Zoob sebre 30:1-31
30 “Masã, rap yʋʋm sẽn pa ta maamlaad-m lame.+Mam da na n zãgsame tɩ nin-kãensã ba-rãmbãra naag baasã sẽn gũud m bãgrã ye.
2 Bãmb nusã pãng yõod ra yaa bõe ne maam?
B pãngã saame.
3 Naong la kom kɩtame tɩ b pãng sa.Bãmb wãbda bũmb ning b sẽn paam zĩ-koɛɛngẽ wã,zĩig sẽn da zoe n sãam tɩ ned pa le be be ye.
4 Bãmb tigsda mood sẽn tar yamsem tuudẽ wã.Bãmb rɩɩb yaa zene tɩɩg yẽga.
5 B rig-b lame n yiis nebã sʋka.+Nebã kaasda bãmb wa wagdre.
6 Bãmb bee tãens sigds londẽ,*bogd sẽn be tẽnga, la pĩisẽ.
7 Bãmb bee tuudã pʋsẽ n kelemdẽ,la b sam taab gõosã sʋka.
8 B sẽn yaa yalemb la neb sẽn ka bark* kambã,b rig-b lame n yiis tẽngã pʋgẽ.
9 La masã b yaanda maam baa b yɩɩlã pʋgẽ.+Mam lebga ned b sẽn paoogde.*+
10 B kisa maam, n zãagd b mens ne-ma.+Bãmb tʋbsda mam neng kolkoodo, n pa yɛɛsdẽ ye.+
11 Wẽnnaam sẽn kɩt tɩ m pa le tar pãng* la a sik maamã yĩnga,b pa gũusd ne b sẽn maand bũmb ning mam taoorã ye.
12 Bãmb yikda mam nug-rɩtg wa kʋʋngo, n na n zab ne maam.Bãmb kɩtdame tɩ mam zoetẽ,la b gɩdgd mam sor n dat n sãam-ma.
13 Bãmb sãamda mam soayã,la b paasd mam toogã,+tɩ ned pa gɩdgd-b ye.*
14 Yaa wa b pooga lalg yaleng n tũud be n watẽ.Bãmb fõt n kẽeda zĩig sẽn sãame.
15 Rabeem-kãseng n kẽed maam.Yaa wa sobgã rɩka mam ziirã n loogdẽ,tɩ m fãagrã menemd wa sawadgo.
16 Mam vɩɩmã tara loogr n basd-ma.+Toog n tar maam daar fãa.+
17 Yʋngo, toogã wãada mam kõabã.+Zabdmã pa tol n satẽ ye.+
18 Mam fuugã* toeema ne pãnga,*n sãrd maam wa mam fuugã loore.
19 Wẽnnaam loba maam bɛgdẽ.A kɩtame tɩ m lebg tom la tompɛglem.
20 Mam kelemdame n kot sõngre, la yãmb pa leokd maam ye.+Mam yik n yasame, la yãmb geta maam bala.
21 Yãmb zabda ne maam ne toolem.+Yãmb zabda ne maam ne yãmb nugã pãng fãa.
22 Yãmb dɩkda maam n kɩt tɩ sobgã loogd ne-ma.Yãmb lengda maam sob-kãsengã pʋgẽ.*
23 Bala mam miime tɩ yãmb na n sika maam yaoogẽ,roog ning pʋgẽ nin-vɩɩsã fãa sẽn na n wa tigmã.
24 La ninsaal sẽn pa tar sõangd sã n kelemd n kot sõngr a toog sasa,ned baa a ye pa na n baas-a ye.+
25 Mam pa yãb neb nins sẽn da namsdã yĩng sɩda?
Mam pa maan sũ-sãang naong rãmb yĩng sɩda?+
26 Baa mam sẽn da saagd bõn-sõngã, bõn-wẽng n wa.Mam da tẽeda vẽenem, la yaa lik n wa.
27 Mam yɩɩrã pa tol n satẽ ye.Toog n tar maam daar fãa.
28 Mam kẽnda ne sũ-sãan-kãsenga,+ tɩ wĩndg vẽenem kae ye.
Tigingã pʋgẽ, mam yikdame n kelemd n kot sõngre.
29 Mam lebga we-baas ba-biiga.La naneoong kom-pugli tũud-n-taaga.+
30 Mam yĩn-gãongã sobame, n fʋkdẽ.+Tʋʋlgã* yõogda mam kõabã.
31 Mam pɛndgã wẽeda sũ-sãang yĩng bala,tɩ m wɩɩgã peebd yãbr yĩng bala.
Vẽnegr toor-toore
^ Bɩ, “kosoodẽ.”
^ Ebre, “yʋʋr.”
^ Ebre, “yel-bũndi.”
^ Ebre, “sẽn yols mam tãpã.”
^ Pa rẽ bɩ, “tɩ ned pa sõngd-b ye.”
^ Tog n yaa a yĩn-gãongã.
^ Pa rẽ bɩ, “Mam toogã sẽn yaa wʋsgã kɩtame tɩ m toeeme.”
^ Pa rẽ bɩ, “kɩtame tɩ mam boog ne pãnga.”
^ Pa rẽ bɩ, “Yĩn-wɩngrã.”