Zoob sebre 16:1-22
16 A Zoob leokame n yeel yaa:
2 “Mam zoe n wʋma goam wʋsg sẽn wõnd woto.
Yãmb fãa yaa belsdb sẽn paasd ned toogo!+
3 Gom-vɩɩd tara sɛɛb sɩda?
Bõe n kɩt tɩ fo leokd woto?
4 Ma-me ra tõe n goma wa yãmba.
Yãmb sã n da be mam zĩigẽ,mam da tõe n gomame n lub-yã,la m gir m zug ne-yã.+
5 La mam da pa na n maan woto ye. Mam da na n kenga yãmb daood ne m no-goamã,la m bels-y ne m no-bɩmsã tɩ y paam yolsgo.+
6 Mam sã n gome, m toogã pa sigd ye.+Mam sã n sĩnd me, m toogã yɩta wãn n booge?
7 La masã, Wẽnnaam kɩtame tɩ mam pãngã sa.+A sãama mam zakã tõre.*
8 Sẽn paase, yãmb gãda maam tɩ lebg kaseto,hal tɩ m sẽn faag wʋsgã kɩt tɩ nebã tagsdẽ tɩ m tara taale.
9 Yẽ sũ-puugrã wãa maam peese. A sũur kẽka ne maam.+
A wãbda a yẽn ne maam.
Mam bɛ wã geta maam ne sũ-yikri, n dat n maan maam wẽnga.+
10 Nebã yaaga b noor yaleng n dat n vel maam,+la b pãb maam pɛgs n paoog-ma.Bãmb tigma taab kʋʋng n na n zab ne maam.+
11 Wẽnnaam basa maam kom-dibli sẽn paood nusẽ,la a lob maam nin-wẽns nusẽ.+
12 Mam da zĩi bãane, la yẽ wãa maam.+A gãda mam yublã n beds-ma.Yẽ tãooda maam ne a pɛɛmã.
13 A tãb-tãoodbã gũbga maam.+Yẽ kõsda mam yiimã+ n pa zoet m nimbãaneg ye.A raagda mam yamã tẽnga.
14 Mam yaa wa lalg b sẽn tar poobo.A zoet n kẽeda maam wa tãb-biiga.
15 Mam sẽe bot n na n lud m yĩn-gãongã,+la mam busa m pãngã* tomẽ.+
16 Mam yãbame tɩ m ninã mo,+tɩ m nin-pagdã sobg diga,
17 baa mam nusã sẽn pa tʋm nen-kɛglem,tɩ m pʋʋsgã me yaa yɩlemdã.
18 Tẽnga, ra lud m zɩɩmã ye!+
La bɩ vʋʋsg zĩig ra zĩnd m kelemsã yĩng ye!
19 Baa masã, mam kaset soabã bee saasẽ.Soab ning sẽn tõe n gom mam yĩngã bee zĩ-zãntsẽ wã.
20 Mam zo-rãmbã yaanda maam,+tɩ m nintãmã raagd Wẽnnaam taoore.*+
21 Bɩ ned welg yell ning sẽn be ninsaal ne Wẽnnaam sʋkãwa ned ne a to sʋka.+
22 Bala yʋʋm nins sẽn watã pa waooge,la mam na n dɩka sor ning ned sẽn pa rɩkd n lebg n wa wã.+
Vẽnegr toor-toore
^ Bɩ, “sẽn tigimd-b ne maamã.”
^ Bɩ, “ziirã.” Ebre, “yɩɩllã.”
^ Pa rẽ bɩ, “mam nifã sẽn ka gõeemã get Wẽnnaam.”