Zoob sebre 7:1-21
7 “Tẽng zug ka, ninsaal sẽn yaa kiidã vɩɩm pa wa ned sẽn tʋmd tʋʋm-wɛgla,t’a rayã fãa yaa wa ned b sẽn dɩk tʋʋm ray sɩda?+
2 Yẽ yaa wa yamb sẽn baood maasem ne a sũur fãa,la wa ned b sẽn dɩk tʋʋm sẽn gẽegd a yaoodo.+
3 Woto, mam pʋɩɩrã yaa kiis wʋsg fare,la mam yaoodã yaa yʋnd sẽn pid ne naongo.+
4 Mam sã n gãande, mam sokda m meng wakat bʋg la m na n yiki.+
La beoogã sẽn kaoosd vẽegrã, mam leebdame n tãag sãoor pukri.*
5 Mam yĩngã pida ne zũnzũy la nod-pagd sẽn yaa rẽgdo.+Mam yĩn-gãongã fãa yaa noada, n yit meto.+
6 Mam rayã sẽn loogd to-to wã tʋʋlem yɩɩda sʋnd koeer-wamde,+n satẽ tɩ saagr kaẽ ye.+
7 Tẽeg-y tɩ mam vɩɩmã yaa wa sobgo,+la tɩ m ninã pa na n tol n le yã sũ-noog ye.
8 Nif ning sẽn ne maam masã wã pa na n le yã-m ye.Yãmb ninã na n gẽesa maam, la rẽ tɩ m loogame.+
9 Wa sawadg sẽn wɩlgd n wa menemã,ned ning sẽn sigd Yaoogẽ* wã pa lebgd n yi ye.+
10 A pa na n lebg n wa a yirã ye.La a yirã rãmb pa na n le mi-a ye.+
11 Woto yĩnga, mam pa na n sĩnd ye.
Mam na n goma m sũ-toogã pʋgẽ.Mam na n yẽgma m sũ-sãangã sẽn yaa kãsengã pʋgẽ!+
12 Maam la mogrã bɩ, bɩ mogrã bõn-bãndtɩ y na n kɩt tɩ b gũ-ma?
13 Mam sã n yeel tɩ m gãagã na n belsa maam,la t’a na n sõngame tɩ m toogã booge,
14 yãmb yɛɛsda maam ne zãmsdo,la y kẽesd-m dabeem ne vẽnegr toor-toore,
15 hal tɩ m getẽ tɩ b sẽn sãrd maam n são,n-ye, m sẽn kiid n são m sẽn vɩ ne yĩn-kãngã.*+
16 Mam kisa m vɩɩmã.+ M pa rat n le vɩɩmd ye.
Bas-y maam sɩɩ, bala m rayã yaa wa vʋʋsem.+
17 Ninsaal sẽn yaa kiidã yaa bõe t’a yell pak yãmba,tɩ y na n ges a yelle?+
18 Bõe yĩng tɩ y gũusd-a yibeoog fãala y makd-a wakat buud fãa?+
19 Y pa na n wẽnemdn bas-m tɩ m yaa n paam n vel m kolkoodã?+
20 Mam sã n beegame, maanda yãmb a Soab ning sẽn gũusd ãdem-biisã bõe?+
Bõe yĩng tɩ mam lebg a soab ning y sẽn tãood ne y pɛɛmã?
Mam lebga zɩɩb ne yãmb la?
21 Bõe yĩng tɩ y pa kõt-m sugr m beegrã yĩnga,la y pa basd m kongrã taale?
Bala ka la bilfu, mam na n gãanda tomẽ.+Yãmb na n baoo maam, la rẽ tɩ mam loogame.”
