Zoob sebre 36:1-33
36 A Elihu leb n yeelame:
2 “Maan sũ-mar ne maam bilf n paas tɩ m bilg-fu,bala mam ket n tara goam n na n gom Wẽnnaam yʋʋr yĩnga.
3 Mam na n maaga m yĩng n togs foo bũmb nins fãa m sẽn mi,la m na n wilgame tɩ m Naandã n so tɩrlem.+
4 Sɩd-sɩda, mam goamã pa ziri ye.Soab ning sẽn mi bũmb fãa wã+ bee fo taoor ka.
5 Hakɩɩka, Wẽnnaam yaa pãng soaba,+ n pa raagd ned n bas ye.A sẽn wʋmd bũmb fãa võor to-to wã pa tõe n sɩf ye.
6 Yẽ pa na n kogl nin-wẽnsã vɩɩm ye.+La a kɩtdame tɩ neb nins sẽn namsdã paam tɩ b kao b bʋʋd tɩrga.+
7 A nin geta nin-tɩrsã wakat fãa.+Yẽ zĩnigd-b-la ne rĩm-dãmba,*+ tɩ b paamd zẽkr wakat sẽn kõn sa.
8 La b sã n sog-b ne sogdse,la b sẽb-b ne namsg wĩya,
9 a wilgd-b-la b sẽn maan bũmb ningã,b wuk-m-mengã sẽn kɩt tɩ b maan yel-wẽn ninsã.
10 Yẽ yokda b tʋbã remsg yĩnga,la a yet-b tɩ b wẽnemd n bas wẽng maanego.+
11 B sã n sak-a la b tũ-a,b na n vɩɩmda naar pʋgẽ b vɩɩmã rayã fãa sẽn ketã,la b vɩɩmã tõr na n yɩ-b-la noogo.+
12 La b sã n pa sake, sʋʋg n na n kʋ-ba,+tɩ b ki n pa paam bãngr ye.
13 Wẽn-zɩtbã* na n maana sũ-kẽka.
Baa ne a sẽn sẽb-bã, b pa kelemd n kot sõngr ye.
14 Bãmb vɩɩ* ne rap sẽn koosd b mens pʋʋsg zĩisẽ,+la b kiida* pẽba.+
15 La Wẽnnaam fãagda sẽn namsd-bã b namsgã sasa.Bãmb sã n wa namsdẽ, Wẽnnaam yokda bãmb tʋba.
16 A yiisda foom yel-beed noor+n kẽng zĩ-yalengẽ, gɩdgr sẽn kaẽ,+n dogl rɩ-nood f taablã zug tɩ yaa belsg f yĩnga.+
17 Dẽ, fo sũur na n yɩɩ noog b sẽn na n kao nin-wẽnsã bʋʋdã,+wakat ning b sẽn na n kao bʋʋdã, n tũ tɩrlmã.
18 La gũus tɩ sũ-puugrã ra wa kɩt tɩ f lebg pʋ-to-neda,+la f ra bas me tɩ noor-madgr zembal kẽes-f moog ye.
19 Fo sẽn kelemd n kot sõngrã,bɩ fo sẽn modgd wʋsgã n na n kɩt tɩ fo põs yel-beed bɩ?+
20 Ra tʋlg yʋng ne f sũur fãa,wakat ning nebã sẽn menemd b zĩigẽ wã ye.
21 Gũus n da wa wẽnemd n maand sẽn yaa wẽnga,fo sẽn pa rat n ket n namsdẽ yĩng ye.+
22 Ade! Wẽnnaam pãngã zẽkd-a lame.Karen-saam-bʋg n yaa wa yẽ?
23 Ãnd n wilg-a a sẽn segd n maanega,*+bɩ n yeel-a t’a sẽn maanã pa zemse?+
24 Tẽeg n pẽg a tʋʋmã,+tʋʋm nins wɛɛngẽ nebã sẽn yɩɩndã.+
25 Ãdem-biisã fãa yãa rẽ,ninsaal sẽn yaa kiidã geta rẽ yɩɩg-yɩɩga.
26 Hakɩɩka, Wẽnnaam yaa kãseng n yɩɩd tõnd sẽn tõe n bãngã.+A yʋʋmã yaa kõn bãng n sõde.+
27 A takda koomã n dʋʋse.+La wulgã tedgdame n lebg saaga.
28 Dẽ, sawatã kiigda koomã tẽnga.+B rʋʋgda koom tẽng tɩ ninsaalbã fãa paamdẽ.
29 Ned tõe n wʋma sawatã sẽn yɛdg to-to wã võor sɩda?Ned tõe n wʋma sa-tãsã sẽn yit a fu-roogẽ wã võor sɩda?+
30 Ges yẽ sẽn yɛdg a sa-yãgbã*+ a fu-roogã zug to-to,la a lut mogrã zĩ-zulumsã to-to.
31 Yaa ne bõn-kãensã la yẽ rɩlgd nebã.A kõt-b-la rɩɩb tɩ sekdẽ.+
32 Yẽ luta sa-yãgbã ne a nusã,n teesd-a zĩig ning a sẽn dat t’a wẽ wã.+
33 A sa-tãsã wilgda a waoongo,baa rũmsã wilgda sẽn yaa a soab* n wate.
Vẽnegr toor-toore
^ Pa rẽ bɩ, “A zĩnigda rĩm-dãmba.”
^ Bɩ, “Sɩdã kɩɩsdbã.”
^ Pa rẽ bɩ, “B baasda b vɩɩmã.”
^ Bɩ, “b sɩɩsã kiida.”
^ Pa rẽ bɩ, “n wɩd-a, bɩ n sok-a bũmb a sẽn maan wɛɛngẽ.”
^ Ebre, “vẽenemã.”
^ Pa rẽ bɩ, “sẽn yaa bũmb ning.”
