Zoob sebre 6:1-30
6 Rẽ la a Zoob leok n yeel yaa:
2 “M nongẽ-la b sã n da tõe n mak mam toogã zɩslem,+n naag-a ne yel-beed ning sẽn paam maamã n dogl makdg zugu!
3 Bala masã, b zɩslmã yɩɩda mogrã noor bĩisrã.
Yaa rẽ n kɩt tɩ m gomd n pa tagsdẽ wã.+
4 Bala Sẽn-tõe-a-fãa wã pɛɛm kõsa maam,la mam yũuda peem-kãens zẽnem.+Wẽnnaam zabda ne maam hal tɩ rabeem wʋsg tar-ma.
5 We-bõang+ na tar yamd la a kʋmdẽ?Bɩ we-naaf na tar yamd la a muundẽ?
6 Rɩ-sãbsg rɩtame n pa ning yamsem sɩda?Gell ko-pɛɛlg sẽn yaa saalgã tara noosem sɩda?
7 Mam tõdgame tɩ m kõn sɩɩs bõn-kãensã ye.
B yaa wa bũmb sẽn sãamd mam dɩɩbẽ.
8 Bɩ m sẽn kot bũmb ningã yɩ,la bɩ Wẽnnaam kõ maam bũmb ning m sẽn tʋllã.
9 Bɩ Wẽnnaam sak n beds maam,la bɩ a tẽeg a nug n baas-ma!+
10 Bala rẽ pʋd n na n belsa maam,la mam na n kɩdma sũ-noog baa m toogã sẽn pa boogdã.Bala mam pa kɩɩs Sõng soabã goam ye.+
11 Mam tara pãng n tõe n kell n gũ bɩ?+
Mam baasg na n yɩɩ wãna, tɩ sek m na kell n vɩɩmde?
12 Mam pãngã zema pĩig kugr la?
Bɩ mam yĩngã yaa zũudu?
13 Bũmb ning fãa sẽn tõe n sõng maamã sẽn zãag ne-ma,m le tara m sẽn tõe n maan n sõng m meng bɩ?
14 Ned ning fãa sẽn basd n pa wilgd a to t’a nong-a lame+na n basa Sẽn-tõe-a-fãa wã zoeese.+
15 Mam saam-biisã zãmba maam+ wa sa-lamd sẽn boog n lebg kʋɩlga,n wa baas n kʋɩ wã.
16 Galaasã sobg-b lame,la sa-lamdã sẽn boogã solga bãmb pʋsẽ.
17 La bãmb koomã wat n saame tɩ b meneme.Tʋʋlg wẽnde, b kʋɩtame.
18 Bãmb bʋdgdame.B zoet n teesa we-rasempʋɩɩgẽ wã n meneme.
19 Tema toandbã+ baood-b lame.Saba so-toagdbã+ saagda b na paam-ba.
20 La yãnd tar-b-la b saagrã sẽn pa pidsã yĩnga.Bãmb taa hal be, la b sũur sãamame.
21 Sɩd-sɩda, ne maam, yãmb lebga woto.+Yãmb yãa yel-beed ning sẽn paam maamã n yɛɛse.+
22 Mam kosa yãmb bũmbu,
bɩ m kos-y lame tɩ y yãk kũun y paoongã pʋgẽ n kõ-m sɩda?
23 Mam kos-y lame tɩ y fãag-m bɛ nugẽ,bɩ m kosame tɩ y fãag-m neb sẽn weoogd maam nugẽ sɩda?
24 Togs-y maam m sẽn maan bũmb ningã, tɩ m na sĩndi.+Sõng-y maam tɩ m bãng m kongrã.
25 Pʋ-peelem goam pa zabd ye.+
La yãmb sẽn ningd maam taalã yõod yaa bõe?+
26 Yãmb baood n na n ninga maam taale,m goamã sẽn yaa sũ-sãang soab goam+ sobg sẽn dɩkdã yĩng la?
27 Yãmb tõe n maana bãnd kɩɩb zug menga,+la y koos* y zoa!+
28 Masã, wẽnemd-y n ges-y maam,bala mam pa na n yag ziri yãmb taoor ye.
29 M kotame tɩ y lebg n tags n gese. Ra n ning-y maam taal zaalem ye.N-ye, lebg-y n tags-y n ges-y-yã. Bala mam ket n yasa m tɩrlmã pʋgẽ.
30 Mam noorã gomda ziri la?
Maam n wa n pa tõe n bãng bũmb sẽn yaa kɛgre?
Vẽnegr toor-toore
^ Bɩ, “tek.”
