Zoob sebre 10:1-22
10 “Mam yam yii m vɩɩmã.+
Mam pa na n bas m yẽgengã ye.
Mam na n goma m toogã sẽn yaa kãsengã pʋgẽ!
2 Mam na n yeela Wẽnnaam yaa: ‘Da n ning-y maam taal ye.
Togs-y maam y sẽn zabd ne-mã võore.
3 Yãmb sã n maan ninsaal pãnga, nafd-y lame bɩ?Yãmb na n kisga y nus tʋʋmde,+n yaool n ningd nin-wẽnsã magb barka?
4 Yãmb tara ninsaal nin bɩ,bɩ y geta wa ninsaal sẽn yaa kiidã?
5 Yãmb rayã yaa wa kiidbã rayã bɩ,bɩ y yʋʋmã yaa wa ninsaal yʋʋma,+
6 tɩ y baood n na n bãng m kongre,la y ket n baood m yel-wẽndã?+
7 Yãmb miime tɩ mam pa tar taal ye.+La ned pa tõe n fãag maam y nugẽ ye.+
8 Yãmb meng nug n yag maam la a maan-ma.+La masã, yãmb dat n sãama maam la?
9 M kotame tɩ y tẽeg tɩ y maana maam ne tãndo.+La masã, yãmb dat n kɩtame tɩ m leb tomẽ la?+
10 Yãmb pa raag maam wa bĩisim,la y maan-m wa bĩis-gõeem* sɩda?
11 Yãmb yeelga maam ne yĩn-gãong la nemse,la y wʋg-m ne kõab la gĩina.+
12 Yãmb kõo maam vɩɩm la y tall nonglem sẽn pa sat ne-ma.Yãmb gesa m yell n gũ m vɩɩmã.*+
13 La yãmb da sɩfa y sũurẽ n na n maan bõn-kãensã.*
Mam miime tɩ bõn-kãensã yita yãmb nengẽ.
14 Mam sã n maana yel-wẽnde, yãmb da na n yãa rẽ,+la y ra pa na n bas maam taal m beegrã yĩng ye.
15 Mam sã n tara taale, toog na wʋm maam!
La baa m pa tar taale, mam pa tõe n zẽk m zug ye.+Bala yãnd la toog seka maam.+
16 Mam sã n zẽk m zugu, yãmb tãoosda maam wa gɩgemd sẽn digd bũmbu,+la y le tar y pãngã n maand maam wẽnga.
17 Yãmb wata ne kaset rãmb a taab tɩ b taalgd maam,la y maneg n puugd y sũur ne-ma,tɩ toog woo toog paamd maam.
18 Rẽ wã, bõe yĩng tɩ y yiis maam m ma wã pʋgẽ?+
Mam da tog n kiime, tɩ nif pa yã-m ye.
19 Ra na n yɩɩ wa m zɩ n zĩnd ye.B ra na n yiis-m-la m ma wã pʋgẽ n kell n sãag yaoogẽ.’
20 Mam rayã sõor pa paood sɩda?+ A bas maam sɩɩ.Bɩ a wẽnemd a neng n bas-m gesgo, tɩ m paam yolsg bilf*+
21 nand tɩ m looge, la m kõn lebg n wa ye.+Yaa tẽng ning sẽn yaa lik bida wã* pʋgẽ,+
22 tẽng ning sẽn yaa lik tuutaa,tẽng ning sẽn yaa lik bida la zũnd-zãnde,tɩ vẽenemã meng yaa wa likã.”
Vẽnegr toor-toore
^ Bɩ, “formaaz.”
^ Bɩ, “vʋʋsmã, yõorã.”
^ Ebre, “Yãmb solga bõn-kãensã y sũurẽ.”
^ Bɩ, “m kɩdem bilf.”
^ Bɩ, “lik la kũum sulunsukã.”