Zoob sebre 37:1-24
37 “Yãoã kɩtame tɩ m sũurã kiuusdẽ,n dat n fãsge.
2 Maag-y y yĩng n kelg a koɛɛgã rãamde,la sa-tãsã sẽn yit a noorẽ wã.
3 Yẽ kɩtdame t’a yi sa-gãongã pʋgẽ,n tʋmd a sa-yãgbã+ hal dũniyã tɛk fãa.
4 Rẽ poore, kɛleng rãamd n pʋgda.Wẽnnaam tãsda ne koɛɛg sẽn tar pãnga,+la baa a koɛɛgã rãamd sã n yi, a pa kɩtd tɩ sa-yãgbã sa ye.
5 Wẽnnaam tãsda ne a koɛɛgã+ hal tɩ yaa yel-solemde.A tʋmda tʋʋm-kãsems tɩ d pa tõe n wʋm b võor ye.+
6 Bala yẽ yeta sa-lamdã yaa: ‘Rʋʋg tẽngã zugu,’+
la a yet saagã yaa: ‘Kiig ne pãnga.’+
7 Wẽnnaam kɩtdame tɩ ninsaal tʋʋmd fãa yalse,sẽn na yɩl tɩ ninsaalbã fãa sẽn yaa kiidbã bãng a tʋʋmã.
8 We-rũmsã kẽeda b bogdẽn paad b zĩ-solgdsẽ wã.
9 Sob-kẽeng yita a ro-pʋgẽ wã n fugi,+tɩ rɩtg sobgã wat ne waoodo.+
10 Ne Wẽnnaam vʋʋsmã maasem, koomã lebgda galaase.+Ko-rãmbã gũsdame n lebgd kãn-kãe.+
11 N-ye, yẽ zɩsgda sawatã ne meenem.A sãeegda a sa-yãgbã+ sawatã pʋsẽ.
12 B gilgdame n teesd zĩig ning a sẽn dat tɩ b teesã.B maanda bũmb ning fãa a sẽn dat tɩ b maan+ tẽngã zugã.
13 Yẽ tũnugda ne sawatã n wat ne sɩbgre,+ bɩ n kɩtdẽ tɩ saagã niid tẽngã zugu,+wall n kɩt tɩ b bãng a nonglem hakɩɩkã.
14 Zoobe, kelge!Yals n maag f yĩng n tags Wẽnnaam tʋʋm-kãsemsã zugu.+
15 Rẽ yĩnga, fo mii Wẽnnaam sẽn kõt sawatã noyla a kɩtdẽ tɩ sa-yãgbã yãgd b pʋsẽ to-to sɩda?
16 Fo mii sawatã sẽn laand to-to wã bɩ?+
Bõn-kãensã yaa Soab ning sẽn mi bũmb fãa wã tʋʋm-kãsemse.+
17 Bõe yĩng tɩ fo fuugã lebgd tʋʋlgo,goabg sobgã+ sẽn wat n kɩt tɩ tẽngã yaa sɩddd wã?
18 Fo tõe n naaga yẽ n yɛdg sa-gãnã+tɩ b yaa kãn-kãe wa zũud nen-gɛtg sɩda?
19 Wilg tõnd d sẽn segd n yeel-a bũmb ninga.Tõnd pa tõe n leoke, bala d bee lik pʋga.
20 B segd n togs-a lame tɩ mam dat n gomame sɩda?
Bɩ ned n yeel bũmb tɩ b segd n taas-a?+
21 Nebã pa tõe n yã vẽenemã* menga,baa a sẽn be yĩngr n yãgdã,n tãag sobg sẽn na n fug n pɩɩs sawatã n looge.
22 Vẽenem n yit rɩtg n yãgd wa sãnem.Wẽnnaam ziirã+ kẽesda rabeem wʋsgo.
23 Tõnd pa tõe n wʋm bũmb fãa võor Sẽn-tõe-a-fãa wã zug ye.+ Yɩɩda tõnd pãnga.A pãngã yaa kãsenga,+la a pa tol n kaood bʋʋd kɛgr+ bɩ n basd a tɩrlmã sẽn yaa wʋsgã ye.+
24 Dẽ wã, nebã segd n zoe-a lame.+
Bala a pa nong ned sẽn tagsd t’a tara yam ye.”+
Vẽnegr toor-toore
^ Rat n yeel tɩ wĩntoogã vẽenem.
