a Davɩɩd buudã la Zerizalɛm nebã, yel-wẽnã la rẽgdã yɩlgr yĩnga.+
2 A Zeova sẽn yaa tãb-biis naabã yeelame yaa: “Daar-n-kãnga, mam na n yẽesa bõn-naandsã yʋyã soolmã pʋgẽ.+ B pa na n le tẽeg b yell ye. M na n yiisa no-rɛɛsdbã+ ne rẽgdã tʋlsem* soolmã pʋgẽ.
3 La ned sã n le togs bãngr-gomde, a ba wã ne a ma wã sẽn dog-a wã na n yeel-a lame yaa: ‘Fo pa na n kell n vɩɩmd ye. Bala fo togsa ziri ne a Zeova yʋʋre.’ A ba wã ne a ma wã sẽn dog-a wã na n kõs-a-la ne sʋʋga, a sẽn togs bãngr-goamã yĩnga.+
4 “Baraare, no-rɛɛsdbã ned kam fãa sã n wa togsd bãngr-gomde, vẽnegr ning a sẽn paamã yãnd na n yõk-a lame. B pa na n le yeelg fut* sẽn wʋg ne rũms kõbd+ sẽn na yɩl n belg nebã ye.
5 B ned kam fãa na n yeelame yaa: ‘Mam pa no-rɛɛs ye. Mam yaa ka-koaada, bala ned n da maam hal m bi-bɩɩlmẽ.’
6 Ned sã n sok-a yaa: ‘Yaa bõe noad la sẽn be fo bãgdã sʋkã?’* A na n yeelame: ‘Yaa m zo-rãmbã* zakẽ la b pogl maam.’”
7 “Foom a sʋʋga, yik n zab ne mam pe-kɩɩmã.+Zab ne rao ning sẽn yaa mam tũud-n-taagã.” Yaa a Zeova sẽn yaa tãb-biis naabã n yeele.
“Wẽ pe-kɩɩmã,+ tɩ piisã sãeege.+Mam na n zẽka m nug n zab ne sẽn pa zem-b baa fʋɩ wã.”
8 A Zeova yeelame: “Soolmã fãa pʋgẽ,b na n yãka neb a yiib neb a tãab sʋk n kʋ,la b kell nin-yendã.
9 Mam na n dɩka neb a tãab fãa sʋkã nin-yendã, n kɩt tɩ b pasg bugmẽ.Mam na n yɩlg-b-la wa b sẽn yɩlgd wanzuri.Mam na n mak-b-la wa b sẽn makd sãnem to-to wã.+
B na n boola mam yʋʋrã,tɩ mam leok-ba.
Mam na n yeelame: ‘B yaa mam nin-buiidu,’+
tɩ bãmb yeele: ‘A Zeova yaa tõnd Wẽnnaam.’”
Vẽnegr toor-toore
^ Ebre, “rẽgdã vʋʋsem.”
^ Bɩ, “no-rɛɛsdb fut.”
^ Ebre, “fo nusã sʋkã?” Rat n yeel tɩ yãoogẽ wã, wall poorã zugu.
^ Bɩ, “Yaa sẽn nong-b maamã.”
