Zakari sebre 9:1-17
9 Bʋ-kaoor koɛɛga:
“A Zeova gomdame n ningd Hadrak soolmã taale.Sẽn yɩɩd fãa yaa Damaas la a ningd taale.*+Bala a Zeova ninã bee ninsaalbã zutu,+la Israyɛll buud toɛy-toɛyã fãa zutu.
2 A ningda Hamat+ sẽn yaa toadg ne-a wã me taale,n paas Tɩɩr+ ne Sɩdõ,+ bala b tagsdame tɩ b tara yam wʋsgo.+
3 Tɩɩr mee lal-bedr* n na n kogl a menga.
A zama wanzuri wa tom,la a zam sãnem wa soayã zut bɛgdã.+
4 Kelg-y-yã! A Zeova na n deesa a paoongã.A na n kʋʋ a tãb-biisã n lob mogrã pʋgẽ.*+Tɩɩr mengã na n dɩɩ bugum.+
5 Askalon na n yãa rẽ tɩ rabeem yõk-a.Gaaza na n maana yɩɩr wʋsgo,ne Ekron me, bala a sẽn da teeg a soabã paama yãnde.
Gaaza rĩmã n na n kiime.Ned pa na n le zĩnd Askalon ye.+
6 Yoodem biig* n na n zĩnd Asdoode.Mam na n kɩtame tɩ Filisti nebã wuk-m-mengã sa.+
7 Mam na n yiisa bũmb nins zɩɩmã sẽn madã b noyẽ wã,la m yiis bõn-yoodã b yẽnẽ wã.Filisti neb nins sẽn na n kellã na n yɩɩ tõnd Wẽnnaamã rẽnda.B na n yɩɩ wa buud nanambs* Zida,+tɩ Ekron nebã lebg wa Zebuus nebã.+
8 Mam na n tilga sik-zĩig n gũ m doogã,+sẽn na yɩl tɩ ned baa a ye ra kẽ be, wall a yi be ye.Tʋʋm taoor soab* pa na n le kẽ be ye.+Bala masã, mam yãa rẽ* ne m nifu.
9 Foom a Siyõ bi-pugla, kɩdem sũ-noog wʋsgo.
Foom a Zerizalɛm bi-pugla, kaas f tõogrã yĩnga.
Gese! Fo rĩmã wata fo nengẽ.+
A yaa tɩrga, n wat ne fãagre.*A yaa sik-m-meng soaba,+ n zao bõanga.A zaoo bõn-bila,* bõn-yãang biiga.+
10 Mam na n yiisa zabr saar-dãmbã* Efrayim,la m yiis wed-moosã Zerizalɛm.
B na n yiisa zabr tãbdã.
A na n moona buud toɛy-toɛyã neb n gom laafɩ yelle.+A na n dɩɩ naam sẽn sɩng ne mogr n tɩ tãag mogre,la sẽn sɩng ne Kʋɩlgã* n tɩ tãag dũniyã tɛka.+
11 La foom a paga, fo kaoolã zɩɩm maasem yĩnga,mam na n yiisa fo neb nins b sẽn pag bog-koɛɛngẽ wã.+
12 Yãmb a neb nins b sẽn pag tɩ y tẽed manegrã,+ lebg-y n leb-y soondgã zĩigẽ.
Mam yeta foo rũndã yaa:‘Foom a paga, mam na n kõo foo pʋɩɩr a yiib tɩ yɩ f keoore.+
13 Bala mam na n yãaga* Zida wa m tãpo.
Mam na n dɩka Efrayim n ning tãpã pʋgẽ.*Foom a Siyõ, mam na n neka fo kom-dibli wã,tɩ b zab ne foom a Gɛrɛs kom-dibli wã.Mam na n kɩtame me tɩ fo lebg wa zabr gãndaoog sʋʋga.’
14 Nebã na n yãa a Zeova sẽn be b zugẽ.A peemdã na n yii wa sa-yãgbo.
A Zeova sẽn yaa Zu-soab sẽn ka to wã na n peeba baorgã.+A na n tũu goabg sob-kãsemsã n wa.
15 A Zeova sẽn yaa tãb-biis naabã na n sõng-b lame.Bɛɛb n na n zab ne-b ne loobs kuga, la b na n tõoga bɛɛbã.+
B na n yũume n kaasd ne sũ-noog wa b yũu divẽ.B na n yɩɩ wa la-bil sẽn pid ne divẽ,la wa zɩɩm b sẽn daag tẽn-kugrã kɩremsẽ.+
16 Baraare, b Wẽnnaam a Zeova na n fãag-b lame,wa pe-kɩɩm sẽn fãagd a piis to-to wã.+Bala b na n zĩnda a tẽn-gãongã zugu, n pɩnd wa maanf kug-neeba.+
17 Ad a sõmblmã sɩd yaa kãsenga!+A sɩd bee rasãnd wʋsgo!
Koodã na n kɩtame tɩ kom-bɩɩsã paam pãnga.Divẽ-paalgã na n kõo pʋg-sadb nins sẽn pa mi raoã keelem.”+
Vẽnegr toor-toore
^ Ebre, “la a vʋʋsg zĩiga.”
^ Bɩ, “tãn-soben-doog.”
^ Pa rẽ bɩ, “A na n tõoga a tãb-biisã mogrã zugu.”
^ Bɩ, “Tãmpĩir.”
^ Ebre, “sɛk-rãmb.”
^ Vẽenega, yaa a nin-buiidã namsgã yell la b gomda.
^ Bɩ, “Weoogd.”
^ Bɩ, “la tõaagda. A paama fãagre.”
^ Bɩ, “bõn-daoogo.”
^ Yaa bũmb sẽn wõnd sarɛt tɩ wed-moos tatẽ.
^ Rat n yeel tɩ Efrate.
^ Ebre, “taba.”
^ Rat n yeel tɩ wa peemde.
