Zonas sebre 2:1-10
2 A Zonas paa zĩnfã pʋgẽ n pʋʋs a Zeova sẽn yaa a Wẽnnaamã+
2 n yeele:
“Mam yel-pakrã pʋgẽ, mam boola a Zeova t’a leok maam.+
Yaoogã* zĩ-zulumsẽ wã,* mam kelem n kosa sõngre.+
Yãmb wʋma mam koɛɛgã.
3 Yãmb sẽn wa n lob maam zĩ-zulumsẽ wã, mogrã pʋgẽ wã,ko-wĩisã lima maam.+
Yãmb ko-pɛmã sẽn tar pãngã looga mam zugẽ.+
4 Mam yeelame yaa: ‘B riga maam n yiis yãmb taoore!
Mam na n maana wãn n le paam yãmb do-sõngã n yã?’
5 Koomã lima maam tɩ m vɩɩmã be yell pʋgẽ.*+Ko-zulumsã lima maam.
Koomã pʋgẽ moodã ra vila mam zugã.
6 Mam bõrame n tãag tãensã tẽngre.
Tẽngã ra pagda a kʋɩlens mam zug wakat fãa yĩnga,
la mam Wẽnnaam a Zeova, yãmb yiisa mam vɩɩmã bokã pʋgẽ.+
7 Mam vɩɩmã* sẽn wa n satẽ wã, yaa a Zeova yell la mam tẽeg-yã.+
Dẽ, mam pʋʋsgã taa yãmba, y ro-sõngã pʋgẽ.+
8 Neb nins sẽn tũud wẽn-faadã basda Wẽnnaam sẽn yaa soab ning sẽn maand-b neerã.*
9 La sã n yaa ne maam, mam na n pʋʋsa yãmb barka, la m maan maoong n kõ yãmba.
Mam na n pidsa bũmb ning m sẽn pʋlmã.+
Fãagr yita a Zeova nengẽ.”+
10 A Zeova wa n kɩtame tɩ zĩnfã tɩ wʋk a Zonas tẽn-koɛɛngẽ wã.
Vẽnegr toor-toore
^ Ges-y gom-biis võor bilgrã zĩigẽ.
^ Ebre, “pʋgẽ wã.”
^ Bɩ, “Koomã lima maam n tãag m sɩɩgã.”
^ Bɩ, “sɩɩgã.”
^ Pa rẽ bɩ, “basda b maan-sɩdã.”
