SAGLGÃ YÕODO: Tigissã sasa, d paamdame n yɩɩnd n pẽgd a Zeova la d waoogd-a. (Yɩɩn. 149:1) D leb n paamdame tɩ b wilg-d d sẽn tõe n maan a Zeova raabã to-to. (Yɩɩn. 143:10) Naoor wʋsgo, neb nins sẽn sakd n kelgd koɛɛgã la Biibl karen-biisã sã n sɩng tigissã waoongo, sõng-b lame tɩ b bɩɩs b tẽebã.

AD D SẼN TÕE N MAAN DẼ TO-TO:

• D ra bas tɩ kaoos n yaool n bool ned t’a wa tigissã ye. Pa tɩlɛ tɩ d sɩng Biiblã zãmsg ne-a n yaool n bool-a ye.—Vẽn. 22:17.

• D wilg-a d sẽn maand tigsgã to-to, la bũmb nins yell b sẽn na n gomã. Rẽ wɛɛngẽ, ad bũmb kẽer sẽn tõe n sõng-do: Seb-vãoogã d sẽn tar n boond nebã tigissã yĩngã, Bõe la b maand Rĩung roogẽ? video wã, n paas Ãnd dãmb n maand a Zeova raabã sebrã sak a 5 ne a 7 wã.

• D sõng-a. Tõeeme tɩ d sẽn bool a soabã pa tar bõn-zoambdga, bɩ a pa mi a sẽn na n yeelg fuug ning ye. Tigsgã sasa bɩ d zĩnd ne-a, tɩ b sã n karem vɛrse bɩ sebr a to, bɩ a tõe n tũ. D sõng-a t’a bãng tigingã neb a taaba.