Zoob sebre 18:1-21
18 Suwa rao a Bildaad+ leokame n yeel yaa:
2 “Yãmb na n kell n goma woto n tãag dabʋre?
Wilg-y tɩ y tara bãngr tɩ d yaa n paam n gome.
3 Bõe yĩng tɩ y na n ges tõnd wa rũmsi,+la bõe tɩ tõnd na n yɩ wa yalemb* yãmb nifẽ?
4 Baa fo sã n tõs f mengã zerems f sũ-puugrã pʋga,b na raag tẽngã n bas fo yĩnga,bɩ pĩig na serg a zĩigẽ?
5 B na n kiisa nin-wẽng vẽenem,la a bug-witmã pa na n leb n yãg ye.+
6 A fu-roogã pʋgẽ vẽenem na n lebga lika,la fɩtlã sẽn wit yẽ zugẽ wã na n kiime.
7 A nao-yakmã sẽn da wogmã yõbgame,la a mengã magb n na n lub-a.+
8 Bala a naoã na n kẽes-a-la gãmbrẽ,la a na n yeeba gãmbrã wĩy pʋgẽ.
9 Bẽdg n na n yõk-a a nao-kãsenkãarẽ.A na n lʋɩɩ bẽdgẽ.+
10 B busa wĩir tẽng yẽ yĩnga,la b gãneg bẽdg a sorã zugu.
11 Pelen-yɩk gũbga yẽ zĩig fãa tɩ yaa rabeem,+n pʋgd a naoã pẽdem-pẽdem.
12 A pãngã boogdame,la yel-beed+ na n kɩtame t’a kẽnd n lengdẽ.*
13 A yĩngã rɩɩ zãnga.La bãag ning sẽn kʋʋd n yɩɩdã* na n sãama a nusã la a naoã.
14 B võog-a lame n yiis a fu-roogẽ wã t’a pa le tar bãane,+la b kɩt t’a kẽnd n dabd yɛɛsg naab nengẽ.*
15 Sãamb n na n zĩnd a fu-roogẽ wã.B na n yugla a yirã kidbri.+
16 A yẽgã na n kʋɩɩ a tẽngrã,t’a wilã kʋɩ a yĩngrã.
17 B pa na n tẽeg a yell tẽngã zugu,la b pa na n bãng a yʋʋr sorã zug me ye.*
18 B na n dig-a-la vẽenemẽ n kẽes likẽ,la b rig-a n yiis tẽngã zugu.
19 A pa na n paam kamb la yagens a nin-buiidã sʋk ye.La a ned pa na n põs a sẽn beẽ wã ye.
20 A raarã sã n ta, neb nins sẽn be Nin-taoorã pɛleng na n yɩkame,la rabeem-kãseng na n yõka neb nins sẽn be Yaangã.
21 Woto n paamd nin-wẽng fu-roto,la ned ning sẽn pa mi Wẽnnaam yiri.”
Vẽnegr toor-toore
^ Pa rẽ bɩ, “neb sẽn pa yɩlem.”
^ Bɩ, “keoosdẽ.”
^ Ebre, “kũum bi-rẽengã.”
^ Rat n yeel tɩ b kɩtame t’a na n ki kũ-toaaga.
^ Ebre, “a pa na n tall yʋʋr ye.”