Zoob sebre 12:1-25
12 A Zoob leokame n yeel yaa:
2 “Hakɩɩka, yãmb la bãngdba,la yãmb sã n ki, yam sa-yã!
3 La ma-me tara bãngre.
Yãmb pa yɩɩd maam ye.
Ãnda n pa mi bõn-kãensã?
4 Mam lebga ned m zo-rãmbã sẽn laade,+ned sẽn boond Wẽnnaam n dat t’a leok-a.+
Nin-tɩrg la ned sẽn pa tar taal lebga ned b sẽn laade.
5 Ned sẽn pa tar yell yetame tɩ yel-beed pa na n tol n paam-a,n tagsdẽ tɩ yaa neb nins sẽn zoe n tar zu-loeesã* bal la paamda.
6 Fãadbã zĩi b fu-rotã pʋsẽ ne laafɩ,+tɩ neb nins sẽn baood Wẽnnaam noorã zĩ bãane.+Yaa neb nins sẽn zãad b wẽnnaamã b nusẽ wã.
7 La m kotame tɩ f sok rũmsã tɩ f na paam bãngre,la f sok liuuli wã sẽn yɩgd yĩngrã tɩ b na togs-fo.
8 Pa rẽ bɩ f maag f yĩng n ges* tẽngã bõn-naandsã tɩ f na paam bãngre,la f sok mogrã zĩmã tɩ b na wilg-fu.
9 Bãmb fãa sʋka, ãnd n pa mitɩ yaa a Zeova nug n maan rẽ?
10 Bõn-vɩɩsã fãa vɩɩm* bee a nugẽ,la ninsaal fãa yõore.*+
11 Tʋbr ka kelgd goam n geswa zɩlemd* sẽn lembd rɩɩbã sɩda?+
12 Yam pa be ne nin-kẽembã,+la pa kʋʋlem n wat ne bãngr sɩda?
13 Yam la pãn-kãseng bee ne Wẽnnaam.+Yẽ n mi saglgo, la a tar bãngre.+
14 Yẽ sã n siig bũmbu, pa le tõe n me ye.+A sẽn pag bũmb ningã, ned pa tõe n pak ye.
15 Yẽ sã n gɩdg saagã, bũmba fãa kʋɩtame.+A sã n bas tɩ saagã ni, koomã limda tẽngã.+
16 Pãng ne yam-vẽenem bee yẽ nengẽ.+Yẽ n so ned ning sẽn menemde, la sẽn menesd-a a taabã.
17 Yẽ kɩtdame tɩ sagendb kẽnd na-zaala,la a kɩtdẽ tɩ bʋ-kaoodb gãeemdẽ.+
18 A logsda neb nins rĩm-dãmb sẽn sẽbe,+la a sẽbd b seesã ne sẽbdse.
19 Yẽ kɩtdame tɩ maan-kʋʋdb kẽnd na-zaala,+la a sikd neb nins naam sẽn vigl kãn-kãe wã b naamẽ.+
20 A kɩtdame tɩ sagendb nins nebã sẽn kɩs sɩdã muki,la a foogd nin-kẽembã* yam.
21 Wẽnnaam ningda nin-kãsemsã yãnde,+la a komsd pãens rãmbã pãnga.*
22 A pukda lik pʋgẽ yel-zulumsi,+la a kɩtdẽ tɩ vẽenem yãgd lik bida pʋgẽ.
23 Yẽ kɩtdame tɩ tẽnsã paam pãnga, n na n sãam-ba.A yalgda tẽnsã, n na n tall-b n kẽng yembdo.
24 Yẽ reegda nin-buiid taoor dãmb bãngre,*la a kɩtdẽ tɩ b yeebd zĩ-vɩɩd sẽn pa tar soay pʋsẽ.+
25 B babenda likẽ,+ vẽenem sẽn kaẽ wã.Yẽ kɩtdame tɩ b yeebd wa neb sẽn yũ rãam n su.+
Vẽnegr toor-toore
^ Bɩ, “nao sẽn salsdã.”
^ Pa rẽ bɩ, “gom ne.”
^ Bɩ, “Nin-vɩɩsã fãa sɩɩs.”
^ Bɩ, “vʋʋsem.”
^ Ebre, “ragsendak.”
^ Bɩ, “kãsem-dãmbã.”
^ Ebre, “a logsda pãens rãmbã sẽbdse.”
^ Ebre, “sũuri.”
