Zoob sebre 35:1-16
35 A Elihu leb n yeelame yaa:
2 “Fo kɩsa sɩd tɩ fo yaa tɩrga, hal n yetẽtɩ f tɩrlmã yɩɩda Wẽnnaam?+
3 Bala fo sokdame yaa: ‘A yõod yaa bõe ne yãmba?*
Mam yɛlã yaa sõma n yɩɩd m sã n da maanẽ yel-wẽnd sɩda’?+
4 Mam na n leoka foomne f tũud-n-taasã+ sẽn be ne foo wã.
5 Nak n ges saasã,la f maag f yĩng n ges sawatã+ sẽn be hal yĩngrã.
6 Fo sã n beege, maanda yẽ bõe?+
Fo yel-wẽnã sã n lebg wʋsgo, maand-a-la bõe?+
7 Fo sã n yaa tɩrga, bõe la a paamda?Bõe la a reegd fo nugẽ?+
8 Fo wẽnemã namsda ninsaal wa foo bala,tɩ f tɩrlmã nafd ãdem-biig bala.
9 B sã n weoogd nebã wʋsgo, b kaasdame.Bãmb kelemdame n kotẽ tɩ b fãag-b ne pãens rãmbã weoogre.*+
10 La ned baa a ye pa sokd yaa: ‘Wẽnnaam sẽn yaa mam Naand-kãsengã,+soab ning sẽn kɩt tɩ d yɩɩnd yʋngã bee yɛ?’+
11 Yẽ zãmsda tõnd+ bũmb wʋsg n yɩɩd rũmsã sẽn be tẽngã zugã,+la a kɩtame tɩ d yam yɩɩd bõn-yɩgdɩ wã sẽn yɩgd yĩngrã.
12 Nebã kelemd n kota sõngr la a pa leokd-ba,+nin-wẽnsã wuk-m-mengã yĩnga.+
13 Sɩd-sɩda, Wẽnnaam pa wʋmd kelen-vɩɩd* ye.+Sẽn-tõe-a-fãa wã pa kelgd rẽ ye.
14 Dẽ wã, a pʋd n pa na n kelg fo sẽn yẽgemd n yetẽ tɩ f pa ne-a wã ye!+
Fo yellã bee a taoore, dẽ wã fo segd n gũume t’a wa bʋ.+
15 Bala yẽ pa bool foo n sok sũ-puugrã pʋgẽ ye.A leb n pa ges fo gom-yaarã ye.+
16 A Zoob yaagda a noor yaleng zaalem.A gomda wʋsgo, n yaool n pa tar bãngr ye.”+