Zoob sebre 19:1-29
19 A Zoob leokame n yeel yaa:
2 “Yãmb na n yikda mam sũurã+n namsd maam ne y goamã+ n tãag dabʋre?
3 Naoor piig la woto yãmb sẽn zab* maam.Yãmb sẽn yaa dem-dem ne maamã, yãnd pa tar-yã?+
4 La baa mam sã n sɩd tudgame,yaa maam bal la pak-yã.
5 Yãmb sã n pẽdgd n zẽkd y mens mam taoorn yetẽ tɩ mam segda ne paoogr ning m sẽn paamdã,
6 bãng-y tɩ yaa Wẽnnaam n tudg maam.La a yõka maam a tãoosgã gãmbr pʋgẽ.
7 Ade! Mam kelemdame n yetẽ tɩ b maanda maam pãnga, la ned pa leokd maam ye.+Mam kelemdame n kot sõngre, la ned pa sõngd maam ye.+
8 Yẽ gɩdga mam sorã ne kug lalg tɩ m pa tõe n loog ye.A luda mam soayã ne lika.+
9 Yẽ yeega mam ziirã n bas-ma,la a fõk maanfã mam zugẽ.
10 Yẽ wãada maam tɩ m sãeegd zĩig zãnga, n na n tãag m kũum.A võogda mam saagrã wa tɩɩga.
11 Yẽ sũur kãbda ne maam,la a geta maam wa a bɛ.+
12 A tãb-biisã sũu taab n wa gũbg maam,n tilg tãb-sik n gũbg mam fu-roogã.
13 Yẽ riga mam ba-biisã n zãag ne-ma,la neb nins sẽn mi maamã wẽnemd n bas-m lame.+
14 Mam zo-rãmbã* loogame,la mam sẽn da mi b rãmb sõma wã yĩma mam yelle.+
15 Mam sẽn deeg b rãmb m zakẽ wã+ ne m yem-pogsã geta maam wa sãana.Mam yaa sãan b nifẽ.
16 Mam boonda m tʋm-tʋmdã, la a pa leokd ye.Mam yaaga m noor n kot-a t’a zoe m nimbãanega.
17 Mam noorã pemsem lebga yũug ne mam pagã.+Mam lebga bõn-põosg m ma-biisã* nifẽ.
18 Baa kom-kɩdsã paoogda maam.Mam sã n yiki, b sɩngda maam tʋya.
19 Mam zo-rãmbã fãa kisa maam,+la mam sẽn da nong b rãmbã yik n zabda ne maam.+
20 Mam kõabã tabenda m yĩn-gãongã la m nemsã.+Ketẽ-la bilf bal tɩ mam ki.*
21 M zo-rãmba, zoe-y m nimbãanega. Zoe-y mam nimbãanegtɩ yaa Wẽnnaam meng nug n sɩɩs maam.+
22 Bõe yĩng tɩ y namsd maam wa Wẽnnaam sẽn namsd-mã,+n zabd ne-m n pa basdẽ?*+
23 Mam nongẽ-la b sẽn da na n gʋls m goamã,b sã n da tõe n gʋls-b sebr pʋgẽ!
24 Mam nongẽ-la b sẽn da na n gʋls-b pĩig zug wakat fãa yĩngne kut gʋlsdga, la ne namdo!
25 Bala mam miime tɩ m fãagdã*+ vɩɩme.Yẽ na n wa waame. A na n yika tẽngã zugu.
26 Mam yĩn-gãongã sã n wa sãam wototɩ m ket n be m yĩn-nemsã pʋgẽ, mam na n yãa Wẽnnaam,
27 a soab ning mam sẽn na n yã m toorã,mam meng nif sẽn na n yã, la pa ned a to wã.+
La mam yaa n yaame!
28 Bala yãmb sokame yaa: ‘Wãn-wãn la tõnd namsd-a?’+
Tɩ bala yaa maam la yellã soaba.
29 Bɩ y zoe sʋʋg rabeem,+bala sʋʋg wata ne sɩbgr beegr yĩnga.Yãmb segd n bãngame tɩ bʋ-kaood n be.”+
Vẽnegr toor-toore
^ Bɩ, “tʋ.”
^ Bɩ, “M doagdbã.”
^ Ebre, “mam pendã kom-dibli,” rat n yeel tɩ pend ning sẽn zã maamã (mam ma wã pende.)
^ Ebre, “Mam põsa ne m yẽnã gãong bala.”
^ Ebre, “n wãbd m nemdã n pa tɩgda?”
^ Bɩ, “sẽn lebs n da-a maamã.”
