Zoob sebre 17:1-16
17 “Mam pãngã sɛɛme, mam rayã saa tẽma.Yaadã gũuda maam.+
2 Laadb n gũbg maam,+tɩ m nif segd n ges b yel-manesmã sẽn wilgd tɩ b yaa tõatbã.
3 M kotame tɩ y reeg bũmb ning m sẽn dat n gãneg ne-yã, la y bĩng-a yãmb nengẽ.
Bala sã n pa yãmba, ãnd n na n yõk mam nug n pʋlem t’a na n sõnga maam?+
4 Bala yãmb solga yam-vẽenem ne-ba.+Rẽ n so tɩ yãmb pa zẽk-b ye.
5 Nin-kãensã tõe n pʋɩta b sẽn tar ne b zo-rãmba,tɩ b kambã nens yaool n sobd kom yĩnga.
6 A kɩtame tɩ m lebg ned b sẽn paoogd* buud toɛy-toɛyã sʋka,+hal tɩ m lebg ned b sẽn tʋbsd a neng kolkoodo.+
7 Sũ-sãangã kɩtame tɩ m ninã pãng booge,+tɩ m kamsã ne m karsã fãa lebg wa sulunsuk bala.
8 Yãoã lingda nin-tɩrsã hal wʋsgo,la ka-taal soab sũur sãamda wẽn-zɩtbã* yĩnga.
9 Nin-tɩrg gãda a tɩrlmã sor kãn-kãe,+t’a soab ning nus sẽn yaa yɩlmã pãng paasdẽ.+
10 La yãmb fãa tõe n waame, n le sɩng y no-koɛɛmã wẽebo,bala mam pa yã yam soab yãmb sʋk ye.+
11 Mam rayã satame.+Mam magbã ne m sũurã tʋlsem saame.+
12 Wakat fãa, bãmb kɩtdame tɩ yʋng lebgd wĩntoogo,n yetẽ yaa: “Vẽenem tog n bee yambẽ, bala yaa lika.”
13 M sã n gũ, Yaoogã* n na n lebg m yiri.+La mam na n tẽega m gãagã lik pʋgẽ.+
14 Mam na n boola bokã*+ tɩ m ba,
la zũnzũur tɩ m ma la m tão.
15 Dẽ wã, mam saagrã bee yɛ?+
Ãnda n tõe n yã saagr mam yĩnga?
16 Mam saagrã na n siga Yaoogã* kʋɩlensẽ,wakat ning tõnd fãa sẽn na n tũ taab n sig tomẽ wã.”+
Vẽnegr toor-toore
^ Ebre, “yel-bũnd.”
^ Bɩ, “sɩdã kɩɩsdbã.”
^ Ges-y gom-biis võor bilgrã zĩigẽ.
^ Bɩ, “yaoogã.”
^ Ges-y gom-biis võor bilgrã zĩigẽ.